آخر المواضيع


العودة   منتدى 37 درجة > 37 درجه الترفيهي > منتدى وناسه نكت مقالب استهبال

منتدى وناسه نكت مقالب استهبال منتدى وناسه نكت ,فكاهة ,ضحك ,مقالب تنكيت لكاعة استعباط

إضافة رد
أدوات الموضوع انواع عرض الموضوع
قديم 06-29-2009, 02:20 PM   رقم المشاركة : 1
ice princess
عضو vip
 
الصورة الرمزية ice princess





افتراضي قصة شاب تمووووووووووت ضحك

بسم الله الرحمن الرحيم

هذي قصة عضو باحد المنتديات مع شغالتهم ضحكتني وقلت انقلها لكم

مسآآء الخير والآحساس والطيبه >> الاخ طربان

كيف الحال؟؟

وش علومكم,,,؟؟


اول شي احب اعطيكم فكرة عن شغالتنا

شغالتنا يا كرام مخروشة الى ابعد حد

يعني لما نشوفها جايبه الشاهي نعلن حالة الطوارئ و ننزل البزران للملاجئ

لانه عادي عندها تشيل 13 بريق شاهي بيد و10 دلال قهوة بيدها الثانيه

وتمشي صافطه الطبلون يعني كنها تصاقط ظلالها

انا اقول لامي احس انها مسكونه بجني كان يشارك في اختراق الضاحية

تصدقون شرينا جهاز تعلقه معها علشان امي لما تبيها تناديها بالجهاز

بس للأسف علشان سرعتها صار الجهاز ما يلقط الارسال

يعني لو تبي تعذبها خلها لا تتحرك بس ثواني

وبعدين عادي تناديها وتسالها عن شي ما تدري الا هي رايحه ومخليتك.... مو تطنييش لااااااااا بس دباشه

انا احس انها ما قد شافت بشر ولا تدري وشلون يتعاملون مع بعض


تقدرون تقولون انها مخروشه (( وفي روايه اخرى : سبيكه ))

المهم انا صار لي معها موقف قوووووووووي

مرة وانا راقي لغرفتي مروق وادخل غرفتي

وانا من عادتي اني ادخل غرفتي وبعدين اعطي الباب كعب قوي واصكه واقفل غرفتي

واطلع جوالي وانطله على المخده مع انه دايم يطيح ورى السرير وابلش ادوره

و أفصخ ثوبي واحطه في مكانه المعتاد اللي هو اجدعه على الارض

بعدين اشيل فنيلتي واصفطها لين تصير مثل الكوره

واشوتها على المعلاق قصدي الشماعه <<<< خلونا نتميلح عند البنات

عني ما يبقى على الا سروالي النص

المهم حمامي الله يعزكم جوا غرفتي

المهم يوم فسخت ثوبي قعدت قدام المرايه اتميلح واكلم روحي وانكت شوي

وامسك المشط واتخيله مكروفون

واغني الاماااااكن يعني قمة الطرب << هع

واستعرض عضلاتي والعب كراتيه مع صورتي بالمرايه ..

واكلم نفسي بالمرايه واقول بتعقل انت والا يععع كعع

وارفسه برجلي << خخخ

وبقية الحركات اللي انا دايم اسويها بشرط ما يكون عندي احد

عاد انا كلبو دايم انهي حركاتي هذي بقفزه على السرير

و كنت كلبو دايم وانا انط اقول :

دوووق فليــــب<<< هذ اسم اللي كان يسوق كريندايزر <<< ايقالك شرح الحين خخخ

عاد وانا ناط وبين السماء والارض حانة مني التفاته<<< الله اخيراً قلت حانه من زمان وانا ودي اقول هالكلمه

المهم يوم حانة مني التفاته للحمام وش شفت

صليحه <<< اسم شغالتنا ....

واقفه بوسط الحمام وماسكه مكنسة وسطل وهي منصدمه

قلت لها صليحة خيررررر وش عندك ..

زي العاده ما ردت رجعت مرة ثانيه بالاشاره اسالها وش عندك

كل هذا وانا بين السماء والارض ما بعد وصلت السرير<<<< ما يكذب ابــــــد هخهخهخهخ

وجلسنا نناظر بعض اللي يشوفنا يقول والتقى الحبيبان

وانا ودي اخذ المكنسة اللي معها واكنس البهاق اللي بوجهها

ثم امسك راسها وادخله بوسط السطل اللي فيه مويه علشان اشوف من وين ينسم راسها

واصرخ عليها يا دبشه ورى ما تكلمتي وعلمتيني انك هنا

وكالعاده كنك تكلم جدار

المهم لاني عارفها دريت انها يوم سمعت صوتي انخرشت ولا درت وش تسوي

وبذهانتها الخارقه قالت أبقعد هنا و مهوب شايفني .... لعنبو دارك ودار مخك

عاد انا قعدت اتذكر وش كنت اسوي يلعن ابو الفشيله

بس اللي مهونها علي قلت اشوى اني ما فصخت كل شي

كان أبطلب من اهلي يسفروني انا مو هي << هههههههه

المهم اني قلت لها خلاص امشي اطلعي

وانا ابي افتح باب غرفتي اسمع امي جايه لغرفتي وتناديني

يا ســــلاااااااام على الحظ

انا والشغاله بغرفة نومي والغرفة مقفله وانا شبه عاري ما علي الا السروال النص

يعني امي لو هي عمياء بيروح على طول تـفـكـيـرهـا غـــــلط

يعني التهمة لبساني لبساااااني ...



لالالالا تحسبون السالفة خلصت


علشان تعيشون معي الموقف

انا ما علي الا سروال نص والشغاله جنبي واقفه ,,,والباب مقفل وورا الباب امي

وانا اعرف امي ماراح تروح الا اذا فتحت الباب

في هاللحظه .... خطرت في بالي فكرة انما ايه ما تخرش الميه

لي اخو يدرس برا وامي تموووووت فيه واذا دق تركض امي ركض

كأنها بنت جايتها رسالة جوال خخخخخ

و أنا إللي أقمز على السرير

واخذت الجوال ودقيت على بيتنا ورد على ولد اختي من تحت

قلتله انا خالك بدر وين جدتك بسرعه انا اكلم من برا

فقام البزر يصوت لامي

خااااااااالي بدررررررر بالتلفوووووون

امي اول ما سمعته يصووووت تدروشت وتلخبطت

و قامت تقول يوووه قله انها فووووق وصارت تمشي وتدور التلفون اللي فووووق

و هي تقووول :

افففففف وين ودت التلفون هالشغاله

وانا في نشوة الفرح لنجاح خطتي الجهنميه اذا بصليحه <<<< مرة ثانيه اسم شغالتنا

اذ بها يوم سمعت امي تقول (وين ودت التلفون هالشغاله) اذ بها بأعلى صوتها تقول... فوق مكتبه يا ماما

انا من قوة غبائها والحركة اللي سوتها ما استوعبت الموقف

قعدت لحظات علشان مخي يتعرف على هالموقف

بس ما لقى اي موقف مشابه قد مر عليه يعني سبق مو صحفي سبق غبائي لهالشغاله

الادميه ذي ذكائها خارج التغطيه الا مخها منتهي الصلاحيه هذي طفرة في الدباشه

المهم انا صرت ما اسمع لامي صوت مدري هي سمعت الشغاله والا لا

يوووووم جت المصيبه

وانا واقف عند الباب اتسمع والشغاله جنبي

و إذا بصليحه تمسك عروة الباب وتبي تفتحه فرمقتها <<<< حلوه رمقتها ذي صح خخخخخخخخخخ

المهم رمقتها بعيني يعني وش تبين

قالت : لا بابا افتح الباب لا بابا حرااااااااااام

لا باب ايش يبغى انت

لا بابا انا حرمه كبير

انا حرمه فيه بيبي حراااااااام بابا

ياســــــــــــــــــــــــلااااااام الاخت فاهمه غلط

تحسبني اسوي كل ذا علشااااني ابيهاااااااا

مدري اضحك والا اصيح والا وش اسوي فيها

من زينك انتي ووجهك اللي كأنه رسمة ولد بالروضه

و العيون يبيلها كروكي علشان تلقاها

و الخشم افنس كأنه محول غاز

لعنبو شكلك لو تطب علينا الهيئه اخذو علي تعهد وانتي سجنوك مؤبد

وراح يسوولي انا كشف حمل مو انتي <<<<< قويه شوي خخخخخ

المهم الآدميه مصره تفتح الباب وما دريت الا هي فاتحه القفل وامي جنب الباب

تقول : ,,,, صليحه!!!! صليحه انتي هنا

وقبل ما تفتح امي الباب دورت بسرعه سروالي الطويل ولقيته على الارض

وامد ايدي باخذه.<<< يعني اذا لبست بتنحل القضيه خخخخخخخخخ

... في هاللحظه فتحت امي الباب

ولا لقيت تصريفه لوضعي وانا ماد ايدي للارض أباخذ سروالي

الا اني ولا إرادياً

قلت :


الله اكبرررررر<<<<< إيه سويت نفسي اصلي و أسجد

خخخخخخخخخ

(( وش اسوي ما لقيت اي تصريفه ))

وبعدين ما ابي امي تسالني عن شي فاحسن شي اسوي نفسي اصلي

المهم اني في نفسي اقول يارب انها ما تلاخظ اني اصلي وانا شبه عاري

امي دخلت وتنحنحت شوي بعدين

قالت : للشغاله وش قاعده تسوين

لكن كالعاده الشغاله أكلت تبن وسكتت وطلعت

وقفت امي شوي وانا قاعد اصلي

و أقول : في نفسي اشوى انها ما انتبهت اني متفصخ

المهم شوي الا و يوم قالت لي :

أجل تصلي هاه !!!!!!!!!!

وانا اللي ابلع ريقي مو بس ريقي الا حتى اللوز بلعتها << ههههه

قالت : اجل تصلي,,,,

زين بس ترى القبله غرب وانت تصلي شرق

وطلعت وصبخت بالباااااب بقوووووووووووه

يووووووووووووووووووه

انوااااااااع الصدماااااااات ياربيه وش اسوووووووي

واقعد افكر يارب وش اسوي

والله اني مظلووووم <<<<<< رحمتوني صح هع هع

واقعد افكر وافكر ,,,,, قلت احسن حل الصرااااحة

واللي يصدق يصدق واللي مو مصدق لا يصدق

ولا انتبهت لنفسي الا بعدين

طول فترة تفكيري وانا قاعد اكمل صلاتي <<<خخخخخ

المهم لبست ملابسي ونزلت ورحت لأمي

وهي من هوووول الموقف قاعده تتنافض وتحتري ابوي

يوم جيت صرخت بوجهي لا تكلمني ولا تلمسني ابعد

قلت : اسمعي

الصدق مجراه والكذب مفراه << خايف و أتفلسف خخخخ

قالت : وشو

قلت : الصدق منجراه والكذب مفتراه << الخوف كل ماله و يزوووود هع هع هع

قالت : وش تقول انت

قلت : اففففف الصدق زين والكذب شين

وشوله الفلسفه

وقعدت اقولها كل اللي صار واحلف يمين واقسم بالله


والحمد لله لان امي واثقه فيني صدقتني

بس مدري ليه سفرو الشغاله بعد يومين << الى الحين ما فهم انهم سفروها لانهم ما صدقوه خخخخخخ

بالنهايه احب انصح اخواني الشباب

إنتبهو تتفصخون بغرفكم وعندكم شغاله اسمها صليحه<<<< متعوب عليها النصيحه خخخخخ


ودمتم سآآلمين هووع



منقول





 

منتدى 37 درجة



آخر مواضيعي

0 مو لازم عنوان ادخلوا واعرفوا السالفه
0 عبارات ورسائل شكر للمعلمات
0 عندي مشكله وياريت احد يساعدني في حلها
0 استفسار بسيط عن البلاك بيري storm
0 Leona Lewis bleeding love
0 كلمــات تصدق بمين وعايشة والسلام من البوم اليسا الجديد 2010
0 وشلون بتمر المضيفه؟؟

  رد مع اقتباس
قديم 06-29-2009, 06:26 PM   رقم المشاركة : 2
قاهرتهم
إستجب دٌعائي يآرجائي !!
 
الصورة الرمزية قاهرتهم
افتراضي رد: قصة شاب تمووووووووووت ضحك

بسم الله الرحمن الرحيم

الله يرجك أنت وشغالتكم خواتي يناظرون فيني ويغنون (والله جوك أحلا جو ) مت ضحك ..

أما تصريفاتك حسبي الله على إبليس عيوني دمعت ..

والله موقف مرعب صراحه ...

الله يعين خواتك وأمك ما فيه شغاله من اليوم ورايح ..

 

منتدى 37 درجة

آخر مواضيعي

0 مٌشارك: مسابقة المطبخ العربي (المجموعه الرابعه) عيدكم مبارك !!
0 حالي تغير بعد مآ أنا فقدته , حالي تشوفه بان كل الأسى فيه !!
0 في غربتي أشكي من الهم لآزآد .., بعيد عن دآري وأعد الليالي صور لعبدالمجيد الفوزان ..!
0 هلكِتَ وأنا أحمِلٌكَ سِراً ..! مشآرك ..}
0 أعترف لك إني فعلاً ماعرفتك .., ماقدرت أوصل مع قلبي للحل ومافهمتك ( مجهودي )
0 مباراة النصر و الوحدة دوري زين 2011
0 برنامج كوره .. حسين يكشف أكاذيب الجاسر ع َ الهوآء مباشره

  رد مع اقتباس
قديم 06-29-2009, 06:29 PM   رقم المشاركة : 3
SeEmOo
~ْنصرآويهـْ~
 
الصورة الرمزية SeEmOo
افتراضي رد: قصة شاب تمووووووووووت ضحك

بسم الله الرحمن الرحيم

هههههههههههههههههههه

ههههههههههههههههههههههه
ذكرني باسلوب ريان
الظاهر هو كاتبها ههههههههههه

عالعموم يسلموو عالنقل

 

منتدى 37 درجة

آخر مواضيعي

0 وفاة شقيقة العضوة ( gσℓď fℓσωεя ) إنا لله وإنا إليه راجعون
0 يوتيوب اهداف النصر على باختاكور 4-0 اياب دوري أبطال آسيا
0 النصر يسحق باختاكور 4-0 فوز العالمي-دوري ابطال آسيا 2011
0 صآروخ.. صآروخ.. صآروخ..بخصوص الشرح والشسمه
0 stc الخبله +هياط الشعوب
0 الصبر يا قوووقل الصبر بس
0 مافي مكان الا وانطقينا فيه

  رد مع اقتباس
قديم 06-29-2009, 06:29 PM   رقم المشاركة : 4
ice princess
عضو vip
 
الصورة الرمزية ice princess
افتراضي رد: قصة شاب تمووووووووووت ضحك

بسم الله الرحمن الرحيم

اول شي مشكوره على الردد.. ..:p:p

ثاني شي ترا مو قصتي هاذي انا نقلتها من منتدى ثاني:noor (12): ..ثالث شي انا بنت :noor (12):..خخخخ بس شكلك من كثر الضحك ما قمتي تركزيين خخخخ الله يرجك..

 

منتدى 37 درجة

آخر مواضيعي

0 مو لازم عنوان ادخلوا واعرفوا السالفه
0 عبارات ورسائل شكر للمعلمات
0 عندي مشكله وياريت احد يساعدني في حلها
0 استفسار بسيط عن البلاك بيري storm
0 Leona Lewis bleeding love
0 كلمــات تصدق بمين وعايشة والسلام من البوم اليسا الجديد 2010
0 وشلون بتمر المضيفه؟؟

  رد مع اقتباس
قديم 06-29-2009, 06:30 PM   رقم المشاركة : 5
ice princess
عضو vip
 
الصورة الرمزية ice princess
افتراضي رد: قصة شاب تمووووووووووت ضحك

بسم الله الرحمن الرحيم

تصدقين من فانس نايف انا حسيت نفس الاحساس بس قلت مادامها مو بالمنتدى اكيد مو هو ..يسلموا على المروور..:p:p

 

منتدى 37 درجة

آخر مواضيعي

0 مو لازم عنوان ادخلوا واعرفوا السالفه
0 عبارات ورسائل شكر للمعلمات
0 عندي مشكله وياريت احد يساعدني في حلها
0 استفسار بسيط عن البلاك بيري storm
0 Leona Lewis bleeding love
0 كلمــات تصدق بمين وعايشة والسلام من البوم اليسا الجديد 2010
0 وشلون بتمر المضيفه؟؟

  رد مع اقتباس
إضافة رد

الكلمات الدلالية (Tags)
تمووووووووووت

جديد مواضيع قسم منتدى وناسه نكت مقالب استهبال
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة

الانتقال السريع


الساعة الآن 12:06 PM.



المنتدى لايتبع اي جهه وكل مايكتب في المنتدى يمثل وجهة نظر كاتبة فقط

للتبليغ عن اي انتهاك للحقوق الفكرية يرجى الضغط هنا

Powered by vBulletin® Version 3.8.11
Copyright ©2000 - 2019, vBulletin Solutions, Inc.
SEO by vBSEO ©2011, Crawlability, Inc.