آخر المواضيع


العودة   منتدى 37 درجة > 37 درجه الترفيهي > منتدى وناسه نكت مقالب استهبال

منتدى وناسه نكت مقالب استهبال منتدى وناسه نكت ,فكاهة ,ضحك ,مقالب تنكيت لكاعة استعباط

إضافة رد
أدوات الموضوع انواع عرض الموضوع
قديم 06-30-2009, 04:11 PM   رقم المشاركة : 1
مجروح الإحساس
عضو فضي
 
الصورة الرمزية مجروح الإحساس





رسائل جوال بالغلط‎

بسم الله الرحمن الرحيم



مواقف لناس ارسلوا رسائل جوال بالغلط
نترككم مع هذه المواقف على لسان اصحابها
(1)
بنات كانوا في الجامعه شله وكانت وحده منهم عازمتهم وجت وحده من البنات كتبت
لصاحبة العزيمه (اذا انتي عازمه نجلاء انا ماراح اجي ودبري لي اي عذر قوليه للبنات بصراحه انا استثقل دمها واذا ناديتيني مره ثانيه لاتنادينها واوعدك بجي اوكي) وارسلت الرساله لنجلاء
(2)

مره كنت برسل مسج لرفيقتي بقول لها تقدم لي اجازه طارئه بالدوام لان مالي خلق اداوم المهم انا حافظة رقم رفيقتي بس كتبته غلط وشوي يدق علي الرقم واستغربت ان طلع رقمها بدون اسمها ورديت على التلفون طلع لي واحد قال( عن الخبال قومي البسي وداومي )طبعا انا انصدمت وسكرت الخط على طول من الخوف داومت
(3)

وحده كانوا اهلها عازمينها وزوجها طالع استراحة مع اخوياه وما حضرالعزيمه هي بترقع له عند ابوها قالت انه معزوم على العشاء عند عمه وكتبت رسالة لزوجها ترى اهلي سألوا عنك دبرت لك عذر قلت لهم ان عمك عنده عزيمه ... وارسلت الرساله لابوها ...

(4)
مره انا كنت والده في المستشفى ووحده من صديقاتي الله يصلحها جالسه من العصر عندي يوم جت الساعه 11 مليت مره وهي ماعندها نيه جالسه تسولف مع امي وخواتي دق علي زوجي قال ابمركم شوي وهاذي ماعندها نيه تروح واقوم اكتب رساله لوحده من خواتي اقول لها
(( ترى فلان بيجي وهالنشبه مستانسه على الجلسه مليت منها الله يصلحها شكلها ودها تتسحر عندنا لاتسولفون معها عشان ماتستانس وتمل وتطلع الله ينشبها))وارسلتها لصديقتي

(5)

أرسلت لجارتي وقلت لها تجيني بعد المغرب تتقهوى عندي وأنا متعوده أرسل لها وخلاص تجي يعني مهوب لازم ترد علي ..وانا اللي عقب ماصليت المغرب أتجهز وأجهز قهوتي واجلس أحتري زوجي يطلع لأنه في ذا الوقت يطلع ..

والا هو جااي وجالس يالله وين القهوه ؟: أنا : أي قهوه ؟ هو : تستهبلين يا أم المفاجات الحلوه ؟ وبعدين استوعبت اني أرسلتها له بالغلط وسكت وما قلت شي ,,:
(6)


قبل رمضان بيوم جتني رسالة من صديقتي مضمون الرساله كالأتي ( رمضان بكره والشياطين تنحبس في رمضان والله راح نشتاق لك ) عجبتني الرسالة قلت راح ارسلها لزوجي وارسلتها ولما جاني تقرير الرسالة وجدت اسم عمي ( ابو زوجي ) والله فشيله
(7)


كنت عند اهلي وقالوا لي خلي زوجك يجي يتغدى عندنا .. رحت ارسلت له رسالة ( اهلي عازمينك على الغدا ) وراحت الرسالة.. وبعد شويه يرسل اخو زوجي رسالة مضمونها ( بأي مناسبة ؟)
(8)

مره تخاصمت انا وزوجي وكتبت رساله لاخوي اسب زوجي سب واعلمه اني بتثقل عليه ولاراح اعطيه وجه ..

تخيلوا الرساله راحت لزوجي وزعل وارسل تهديد

وانا انطميت وسكت والله موقف لن انساه
(9)
مره اختي مسافره برا وهي مديرة مدرسه
المهم جا وقت عودة المدرسات وهي كانت معطيتنا جوالها فارسلت على جوالها رساله تقول لاختي الثانيه )يا فلانه ارسلي للمدرسات رسايل وقولي لهم يداومون احسن لهم ....مو اذا غاب القط العب يا فار)قامت اختي من السنع ارسلت نفس الرساله لجميع المدرساااات ....يعني نفس النص ما غيرته وتعالوا شوفو الضحك والفشيله
(10)


انا مره اتصلت على وحده ماردت بعد شوي جاني منها مسج كاتبه

((يافلانه ترا فلانة (إللي هي أنا) ازعجتني بالاتصالات ومارديت عليها))

والمشكله اني مادقيت الا مره وحده ..

عاد تحسبوني سكت ارسلت لها مسج قلت:

(( ربي باغي يفضحك ))
(11)

جتني رساله من رقم ما أعرفه بس تقول :

((مبروك ماجبتي وعساك طيبه وترانا فرحنالك ودعينا لك ولبنتك وعسى الله يخليها لك وترانا نبي نجيك بكرا))

على طول رديت قلت :

((تراااااااك غلطانه وعلمو الحرمه انكم تبي تزورونها ترى الرساله هذي ماوصلتها))

(12)
انا مره واحد ارسل لي رسالة بالغلط :
(فلان انت صاحي ولا نايم)ارسلت له : تراك غلطان رد :

( بلا استهبال جب معك فطور)

(13)
مره في العيد اخوي ما جاء هو وأهله لنا كان عنده شغل ماقدرالمهم اختكم في الله فيني رومانسيه زايده اقعد اكتب رساله كلها شوق وحب لأخوي .. وان العيد ماله طعم بدونك واشتقنا لك والمشكله ماكتبت اسمه لا .. كاتبه ابو عبدالعزيز ليتني كتبت اسمه ..واجي ارسل الرساله ورقم اخوي مميز يعني مايبيله حفظ واكتب الرقم وارسل .. يوم رحت للرسائل المرسله والقى رقم ماطلع اسم اخوي ..
يافشيلتاااااااه قلت الحين بيتصل علي ويغثني يارب مايكون واحد لعاب بس شوي واتصل نفس الرقم <<< جاك الموت ياتارك الصلاة ارد ماارد ارد ماارد .. ردي يابنت الناس واعتذري وخليك جاده ورسميه وقولي والله غلطانه يوم رديت طلعت حرمه ..السلام عليكم عليكم السلام أنتِ مرسله رساله لي ؟؟قلت لها غلطانه و اشوا انك حرمه والله اني كنت خايفه انك رجال الحمدلله طلعتي حرمه,,تتوقعون وش قالت ؟ قالت : انا كنت اتمنى انك تطلعين رجال بس للأسف طلعتي حرمه!!قلت لها ليش؟قالت انا رقمي رديف لرقم زوجي .. وزوجي اسمه ابو عبدالعزيز قلت يمكنك واحد من اصحابه مرسل له رساله وغلطان ,, لكن طلعتي حرمه ، والله لا يوريكم والله سوت لي تحقيق ولا المخابرات
انتِ مين ؟ انتِ تعرفينا وتسوين فيني مقلب صح؟؟قلت لها والله مااعرفك..غلطانه والله غلطانه قالت قولي الصراحه تعرفين زوجي ؟؟والله اني قعدت احلف واقسم ساعتين ماصدقتني اووووف اعوذ بالله شكلها مرررررره شكاكه حلفت لها مليون يمين اني مااعرف زوجها,,في الاخير عطيتها رقم اخوي قلت لها شوفي هذا رقم اخوي ابو عبدالعزيز اللي كنت ابرسل له نفس رقمك يا اختي لكن الاختلاف اخر رقمين بس انا عكستهم صدقيني,, اتصلي عليه واسأليه ياالله بعد طلوع الروح اقتنعت وسكرت ,, لا .. ويوم اقتنعت تقعد تسولف معاي ,, تقول ارسلي رسايل حلوه ان كان عندك ,, في المشمش هذا اللي ناقص بعد ,,

(14)
امي ياحليل امي وخف دمها .. كنا عند اخوي وكان شديد علينا في الخروج لازم نستأذن منه .. المهم انه مو كل المساييير يوافق عليها
وكنا معزومين عند ناس ما يبينا نروح لهم .. عاد امي قامت تبي تدق على اخوي الثاني وتقوله بنقول لخوك انا عندك ونروح للي عازمينا قامت ودقت على اخوي الشديد تظن انه الثاني وقالت له اسمع حنا بنروح لفلانه عازمتنا ، اذا سألك اخوك قل انا عندك ..
ما درت انه هو الشديد ..
ضحك وقال ان شاء الله يمه دقت عليه مرة ثانية قالت : شف حنا بنروح لخوك فلان حتى دق عليه واسأله ..ضحك .. وقال إلعبي غيرها يا ام فلان انا اللي كلمتيه تو ..
قامت تضحك وقالت : اصلا امزح ماني رايحة لاحدترقع


<<<< في احد صااار لها زي هالموقف :happy4:

 

منتدى 37 درجة



آخر مواضيعي

0 إمشـي ولأأ علـي منهــم..إنفـخ { غرتـــي}ولانـــي إسآسآ مع ـهـم.
0 لَآ تغـرڪ آلَِـِضُـَحُِـَڪِـَهَِ تِـِـِرِىِ ڪَـَِلَِيٌ [..آحّ ْـْـْزَآِنُ..] ~ ŤǿṗĭĈṧ
0 حَـبنِـِـِآ مَـآضِـِـِيْ !
0 أإغ’َـًَِليـًَِﮧ ؤأإغ’َـًَِلي أإللـًَِي {| يغ’َـًَِليـًَِﮧ |}
0 رجل تزوج امراة فوجدها حامل انظروا ماذا فعل
0 والله وجــآبكـ رمضــان يافيمتـــو..{توبيكات رمضانية..}
0 &&& ياقاتل .... يامقتول .......|&&

  رد مع اقتباس
قديم 06-30-2009, 04:33 PM   رقم المشاركة : 2
قاهرتهم
إستجب دٌعائي يآرجائي !!
 
الصورة الرمزية قاهرتهم
افتراضي رد: رسائل جوال بالغلط‎

بسم الله الرحمن الرحيم

اقتباس:
وحده كانوا اهلها عازمينها وزوجها طالع استراحة مع اخوياه وما حضرالعزيمه هي بترقع له عند ابوها قالت انه معزوم على العشاء عند عمه وكتبت رسالة لزوجها ترى اهلي سألوا عنك دبرت لك عذر قلت لهم ان عمك عنده عزيمه ... وارسلت الرساله لابوها ...
موقف رهيب مرره الله يرجها على بالها تبز زوجها عند أبوها ..:sad19:

 

منتدى 37 درجة

آخر مواضيعي

0 مٌشارك: مسابقة المطبخ العربي (المجموعه الرابعه) عيدكم مبارك !!
0 حالي تغير بعد مآ أنا فقدته , حالي تشوفه بان كل الأسى فيه !!
0 في غربتي أشكي من الهم لآزآد .., بعيد عن دآري وأعد الليالي صور لعبدالمجيد الفوزان ..!
0 هلكِتَ وأنا أحمِلٌكَ سِراً ..! مشآرك ..}
0 أعترف لك إني فعلاً ماعرفتك .., ماقدرت أوصل مع قلبي للحل ومافهمتك ( مجهودي )
0 مباراة النصر و الوحدة دوري زين 2011
0 برنامج كوره .. حسين يكشف أكاذيب الجاسر ع َ الهوآء مباشره

  رد مع اقتباس
قديم 07-01-2009, 04:20 PM   رقم المشاركة : 3
مجروح الإحساس
عضو فضي
 
الصورة الرمزية مجروح الإحساس
رد: رسائل جوال بالغلط‎

بسم الله الرحمن الرحيم

اقتباس:
المشاركة الأصلية كتبت بواسطة قاهرتهم مشاهدة المشاركة

موقف رهيب مرره الله يرجها على بالها تبز زوجها عند أبوها ..:sad19:
قاهرتهم.. شفتي كيف بس


يــسلموو على المروور ..

ربي ماايحرمني منكـ ولا من مرووركـ .. ))

 

منتدى 37 درجة

آخر مواضيعي

0 إمشـي ولأأ علـي منهــم..إنفـخ { غرتـــي}ولانـــي إسآسآ مع ـهـم.
0 لَآ تغـرڪ آلَِـِضُـَحُِـَڪِـَهَِ تِـِـِرِىِ ڪَـَِلَِيٌ [..آحّ ْـْـْزَآِنُ..] ~ ŤǿṗĭĈṧ
0 حَـبنِـِـِآ مَـآضِـِـِيْ !
0 أإغ’َـًَِليـًَِﮧ ؤأإغ’َـًَِلي أإللـًَِي {| يغ’َـًَِليـًَِﮧ |}
0 رجل تزوج امراة فوجدها حامل انظروا ماذا فعل
0 والله وجــآبكـ رمضــان يافيمتـــو..{توبيكات رمضانية..}
0 &&& ياقاتل .... يامقتول .......|&&

  رد مع اقتباس
قديم 07-01-2009, 05:22 PM   رقم المشاركة : 4
عاشقها
موقوف
افتراضي رد: رسائل جوال بالغلط‎

بسم الله الرحمن الرحيم

مره كنت برسل مسج لرفيقتي بقول لها تقدم لي اجازه طارئه بالدوام لان مالي خلق اداوم المهم انا حافظة رقم رفيقتي بس كتبته غلط وشوي يدق علي الرقم واستغربت ان طلع رقمها بدون اسمها ورديت على التلفون طلع لي واحد قال( عن الخبال قومي البسي وداومي )طبعا انا انصدمت وسكرت الخط على طول من الخوف داومت


بصراااحه هذا احلى موقف انا متاكد انها ما بتفكر تاخذ اجازه مره ثانيه
مشكوووووووووور خيو

 

منتدى 37 درجة

آخر مواضيعي

0 الهدا ..... خياال
0 كيف تخترق ايميل او بريد صديقك
0 رواية انت لي >>>>لاتفوتكم .رووووعه
0 جاكم الضيف

  رد مع اقتباس
قديم 07-01-2009, 06:23 PM   رقم المشاركة : 5
شموq+kــطر
عضو ذهبي
 
الصورة الرمزية شموq+kــطر
افتراضي رد: رسائل جوال بالغلط‎

بسم الله الرحمن الرحيم

هههههههههههههههههه
وخاصة الموقف هذا انحرجت العجوز ههههههههه

امي ياحليل امي وخف دمها .. كنا عند اخوي وكان شديد علينا في الخروج لازم نستأذن منه .. المهم انه مو كل المساييير يوافق عليها
وكنا معزومين عند ناس ما يبينا نروح لهم .. عاد امي قامت تبي تدق على اخوي الثاني وتقوله بنقول لخوك انا عندك ونروح للي عازمينا قامت ودقت على اخوي الشديد تظن انه الثاني وقالت له اسمع حنا بنروح لفلانه عازمتنا ، اذا سألك اخوك قل انا عندك ..
ما درت انه هو الشديد ..
ضحك وقال ان شاء الله يمه دقت عليه مرة ثانية قالت : شف حنا بنروح لخوك فلان حتى دق عليه واسأله ..ضحك .. وقال إلعبي غيرها يا ام فلان انا اللي كلمتيه تو ..
قامت تضحك وقالت : اصلا امزح ماني رايحة لاحدترقع

يسلموووووو وتقبلي مروري

 

منتدى 37 درجة

آخر مواضيعي

0 احذيه غريبه وعجيبه
0 اللهم حرم على وجه من قرأ هذا الموضوع النار
0 تررررررررررررن تررررررررررن
0 اشيك الصيحااااات عند البنات
0 قصة شاب ضرب ابوة بالقرآن
0 ابتسم\ابتسمي
0 هل تؤلمك ذنوبك؟؟؟

  رد مع اقتباس
إضافة رد

الكلمات الدلالية (Tags)
بالغلط‎, حواء, رسائل

جديد مواضيع قسم منتدى وناسه نكت مقالب استهبال
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة

الانتقال السريع


الساعة الآن 11:12 PM.



المنتدى لايتبع اي جهه وكل مايكتب في المنتدى يمثل وجهة نظر كاتبة فقط

للتبليغ عن اي انتهاك للحقوق الفكرية يرجى الضغط هنا

Powered by vBulletin® Version 3.8.11
Copyright ©2000 - 2019, vBulletin Solutions, Inc.
SEO by vBSEO ©2011, Crawlability, Inc.