آخر المواضيع


هل انت عضو جديد؟ تنشيط العضوية الدعم الفني للاعضاء طلب كود تفعيل العضوية نسيت الرقم السري
العودة   منتدى 37 درجة > 37 درجه الادبي > منتدى شعر وخواطر رومانسية همس القوافي قصائد دواوين شعرية

مواضيع اخرى تهمك: كلمات اغنية هزك الشوق | تهنئة بالزواج شعر | رواية راكان ووسن | قصيدة مبروك الزواج | كلمات جنوبيه غزل | كلمات شهريه | يتخلى عليا بلاش كلمات | مالعب في شعرها غير النسيم | حروف صغيره انجليزيه للبي بي | سورة العلق5 للاطفال | كلمات اغنية هزك الشوق | كتالوج غرف نوم 2019 pdf | معنى stay home | ياعيونه كلمات | اطارات تخرج | كيكة تخرج 2020 | تجيني بكلمتين جداد

إضافة رد
أدوات الموضوع انواع عرض الموضوع
قديم 04-02-2012, 12:38 PM   رقم المشاركة : 1
كآكآ الحربي
عضو بطل
 
الصورة الرمزية كآكآ الحربي
افتراضي الطرقآت

بسم الله الرحمن الرحيم




في الكبد ليعاتها وفي النفس حاجات
حاجات ماهيب رغبات وشهوات

ندم على حزن على مدري شسمه
اللي يكلمك وتكلمه بسكات

ياودي اصرخ من اللي داخلي حيل
وياودي ماتنبس من الليعه شفات

مزحوم تفكير ومشوش وبردان
وياخوفي من الغضب والانفعالات

تعارك الشر والخير فيني
يأثر على اتخاذي للقرارت

ثاقب وألاحظ تفاصيل التفاصيل
كن البشر عري وعيوني مرايات

أفضال ربي علي واجد وأفضل
أفضال ربي علي الفقر وأنكارة الذات

يامجمل الفقر وأشياءه وروحه
تموت منه تعب وتعيشه ازمات

يعلمك ضعفك وبأن عقلك
هو اللي يميزك عن الحشرات

وتعرف بأن هذا لك وذا لغيرك
ولاتفكر ولاتكسر حسابات

الفقر مفيد ..وأشياءه مفيده
مليء قناعه وقوه وغايات

يمكن لو إنك غني تطغا وتنسى
وأتطيش وتطوف الخمس صلوات

لذلك الحمد لله والثنى له
على الفقر والمصايب والمسرات

يمكن أني فقير بس مانيب تبعي
أجلس ولا أنقاد خلف الإتجاهات

وإن ما أعجبتني قناعات الزمن هذا
أنا.. أألف لتفكيري قناعات

شاعر ويسكن ف مخي ألف شاعر
ماهم بشعار هالوقت التروفات

اللي يقولون مافي الشعر نادر
وإن الشعراء نفس المستويات

لو أنهم واحد وبتفكير واحد
ماشفت ناقد ولا معجب وشمات

الله على هالكلام ومن يقوله
والله يقطع سياسة هالمجلات

يعني اللي شعره ملى الدنيا جماهير
مثل اللي يطلق قصيده سردة أبيات

لامن سمعت القصيده قلت هذي؟
سمعتها قبل هذي عشر مرات!!

يشل.. آخر كلام الشطر الأول
ويحطه بآخر الثاني .. وخذ هات

قاف متكرر.. ولافكره ولاشي
يبني القصيده.. على تفكير بنات

وبه نوع ساذج علشان أيتميز
يصرخ ويعمل بيدينه حركات

والمرء عود مايجهل.. لذلك
هالشعراء يكرهوني -أنا- بالذات

الله يخليني لشعري وأصونه
وأحرق به كبود شعار المسجات

أجذب به.. أذواق حكام الجزيرة
وأزرعه.. فعقول فتيان وفتيات

اركبه جن.. وامارسه بجنون
وأشبعه فلسفات وأبتكارات

وآعلم الجيل هذا وإللي بعده
جودة الإطاله.. وفن الإختصارات

و وشلون أحرث صخر فكري وأخلي
بيني وبين أقرب منافس مسافات

الشعر في نظرة اغلبهم مصالح
فلوس وشيوخ وبنات ولقاءات

وفي نظرتي الشعر روح و روح حره
ماتخضع لشف.. وأشخاص.. وقياسات

الشعر ماتقشعر له الأبدان
وما يسرق من الكلمات.. الكلمات

تقراه ف عيون شاعره وتحسه
يفتح له فجلد يدينك مسامات

ردد قصيدي ياجمهوري وصفق
وعلمهم إن الغلا ماهو خيارات

تعال نسرح سوى في شي عندي
وأخاف لا أبكي؟ وتبكيني العبارات

حزين جدا ومتعومس وخايف
أحس كني على مهوي نهايات

حبيبتي .. إللي أغليها وأبيها؟
راحت.. وقالت بجي وللحين ماجات

ما أذكر أني.. مسوي شي لكن
الحب لا زاد.. يسبب حزازات

والصبر صبر القلوب البيض وأدري
يامصعب الصبر لا قد به محاتات

دمرني الشوق وإستنرفني شعور
وتعبت أثبت وجودي داخل شتات

تمر كل الوجيه.. بدرب عيني
نفس الملامح؟.. ونفس الإبتسامات

حبيبتي طاغيه وبشكل طاغي
صديقة الليل واجناب البنايات

من وين ما أفتر لاهذا وجهها
على الطرقات وأضواء السيارات

يابري حالي عليها بري حالي
عليها يابري حالي عشر بريات

لأني أحبها.. فعلا وجدا
ماهي محبة.. رفث.. ولا إتصالات

أحس كني أبوها أو أخوها
أدرى عليها من العالم مدارات

وإللي سواتي.. يحب وخايف الله
يعرف.. معنى معاناة المعانات

الحزن في بعض الأحيان إزدواجي
وجميل.. إذا صار من تجنيب غلطات

من خلا حاجه لربي عاضه أخير
منها واحسن دبلات الدبلات

وانا مابي .. غيرها .. ولا ألتفت له
السيده .. لا رجعنا للسيادات

جعل أمها إتوافق إن جيت أخطبها
تكفون دعواتكم ي أهل الدعوات



hg'vrNj

 

منتدى 37 درجة



آخر مواضيعي

0 حــدائـٍق يـابانيّه .. قمِـه فـيْ | الخيـآ آٍ آ ل |
0 الجولدن هورسز في ماليزيا . .!
0 • ||| الأرجنتين ||| • عِندمِـآ يكَوّن للصخبِ ‘‘ جُنون ‘‘
0 فيلاهيرموسا المكسيكية
0 ياخي ماشالله عليك ابدعت برد الجميل
0 الطرقآت
0 أنتي حسب ماروجتته الاشاعات : مخلوقتن لاجل يموتون غيره

  رد مع اقتباس
قديم 04-04-2012, 12:24 PM   رقم المشاركة : 3
مملوح الشرقية
التميز
 
الصورة الرمزية مملوح الشرقية
افتراضي رد: الطرقآت

بسم الله الرحمن الرحيم

يابري حالي عليها بري حالي

عليها يابري حالي عشر بريات

لأني أحبها.. فعلا وجدا
ماهي محبة.. رفث.. ولا إتصالات


صح لساااانك اخوووووي ولاهنت على القصيدة

 

منتدى 37 درجة

آخر مواضيعي

0 أحلي تهنئة لأم ريم بمناسبة المولود الجميل...
0 هل يمكن الوصول للحقيقة
0 الشخص المحطم
0 لو تحطي او تشيلي غشوتك
0 وداعـة الله مـابـقـى للـغـلا روح
0 اللي يعرف منتجع او شاليه بمسبح خاص بالكويت يفيدنا
0 جيتك يا خالد بالمصقع ههههههههههههه

  رد مع اقتباس
قديم 04-05-2012, 03:30 PM   رقم المشاركة : 4
هذا أنا
عضو جديد
 
الصورة الرمزية هذا أنا
افتراضي رد: الطرقآت

بسم الله الرحمن الرحيم

كم اعشق هذه القصيده

الله يعطيك العافيه

 

منتدى 37 درجة

آخر مواضيعي

0 اللي يعرف يسحب الموسيقى من الاغاني والاناشيد بليز يساعدني

  رد مع اقتباس
إضافة رد

الكلمات الدلالية (Tags)
الطرقآت

جديد مواضيع قسم منتدى شعر وخواطر رومانسية همس القوافي قصائد دواوين شعرية
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة

الانتقال السريع


الساعة الآن 11:11 PM.



المنتدى لايتبع اي جهه وكل مايكتب في المنتدى يمثل وجهة نظر كاتبة فقط

للتبليغ عن اي انتهاك للحقوق الفكرية يرجى الضغط هنا

Powered by vBulletin® Version 3.8.11
Copyright ©2000 - 2021, vBulletin Solutions, Inc.
SEO by vBSEO ©2011, Crawlability, Inc.