آخر المواضيع


العودة   منتدى 37 درجة > 37 درجه الترفيهي > منتدى وناسه نكت مقالب استهبال

منتدى وناسه نكت مقالب استهبال منتدى وناسه نكت ,فكاهة ,ضحك ,مقالب تنكيت لكاعة استعباط

إضافة رد
أدوات الموضوع انواع عرض الموضوع
قديم 01-16-2019, 01:08 PM   رقم المشاركة : 1
بدويه كيوت
كبار الشخصيات
 
الصورة الرمزية بدويه كيوت





Icon15 لي بنت عم(ن)

بسم الله الرحمن الرحيم

لي بنت عم ماوطت درب الادناس
مادنست يوم النساء يدنسنّي

مســــآكم بدؤن دؤآممَ ..~> مؤ مصدق للحين..
للأسف كثير لما تسأله عن هالبيت يقولك اعرفه [ أغنية راشد ]..
ومؤسف إن القصايد الشعبية تصير معروفة بمغنيين ولا تنعرف بأنه قصيد
أثري شعبي يعتبر من تراثنا ولازم نحفظه ونهتم به لانه هو أساس الشعر
المتداول حالياً ..~> ـآقؤل ـآخلصص ؤهـآت ـآلزبدهه..
فَ أنا جايكم بقولكم قصة هالقصيدة اللي صراحه هي قصة جميله جداً ..


سعد بن مشعل المطرفي ..
هذا سعد ياطويلين العمر هو صاحب هالقصيدة ..
وسعد ذا له عم يقاله [ هليَل ] ، وعمه ذا عنده بنات واجد..
وطبعا البدو أول كانوا عيالهم هم اللي ياخذون الغنم
ويروحون بهم يرعونهم ، وطبعا اكيد انه يمشي بهم من بدري
ولا جا الظهر يريح سواء هو او اي واحد ثاني معه غنم..
وراعين الابل وقتها بما انهم يعني معرفوين او انهم يشتغلون هالشغله
ف اكيد انهم يتفقون عند شجره كبيره او معروفه
عشان يتضللون عندها ، مثل ما انا احيانا اقول لاحد اخوياي مرني
عند اسواق طيبه ..~> مثال بسيط..
وجا ذاك اليوم ويخلي الحلال يسرح ويجلس هو تحت ذيك الشجره الكبيره
ويرسم دوائر بالارض يريح من المشي ويجلس تحت ظلال هالشجره
وهالمكان اللي يروح له كان زي اللي توه مكتشفه وفيه زرع طيّب
ينفع للأبل والغنم ، على ماقالوا رعية طيبه ، ف صار دايم يجي ويجلس فيه ..

ويجي يوم من الايام وهو جالس ومير يشوف غنم من بعيد جايين
ومعهم وحدتن ترعاهم ..~> لابستن جلال احمر..
ويوم قربت هي يم الشجره ومير تشوف خوينا جالس ..
ويوم ناظرته زين صار ولد عمها ..
وهم ماكانوا يعني دايم مع بعض لانهم بمنطقه بعيدين عن بعض شوي ..
ف جا وهلا بها وقالها : الله يحيك ويقلطها عنده..
وقاموا يسولفون عن الغنم والآبل وكذا ..~> يعني ذيك الناقه كم
بزر جابت ذاك التيس منهو ورعه..
ف الرجل لفتت نظره البنت شافها ذربه وسنعه وحياويه واعجب بها..
وهو عاد كان بعمر زواج وهي بعد ف شافها كم يوم بعدها 4 او 6
ايام ..
بعدين قام يهوجس بالعرس وقال يالله ابعرس وكلم امه وابوه وراحوا اخطبوها..
عاد راحوا وخطبها وتزوجوا ، وبعدها عاد جابت ؤرععـآن..
وكان الولد عايش معهم ، ف لما كثروا عياله جاه ابوه
قاله : خلاص انت اللحين لازم تسكن لحـآلك..
ف عطاه شوي من الحلال وراح الولد وبعد عنهم وصار له حلال له لحاله ..


ومرت فتره طوييله..
وبعد هالفتره صار الولد ماش ماعاد يتحمل..~> يعني بالعربي كبر
وصار عومه ..
والحرمه تتحمله وتصبر عليه بس هو يتمادى ..
وجاك ذاك اليوم الظاهر انه عصب عليها وصمخها بالعصى بجبهتها..
حتى طلع صعرور صغـّـير..
طبعا الطق شي مرفوض وعيب ومايصلح ؤفيــه قبــآيل ..
يعني يقدر يأدب زوجته لكن بطريقة غير هالطريقة لو كانت غلطانه ..
عاد هو يوم ضربها كم مرهه ومير تعصب وتقوم وتضف عيالها وتشيل
قشهـا وتركب بعيرها وتروح لأبوها..
ويوم وصلت لآبوها وتستقبلها امها وتسأل : وش فيك ومافيك وكذا ..
وقالت لابوها : انه كم مره يطقني واني انا صابره عليها احتراما لك
وعشان هالبزران ومدري وش ..~> عاد حكي حريم ماينوخذ..
عاد الابو اللي هو ابو البنت كان ناقد على الولد ماكان راضي عليه
وقال للبنت : مير زين انك جيتي اجلسي..
وسعد ذا الله يهديه ماراح وعزم اهل البنت عشان يرضون وتقفل السالفة
لا سكت ولا عزم وخلا الموضوع ماشي ..
وقعدوا حول السنة كل واحد منهم يكابر ..
وجا يوم وكان عند سعد ذلول ، الذلول هي الناقه حقت الركوب بس
يعني يروح ويجي عليها ..
ويوافق ذيك السنه ان جايهم ربيع ، ويجي سعد ويركب هالذلول
الذلول اسمها سمحه ويروح يتمشى بهالربيع وكذا..
ومير انه يمر من عند طعس على نزله ، على قولة الشرهان :
[ كنه مكوي لو تمشي فيه نمله بينت ]
وهو يمشي عاد شاف مكان كان قد سكن فيه هو ومرته قبل يفلقها..
ويلبق الناقه وينزل يتمشى ويشوف المكان ..
ومير انه يشوف مكان الغنم والخيمه ، ومشب الضو
ومكان القدر وكذا ..
ويلقى شجره يقالها [ شجرة عاقوب ] اللي فيها شوك ، عاد هالشجره
دايم تمسك الاشياء اللي تطير..~> قد طبيت عليها..
عاد يوم جلس ويناظر المكان ويتذكر المواقف اللي صارت
بينه وبين مرته فيه..
يوم ناظر هالشجر ومير ان فيه شوي من شعر مرته..
وياخذ هالشعرتين ، ويوم مسك هالشعر وقام قلبه يخفق..
تذكر مرته وجلس يتحسر ع انه ضرب زوجته وان ابليس اغواه ..
قام وركب ناقته ومشى..
وهو يمشى تغنى بالابيات هذي :



نوخت سمحة فوق مزموم الاطعاس ( سمحه اللي هي الناقته اللي راكبها)
أرمـي نظـر شوفـي علـى قـد ظني
جيت المراح وشفت به مشعة الرأس ( مشعة الراس هو شعر مرته اللي لقاه )
وذكـر علـي جروحي اللـي مضني
شفت الثلاث اللي على الدار جلاس ( يقصد اماكن القدر )
ابي الخبـر منهن ولا علمني
يا راكب(ن) ثنتين يشدن الاقواس
من عند رمان الحمر درهمني ( رمان الحمر اسم طريق اللي اهل زوجته )
ما فوقها الا الكور والخرج وقياس
وسفايف بين اربعه يلعبني
ولي بنت عم ما مشت درب ألأدناس
يوم ان خطوات النساء يدنسني
ضربتها يوم احسب الضرب نومـاس
وطلقتها يوم افخت العقل مني
لـو ينشكي حبه على طير قرناس
يضحي الضحاء في ماقعه مستكني
ولو ينشكي حبه لعجلات الامراس
عيّن الحيران مايرزمني
ولو ينشكي حبه على قب الافراس
عيـن نهار الكون لا يطردني





وهو يقول القصيده سمعه واحد ولقطتها وراح لعمه هليّل
وقاله : ان ولد اخوك قال كذا وكذا بالقصيده ..
وقال عم الولد للي جايه ذا : انت بتشوفه مره ثانيه..؟
قال : ايه..
قال : اجل رح وقله هالقصيده..


قولوا لأبن مشعـل خـذ العلم بقيـاس
ذي عـــــادة ألأيــــــام لا دبـــرنـــي
اللي معه ميز ونامـوس بالراس
يقلّط لأهـل عـوص النضـا كـل فنـي
ويـحـط لــه بــنٍ وهـيـلٍ ومـحـمـاس
ودلال فــي حــد الوريـثـه يـجـنـي ( الوريثه اللي هو الجمر اللي حول الضو )
وحيـاة جـلاب المطـر خلاق الـنـاس
يافـيـك نـيــات الـــردى مـــا طـرنــي
لكنن ما بغى اللمس في خاتم الماس
حـيـث ان ظنـك مـــا يـبـاعـد لـظنـي


وعاد وصلت القصيده له وتدخلوا الناس الكباريه بالموضوع
وحلووه ورجعت المره لرجلها ..

احس اني لابس بشت وماسك عصى ومتكي على هالسالفة ..
إن شاء الله ان السالفة أعجبتكم..
حياكم ..

منقول

 

منتدى 37 درجة



آخر مواضيعي

0 كل عام وانتم اجمل حاجه في تاريخي تحصل =)
0 رجعت لكم فيس يبكي
0 تحذير من البنطلون السكيني,أخطار البنطلون الجينز الضيق
0 آدمْ .. مَآذآ لۈ6ـرفتْ أنْ هُنآڪ فَتآة تتمَنآڪْ ..؟!
0 هل يؤلمگ جسمك اثنآء الضحگ كثيراً
0 شباب شافوا بنيه 💦
0 حكم قول قصم قسمات

  رد مع اقتباس
قديم 01-17-2019, 02:49 AM   رقم المشاركة : 2
اش جروحي نايمه لا تصحيها
عضو فضي
 
الصورة الرمزية اش جروحي نايمه لا تصحيها
افتراضي رد: لي بنت عم(ن)

بسم الله الرحمن الرحيم

صووووح لسااانس

 

منتدى 37 درجة

آخر مواضيعي

0 دعواتكم
0 سلام
0 حساب موتى
0 الجنوب
0 يوم الجمعه
0 سلاااام
0 كيف افتح ملف في نظام نور - التسجيل في نظام نور

  رد مع اقتباس
قديم 02-12-2019, 10:46 AM   رقم المشاركة : 5
جرحي انت
عضو جديد
افتراضي رد: لي بنت عم(ن)

بسم الله الرحمن الرحيم

صح لســــان

 

منتدى 37 درجة

آخر مواضيعي

  رد مع اقتباس
قديم 02-12-2019, 04:54 PM   رقم المشاركة : 6
مختلفه عنهم
عضو جديد
افتراضي رد: لي بنت عم(ن)

بسم الله الرحمن الرحيم

تقبل مروري

 

منتدى 37 درجة

آخر مواضيعي

  رد مع اقتباس
إضافة رد
المواضيع المتشابهه للموضوع: لي بنت عم(ن)
صور سبونج بوب 2019 - اجمل صور تواقيع خلفيات سبونج بوب 2019 جديدة - احلى صور سبونج بوب صور سبونج , ص
اسماء اعضاء مجلس الشورى السعودي 2019-1440
ابناء الامير نايف بن عبدالعزيز وزوجاته - صور ابناء الامير نايف بن عبدالعزيز
الخدمة المدنية تدعو 3862 مواطنة مرشحة للوظائف التعليمية إلى المطابقة
زوجات الامير سلطان بن عبدالعزيز ال سعود


الكلمات الدلالية (Tags)
عم(ن)

جديد مواضيع قسم منتدى وناسه نكت مقالب استهبال
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة

الانتقال السريع


الساعة الآن 09:02 PM



المنتدى لايتبع اي جهه وكل مايكتب في المنتدى يمثل وجهة نظر كاتبة فقط

Powered by vBulletin® Version 3.8.11
Copyright ©2000 - 2019, vBulletin Solutions, Inc.
SEO by vBSEO ©2011, Crawlability, Inc.