آخر المواضيع


العودة   منتدى 37 درجة > 37 درجه الترفيهي > منتدى وناسه نكت مقالب استهبال

منتدى وناسه نكت مقالب استهبال منتدى وناسه نكت ,فكاهة ,ضحك ,مقالب تنكيت لكاعة استعباط

إضافة رد
أدوات الموضوع انواع عرض الموضوع
قديم 09-10-2011, 10:13 AM   رقم المشاركة : 1
معالي
Girl vixen x'D
 
الصورة الرمزية معالي





Momayz مصطلحات لن تجدها الا في السعودية دعوة للتعرف عليها :

بسم الله الرحمن الرحيم

مصطلحات لن تجدها الا في السعودية دعوة للتعرف عليها :


الدلخ :

وهذاا إنسان غبي جداااا.ويرفع الضغط ....وينرفز ....

واكثر من يعااني منه المدرسين ....واهله.


المنسم :

ذلك راجع إلى تهريب الهواء من رأسه و السبب

في ذلك هو أن في رأسه فتق لذلك تلقاه دايم يغطس رأسه

في سطل موية عشان يعرف من وين التنسيم .


المهوي :

هو مرحلة متأخرة من التنسيم و المهوي وصل لمرحلة متأخرة جدا

بحيث يفقد أهله الرجاء منه ...




السلنتح :

قليل الأدب


جحلط ( بتشديد اللام ) :

وهم مرحلة متقدمة للسلنتح


مزّلب :

يعني بايعها بتراب !


مسفّح :

يعني طاير في العجّة وهو ما عنده ما عندي جدتي

يعني بالعربي الفصيح من جنب القدة


الصتيمة :

وهو الشخص اللي ماعنده ماعند جدة جدتي ...!!...

ويصدق أي شيء يقال له


المسبة أو المسبوة :

هو الشخص اللي يكون مروع في صغره لدرجة أنه يصبح شبه فاقد للعقل ...


المفهي :

هذا الله يخلف على أمة مهما تقول له أو تصارخ عليه تلقاه فاتح فمه و بس

و إذا كلف عمره و تفاعل معك رد عليك و قالك : هه ...


الحقنة :

هو الشخص الغثيث اللي ما يفكك لين تعطيه اللي يبيه منك

و مهما تسوي له عشان تصرفه عن الموضوع حقه ينشب في حلقك

لين يأخذ منك اللي يبيه , وهذا يفسر قول العرب : أغث من حقنة !!....


العلة :

هذا اللي ما تأخذ أنت منه أي شيء و لا عنده استعداد

انه يسمع منك مهما حاولت وهو كالمرض يعلك لين تنفقع مرارتك منه......


العربجي :

يظن معظم الناس أن العربجي هو الشخص الشديد

حق المشاكل و اللي ما يمشي إلا وهو مشخص ببنت البكار

( أسم لطريقة لبس الشماغ عند العرابجة )

و حاط مفاتيحه في سلسلة و لو نعاله يسحبها تسحيب


و كانك ولد أبوك قله شيء بس


الكحلي :

يطلق مسمى الكحلي على ذوي البشرة السمراء

و لأن ذوي البشرة البيضاء مساكين ما عندهم لقب احتجوا

عند الأمم المتحدة مطالبين باللون الفضي ....


المرجوج :

هذا ما عمره صلح شيء صح في حياته ما يمديك تفتح فمك

إلا و طار في العجة بدون ما يفهم وش السالفة

و الارتجاج الحاصل له يختلف تماما عن مشكلة المسبة أو المسبوة

حيث يكون الارتجاج هنا نتيجة صدمة و ليس نتيجة روعة .


المطفوق :

من فصيلة المرجوج ...

إلا أن مايميزه هو انه اذا مر من عند كاس أو جيك أو ابريق أو أي شيء

فيه سائل لازم يكبه ( أي يسكبه ) برجله وهو مايدري ،،

ولا تخليه يمر بجنبك وانت معك صينية فيها بيالات لأنه لازم يطقها بيده أو بكتفه ..!!

أيضا لاتخليه يصب قهوة لضيوف لأنه لازم يكب القهوة على ثوب واحد منهم..!!!!!.....


السربوت :

هذا اللي ما يخلي مكان ما يروح له

و قد كان الأولين يطلقون لقب السربوت على من يشرب الدخان

لكن الحين الله يخلف الناس تدخن بيديها و رجليها و لحد يقول لهم شيء.


السمرمدي :

وهو من نفس فصيلة السربوت وكنة اكثر رقي منة.


الداشر :

هذا قليل الأدب و لا يحب يماشي إلا السرابيت

و إذا قيل فلان دشر فلان أي خرب أخلاقه لكن في الأردن

الشقيق كلمه دشره تعني أتركه..


الملكع :

أما هذا فيعرف حتى السكني (اي الجن )

و مقطع السمكة و ذيلها و مهما تحاول تلف و تدور معه تراه

فاهم و عارف وش تبي بالضبط فلا تتعب نفسك .


زعّيط :

مسوي نفسه يفهم في كل شيء وهو من جنب العارضة.


المصرقع :

هو كل شخص ما يهمه شيء و اللي يطري على باله بيسويه

لأنه ماخذ الدعوة سعة صدر و هبال ...


المفلت :

هو كل شخص ما تقدر أنك تأمنه على شيء

لأنه مهوب تكانة و يتميز بكل أنواع الإهمال و التطنيش....


الخكري :

ببساطة الخكري = نعومة + دلع الله لايبلانا...




اللزقه:

هذا الشخص اللي على طول معك وقدامك ووراك وكل شي

وتطلع مع الباب تلقاه , تركب في السياره تلقاه يطق القزازه وهاكذا.





الجنط :

من فصيلت الدلخ.



المريوح:

هذا اللي نفسه شينه .



الزااااااحف.
.إنسان آخذها عرض مبسوط ويبسط من حوله سريع البديهه ولايفوته شئ..


والخرس.
.من نوع الكمخه والفاهي يقول إيه وهو مايدري وش السالفه..


الأرفل.
.من نوع المطفوق يعني لاتقرب له ولاتخليه يقرب لشئ وخصوصا الاعمال الدقيقه لأنه ماينفع فيها..


المسلس
..هذا المسكت واللي ماتدري وش وراه تشوفه تقول أتلى الأجاويد وهو وراه بلاوي..


الرجه..
مصرقع مايجي بمكان الا ويرجه بصوته على غير سنع..


المهفه.
.هذا كلمه توديه وكلمه تجيبه..


اللوح.
.يعاند على غير سنع..


الكرتون.
.تحسه غبي على السليقه لاتكلمت معه تقول من وين جاي هذا..


الشراره.
.هذا مايجي بمكان الا والمصايب وراه يتسبب على من حوله بالقرادات..


المقرود
..كل شئ متسلط ضده يعني مقرود حظ


المنتهي.
.مابعد النهايه شئ بايع كل شئ لو تقوله أي شئ ماقال لا..



المطنوخ.
.هذا تحطه على يمناك يعني تعتمد عليه..


الإكه..
هذا اللي تصرفاته صح ويعلمك وش تسوي لاتوهقت بشئ..



الداج..
داج وش معناها يعني ؟؟ داج بالمال والتفكير يعني الله يخلف..



التنكه..
هذا اللي يقرقع بس تلقاه يلجلج ولاوصلت الامور أجلد..



القفل.
.هذا اللي مافيه امل يفهم لو تقعد تشرح له من هنا للسنه الجايه..



الفدغ أو الافدغ ......
من يحاول يستخف دمه ويبيك تضحك غصباً عنك
واذا ما ضحكت من بلاهته يضحك هو الين تحس ان الشي اللي سواه من اجد مضحك

وفي الاخر راح تضحك انت من فداغته


وسلامتكم

 

منتدى 37 درجة



آخر مواضيعي

0 زمن قيس يعود من جديد قصة حب واقعية
0 عبارة” كل واحد يتكلم عن نفسه ” تُسقط 100الف متابع من حساب بتال القوس
0 هي من صميم الذات والا أجنبية؟
0 قلوب لا تصنع القرار
0 الوليد بن طلال: قيادة المرأة ستؤدي لتوفير 500 ألف وظيفة
0 الملك يوجه "الداخلية والعمل" بإعطاء فرصة لمخالفي العمل والإقامة‬
0 كويتية فزنا عليكم يالسعوديه

  رد مع اقتباس
قديم 09-10-2011, 11:35 AM   رقم المشاركة : 2
مملوح الشرقية
التميز
 
الصورة الرمزية مملوح الشرقية
افتراضي رد: مصطلحات لن تجدها الا في السعودية دعوة للتعرف عليها :

بسم الله الرحمن الرحيم

هههههههههههههههههههههههههه



عواااااااااااااااافي

 

منتدى 37 درجة

آخر مواضيعي

0 أحلي تهنئة لأم ريم بمناسبة المولود الجميل...
0 هل يمكن الوصول للحقيقة
0 الشخص المحطم
0 لو تحطي او تشيلي غشوتك
0 وداعـة الله مـابـقـى للـغـلا روح
0 اللي يعرف منتجع او شاليه بمسبح خاص بالكويت يفيدنا
0 جيتك يا خالد بالمصقع ههههههههههههه

  رد مع اقتباس
قديم 09-10-2011, 08:11 PM   رقم المشاركة : 5
سهر
عضو vip
 
الصورة الرمزية سهر
افتراضي رد: مصطلحات لن تجدها الا في السعودية دعوة للتعرف عليها :

بسم الله الرحمن الرحيم

كااااااااااااااك!


يعطيكي ربي الف عاافيه ..

 

منتدى 37 درجة

آخر مواضيعي

0 وحشتوني أوي
0 صورة نجل الشاعر محمد بن فطيس المري
0 جيت بعد غيبه ..]~
0 رمزيات+ رمزيات bb+ رمزيات
0 خلفيات bb - خلفيات بي بي - خلفيات بلاك بيري 2019
0 وافشيلتاه
0 أأأأخر من يعلم ..

  رد مع اقتباس
قديم 09-10-2011, 08:17 PM   رقم المشاركة : 6
عذاري..
عضو نشيط
 
الصورة الرمزية عذاري..
افتراضي رد: مصطلحات لن تجدها الا في السعودية دعوة للتعرف عليها :

بسم الله الرحمن الرحيم

ههههههههههههههههههههه الله يرجك معالي وش هالموضوع الجبار!


تسلميييين عالطرح الحلو

 

منتدى 37 درجة

آخر مواضيعي

0 شعوووور مؤلم !!
0 حفلة تخرجنا...!!
0 معنى الصداقة!!
0 واحد كره حبيبته وكتب فيها هذا الشعر....!
0 طريقه للف الشعر.....!
0 شخصيات البنات..!
0 طريقة الشباب في تشبيك البنات!!

  رد مع اقتباس
إضافة رد

الكلمات الدلالية (Tags)
مآتعرف, مصطلحات, السعودية, بيدها, دعوة, عليها

جديد مواضيع قسم منتدى وناسه نكت مقالب استهبال
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة

الانتقال السريع


الساعة الآن 09:08 AM.



المنتدى لايتبع اي جهه وكل مايكتب في المنتدى يمثل وجهة نظر كاتبة فقط

للتبليغ عن اي انتهاك للحقوق الفكرية يرجى الضغط هنا

Powered by vBulletin® Version 3.8.11
Copyright ©2000 - 2019, vBulletin Solutions, Inc.
SEO by vBSEO ©2011, Crawlability, Inc.