آخر المواضيع


انت غير مسجل في المنتدى. للتسجيل الرجاء الضغط هنــا
الايميل:

العودة   منتدى 37 درجة > 37 درجه الادبي > قصص واقعية روايات حكايات

قصص واقعية روايات حكايات قصص دينية اسلامية واقعية حقيقية أطفال نساء خيال قصيرة صغيرة الانبياء حزينه روايات

إضافة رد
أدوات الموضوع انواع عرض الموضوع
قديم 02-27-2010, 06:14 PM   رقم المشاركة : 1
مـلاكـ بين الناسـ
عضو جديد
 
الصورة الرمزية مـلاكـ بين الناسـ





Ss70014 روايه جريئه اسمها قلبي هاويك...

بسم الله الرحمن الرحيم

نبدا بالشخصيات

عائلة ابو محمد الجد[سعود] ام محمد الجده(منيره)


ابوفيصل(محمد)طبعا هو اكبر اخوانه يشتغل بشركة ابوه عمره45 سنه طيب

ام فيصل (دانه) مدرسة دين عصبيه شوي عمرها 40سنه

فيصل وسيم لابعد الحدود هو ومشعل ولد عمه الروح بالروح يدرس بلندن عمره 22سنه

ريما هاالبنت ملاك حلوووووووه مره شعرها لنص ضهرها لونه بني بيضاء عمرها 18 سنه

ريم توام ريما مايفترقون بالشكل بس اللهم ان ريما نعومه وهاديه وريم عربجيه ودفشه ومهما

احد شعرها لونه عنابي تكره ولد عمها خالد

عائلة ابومشعل(فهد)عمره 43سنه طبعا يشتغل مع اخوانه حنون

ام مشعل(سعاد)عمرها 39 سنه طيوبه لاكن اهم شي عندها عيالها

مشعل وسيم وحلو يدرس بلندن مع فيصل عمره 22سنه

شذى حلوه ومملوحه لون شعرها بني فيه خصل لونها ذهبي و مدلعه لانها البنت الوحيده

عمرها 20سنه اقرب لها اكثر شي هي غلا

عائلة ابو خالد(عبدالرحمن)عمره 42سنه طيب وحنون

ام خالد(سلوى)عمرها38سنه عندها صالون وكانت مدلعه خالد كثير لانها ماناجبت الا هو

خالد انسان داج وفله وغزل بذا البنات هو وتركي ولد عمه حلوووووووه مره مطيح البنات ويكره

بنت عمه ريم عمره21سنه

عائلة ابوتركي(صالح)عمره 41سنه طبعا مع اخوانه طيب

ام تركي(نهى)عمرها 37 سنه حنونه ع عيالها كثير

تركي هو خالد نفس الطينه حلوو مره وفيه من خالد لاكن خالد احلى عمره21سنه

غلا حلوه مره وملامحه حلوه كثير شعرها اسود طويل بيضه عمرها 20سنه

مشاعل هالبنت ناعمه كثيير وهاديه مرره ملامحه ناعمه تشبه غلا كثير بس مشاعل احلى

عمرها 17 سنه شعرها لونه اسود




خلصنا من الشخصيات الحين نبدا



الجزء الاول


في بيت ابو فيصل ريم كانت جالسه بالصاله ع الابتوب دخل فيصل

فيصل :ريم روحي بسرعه قولي للخدم يجهزون القهوه والشاهي

ريم:لاوالله خدامتك وانا مادري

فيصل:اخلصي علي خالد ينتظرني بالمجلس

ريم بصوت مو مسموع:اف ذ وش جايبه

فيصل:ايش وش قلتي

ريم تبتسم:لا ولاشي الحين اروح اقولهم

راحت ريم عند الخدم تقولهم اما عند فيصل

فيصل:حيالله خالد

خالد:الله يحيك

فيصل:ها اخبارك وش مسوي

خالد:الحمدلله الا اقول وين ناوي تدرس

فيصل:والله انا ومشعل ناويين ندرس بلندن

خالديغمز له:شراييكم تاخذوني معكم

فيصل:لا ياشيخ عشان تروح تتغزل بذا البنات خلك جالس هنا احسن

خالد:اصلا ابوي ماراح يخليني ارووح

طق الباب طق طق طق راح فيص يفتح الباب

ريم من دون نفس: ها خذ

فيصل رافع الحاجب:وش بلاك

ريم: ولاشي راحت ريم فوق لقت ريما تقرا مجله

ريم:اف طفش مليت ريما ولاكان احد يتكلم

ريم لفت ع ريما :ريوووم

ريما:هاوش تبين

ريم:شراييك نطلع مكان

ريما:وين نروح

ريم:اي مكان المهم نطلع

ريما:صراحه مالي خلق

ريم:اف اجلس ع النت احسن من مقابل وجهك

نروح لبيت ابو مشعل طبعا العائلة مجتمعه بالصاله

ابومشعل:ها شخبار الدراسه معكم

شذى :الحمدلله زين الا اقول يبه

ابومشعل:هايبه

شذى:وين راح نسافر بالاجازه

ابومشعل:والله يايبه بنروح للرياض

شذى :بس انت وعدتني نروح ايطاليا

ابومشعل:ماعليه يايبه عشان جدك وجدتك وانشاءالله الاجازه الجايه نروح ايطاليا

شذى تبتسم:ان شاءالله

ابومشعل:ها يامشعل ملزمين تروحون

مشعل:ايه والله يايبه ملزمين

ام مشعل:الله يوفقكم يارب

بيت ابوتركي تركي جالس طفشان ووده يتونس هو خالد دق ع خالد

خالد:الوو هلا تركي

تركي :اهلين اقول خلود

خالد:هلا امر

تركي :ودي نطلع نتمشى شوي ونشم هوى

خالد:لا مالي خلق توني راجع من بيت عمي ابو فيصل

تركي مستغرب:وش موديك هناك

خالد:انت عارف ليه

تركي:ههههههههههه عساك بس شفتها

خالد بحزن:لا

تركي :ان شاءااله تشوفها بليلة عرسك

خالد:امين الله يسمع منك

تركي:عاد تخيل انها شينه وخايسه ومتنبـ

خالد قاطعه:هيه خير وش اللي خايسه والله وجهك الخايس ترى مارضى عليها

تركي:قلنا تخيل

خالد:ياشيخ فارق انت وخيالاتك اللي زي وجهك وسكر السماعه بوجه تركي

طبعا انت ودكم تعرفون خالد مين هي اللي يحبها اكيد ريما لانه يكره ريم وريم نفس الشي

تكرهه>>>>سبحان الله شعور متباردل

الساعه 10 يبت ابو تركي الكل قايم مولله عشان يوم الجمعه لازم يقومون بدري

غلا تشوف التلفزون ومشاعل تكلم خويتها ساره ع المسن وابو تركي يقرا الجريده

ام تركي دخلت عليهم:ها قام تركي

مشاعل:لا والله ماقام

ام تركي:روحي قوميه خل ياخذشور قبل ماياذن

مشاعل:اوكي راحت مشاعل فوق تقوم تركي طقت الباب طق طق ماحد فتح طقت مره ثانيه

نفس الشي محد فتح عصبت وفتحت الباب

لقت تركي بسابع نومه

مشاعل:تركي تركي يلا قوم

تركي:هممم وش تيبن

مشاعل:امي تقول قوم مابقى شوي وياذن يالله قوم

تركي:تعرفين تطسين برا وتقضبين الباب وراك

مشاعل:يلا عاد قوم ترا مليت

تركي بعصبيه :اطلعي براااااااااااااا

مشاعل خافت ياربي ع النعومه صادفتها ام تركي

ام تركي:هاقام

مشاعل:لا

ام تركي: وخري عن وجهي تركي تركي

تركي:ها

ام تركي:يلا قم بسرعه خذلك شور قبل ماياذن

تركي وبياس:ان شاءالله

طلعوا من المسجد طبعا الكل توجه بيته

بيت ابو فيصل رن التلفون ريما ردت

ريما:الو

مشعل :الو هلا مين ريما

ريما:ايه

مشعل: ممكن تنادين لي فيصل

ريما :ان شاءالله راحت ريما عند فيصل:فيصل مشعل يبيك ع التلفون

فيصل:غريبه ليش مادق ع الجوال

ريما: مدري

راح فيصل :الو

مشعل:وينك انت من الصبح ادق عليك ليش ماترد

فيصل تذكر انه حاطه ع السايلنت:يوووه كنت حاطه ع السايلنت معليه السموحه

مشعل : لاعادي ها وافق ابوك

فيص بررود:ع ايش

مشعل:تستهبل ع السفره

فيصل:ايه

مشعل: زين يالله باي

فيصل:باي

نروح للمجمع خالد وتركي غزل بذا البنات ياحلو ياقمر

خالد:اف امش خلنا نطلع


تركي:خالد وش فيك هاليومين مانت طايق البنات

خالد:مليت طفشت زهقت وانا اغازل فيهم تدري شلون قم معي

تركي :ع وين

خالد:انت قم ويصير خير

ياترى خالد وين راح يروح هذ اللي بنعرفه بالجزء الجاي

اتمنى ان الجزء عجبكم بس البدايه راح تكون عاديه

لاكن مع احداث الروايه راح تكون فيه اشياء ماراح تتخيلونها


اتمنى انها تعجبكم

v,hdi [vdzi hslih rgfd ih,d;>>> [vdzi v,hdi ih,d;>>>

 

منتدى 37 درجة



آخر مواضيعي

0 روايه جريئه اسمها قلبي هاويك...
0 سـؤال للشباب وسؤال للبنات
0 بسبب قنـآة بـدآيـة خرجت عجـوز وبنتهآ في الشارع
0 ابي ترحيب يهز المنتدى

  رد مع اقتباس
إضافة رد

الكلمات الدلالية (Tags)
اسمها, جريئه, روايه, هاويك..., قلبي

جديد مواضيع قسم قصص واقعية روايات حكايات
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة

الانتقال السريع


الساعة الآن 09:17 PM.



المنتدى لايتبع اي جهه وكل مايكتب في المنتدى يمثل وجهة نظر كاتبة فقط

يمنع العلاقات بين الجنسين ونبرأ ذمتنا من ذالك واي مخالفة سوف نتخذ الاجراء المناسب

Powered by vBulletin® Version 3.8.4
Copyright ©2000 - 2014, Jelsoft Enterprises Ltd.
SEO by vBSEO ©2011, Crawlability, Inc.