آخر المواضيع


العودة   منتدى 37 درجة > 37 درجه الترفيهي > منتدى وناسه نكت مقالب استهبال

منتدى وناسه نكت مقالب استهبال منتدى وناسه نكت ,فكاهة ,ضحك ,مقالب تنكيت لكاعة استعباط

إضافة رد
أدوات الموضوع انواع عرض الموضوع
قديم 05-02-2019, 02:31 PM   رقم المشاركة : 1
مَآيِن كَآمبِيف
آنقلع عن وجهي
 
الصورة الرمزية مَآيِن كَآمبِيف





افتراضي العائله السعوديه السعيده اذا سااافرو ..!

بسم الله الرحمن الرحيم

فيه شي منرفزني وتذكرته من سنين وقررت اكتب عنه وهالقسم

هو انسب قسم للي بكتبه لان المشكله الجاري

ذكرها اشوفها تسبب ردة فعل عكسيه مفرطه وتخلي صاحبها يضحك من الصياح العائله السعوديه السعيده اذا سااافرو


الموضوع عن رحلة سفر سعوديه عائليه ولنفترض انها لدبي على سبيل المثال

ياناس حنا عالم مانعرف نسافر الا من رحم ربي , نعنبو بليسككم ماتعرفون تسسافرون

بهالموضوع بتكلم عن الطبقه اللي تحت المتوسطه بدرجه او درجتين

الناس اللي مايعرفون يسافرون بس مع كذا يصرون انهم يسافرون

عشان جيرانهم راحوا دبي بيروحون يشوفون من ماذا تتكون دبي العائله السعوديه السعيده اذا سااافرو

قبل الرحله بيوم يبدا تجهيز الشناط وحدث ولا حرج بهالمرحله

اذا شفت العفش يجيك شعور نفس الشعور اللي يجيك وانت تشوف النازحين السوريين للدول المجاوره

الله يفرج همهم

الام تجهز شنطتها اللي تستغرب من محتوياتها

( ادوات خياطه , ملابس لجميع الاوقات , ادوات تجميل ,

كاسات ورق , ملاعق بلاستيك , حفايظ لاصغر عيالها مع ملابسه وحفاظاته

ورضاعاته , علبة مناديل , مواد غذائيه محتمل عدم وجودها بأي مدينه اخرى )


الابو للابد ماعنده شنطه يحشر سراويله وفنايله بشنطة المره وثيابه وشمغه معلقه


البنات كل وحده تفتح اكبر شنطه عندها وتمسح

بيدها على التسريحه واللي فوقها ينزل بالشنطه بقدرة قادر


وبعدين تفتح الدولاب وتقلب الشنطه دولاب مافيه بلوزه مافيه بنطلون

مافيه شراب ماتحطه لدرجة اذا وصلوا دبي وفتحت شنطتها تنصدم ان مريولها بالشنطه العائله السعوديه السعيده اذا سااافرو


العيال اسهل شخص يجمع اغراضه ( ثوب لابسه وثوب معلق وسروال وفانيله

وشماغه اللي لابسه ويروح هناك يفصخ ويغسل ويلبس ويفصخ ويغسل ويلبس ويالله لك الحمد على هالراحه )


جا يوم الرحله والبيت كله مشتط والام بنفس الوقت تشيك ع الاغراض

وتقوم النايمين وتسوي الفطور وتوكل الصغار

وتسوي قهوة رجلها وتسوي شاهي وقهوه للطريق وكل هذا بنفس الدقيقه الله يرحم حالها


وهنا نجي للنقطه الاهم الا وهي تحميل الاغراض ,,

طبعا السياره سوبربان قديم وفيه سله ورا وسله فوق وبعد مايربطون الشناط فوق

يبدا تحميل السله اللي ورا وفرش البطانيات داخل السياره بهاللحظه قطعة الحديد اللي انصنعت

منها السياره لعنت الساعه اللي حاولت تكشف وتطور وتصير سياره فيها ,

تمنت انها تتقطع مليون قطعه وتنقص مفاتيح وتتشرد اشلائها

بجميع دول العالم ولا تصير سوبربان عند عائله سعوديه


تتمنى تصير ابواب حديد بسكن بنقاليه بس ماتصير سوبربان عند عائله سعوديه

لدرجة اول مايبدون يركبون افراد العائله السعيده تسمع اصوات

من تحت السياره تك تك طق طق طققققق تك تك ,, كنه يقول ( اكتر من كدا ايه ؟ )



في هذي اللحظه يركب الابو ويشغل ويجي الولد المدلع ابو 8 سنين ويركب قدام

ويسكر الباب ويقفله بكل ثقه عشان اخوه اللي اكبر منه يركب ورا


وهو من كل عقله ان اخوه بيركب ورا ويترك له السيت الامامي
وقممممممممة القهر واخوه يحاول يفتح الباب

ويقوله افتح الباب وهو يطالع سيدا يعنني ما اسمع ولا اشوف


اصلاً من كثر الاندماج وهو يطالع سيدا يحسسك ان السياره تمشي

مابقى الا يلتفت ويقول بابا شوف بعييير ,, خلاص عطاك شعور اللي ماسكين الخط العائله السعوديه السعيده اذا سااافرو


يفتح الابو الباب ويركب الولد الكبير ويقبص اخوه من تحت عشان

ماينتبه ابوه بس تبريد حره كذا وخذ لك ياصياح لين يطلعون من الديره


انطلقنا بحمد الله وكلاً خذ وضعيته وتو البزران

بدون يغمضون وتعدوا الديره ب5 دقايق بس شافوا بر


وقف الشايب على جنب ونزل فرشته وقال نزلي القهوه يامره , متى امداك تتعب طال عمر ؟العائله السعوديه السعيده اذا سااافرو

بس معاه حق صراحه , مشوار تحميل الاغراض هذا عن طريق سفر لفلسطين

وقممممممممممة النكد اذا فتح البيبان والعيال نايمين وقال انزلوا العبوا العائله السعوديه السعيده اذا سااافرو

ياخي تحتار في امرك بهالحاله البزر ينزل ويقعد على التراب

ويبدا يحرك يده يسوي نفسه يلعب بالغصب لانه لو مالعب بيتهزأ تحسه

مصحيك عشان باص المدرسه جا مو عشان لعب وبتراب بعد العائله السعوديه السعيده اذا سااافرو


والله لا يوريك يالاشكال اللي تشوفها جنب الخط من كثر مايكسرون خاطرك

ودك توقف تقولهم ( تبون مساعده , ناقصكم كفر , مفتاح , عفريته , بنزين ؟ )


وغابة الشمس وحان وقت الانطلاق بعد ما قلبوا البقعه

اللي كانوا فيها الى فرع محرقه من كثر العلب والقراطيس


ركبوا وبسم الله ومسكوا الخط واشتغل المسجل

وطبعاً اول غير الحين شيلات واغاني ام 4 دقايق للي يسمعون اغاني بالطريق


كان جونا غير بالخطوط ايام اول العائله السعوديه السعيده اذا سااافرو

كانت قمة الرواقه عندنا هالانشوده العائله السعوديه السعيده اذا سااافرو

من كثر ماحنا مروقين ننام عليها العائله السعوديه السعيده اذا سااافرو

وفجأه تتغير الانشوده ونقوم على صوت رشاشات العائله السعوديه السعيده اذا سااافرو

السواق تحمس وحط هالانشوده بيطير نومه العائله السعوديه السعيده اذا سااافرو


الوضع بالسياره قبل هالانشوده يكون السيت الامامي الابو يسوق والاخو الكبير راسه يصفق بالدريشه

كل شوي وهو نايم واللي اصغر منه متوسد صدره وخذ لك ياسعابيل على ثوب اخوه

واذا قام مايدري شسالفه طبعاً يحسب بس هالجزء المحدد من جسمه عرق العائله السعوديه السعيده اذا سااافرو


السيت اللي وراه البنات قاطين روسهم على كتوف بعض ونايمين وتعال

شف النقابات الله لا يوريك تحتار في امرها

قسم بالله شلون قدرت تنام بنقاب ماتدري العائله السعوديه السعيده اذا سااافرو



والام الوحيده الصامده وراسها يلعب يمين ويسار تحسبها صاحيه

وبعد ماتناديها خمس مرات وهي تدق رقبه وتترنح تقولك هلاااا


تلتفت عليها وتقولها نمتي ؟

ترد بكلللللل ثقه ,, لا وين يجيني نوم بالسياره انا العائله السعوديه السعيده اذا سااافرو

هي وحده من الثنتين عاد ي انتس تكذبين وكنتي بسابع نومه

ولا انتس كنتي تدقين رقبه على انشوده جهاديه والعياذ بالله العائله السعوديه السعيده اذا سااافرو


الى هنا نوقف حش بهالعائله السعوديه السعيده ونخليهم يكملون

طريقهم الله يوصلهم بالسلامه وبنقابلهم اذا وصلوا ان شاء الله ونتعرف على طريِقة سياحتهم الفتانه العائله السعوديه السعيده اذا سااافرو



 

منتدى 37 درجة



آخر مواضيعي

0 ماسنجر بلاك بيري للاندرويد - تحميل ماسنجر بلاك بيري للجالكسي
0 "أنـآ" أكبر من احلامك يا مدري وش يسمونك
0 ساعات رجاليه ماركه Julius homme - Boy London - dkny - sinobi
0 اسماء ماركات عطورات رجاليه ماركه عطورات رجاليه 2019
0 نصاائح لاآناقتك نصائح لمحبي الاناقه للرجاال man
0 عطر كريد افينتوس الجديد 2019- man- Creed Aventus
0 سرقتك بالزمن لحظه وعشتك بالفراق اوقات

آخر تعديل بواسطة مَآيِن كَآمبِيف بتاريخ 05-02-2019 الساعة 02:44 PM .
  رد مع اقتباس
قديم 05-02-2019, 03:41 PM   رقم المشاركة : 2
روح الفرح
كبار الشخصيات
 
الصورة الرمزية روح الفرح
افتراضي رد: العائله السعوديه السعيده اذا سااافرو ..!

بسم الله الرحمن الرحيم

هههههههههههههههه
حلو وصفك لوضعهم في السياره خاصة الأم وعي تطق رقبه
بس جد معاناة هذا والرحلة لدبي اجل لو ابعد وش كان
أتوقع يسحبون بيتهم ورآهم
الله يعطيك العافيه

 

منتدى 37 درجة

آخر مواضيعي

0 سالفه بالجامعه تلبية طلب عبود
0 بلايز شيك 2019
0 اكسسوارات ديور 2019 Dior
0 فساتين زفاف ايلي صعب 2019 فساتين زفاف 2019
0 أذكار الصباح
0 تعبير قصير عن اليوم الوطني
0 بروسونال للواتس اب عن اليوم الوطني 2019 بروسونال اليوم الوطني واتس

  رد مع اقتباس
قديم 05-09-2019, 09:53 PM   رقم المشاركة : 5
ALIHS95
عضو جديد
افتراضي رد: العائله السعوديه السعيده اذا سااافرو ..!

بسم الله الرحمن الرحيم

ههههههههههههه حلوو الموضوع

 

منتدى 37 درجة

آخر مواضيعي

  رد مع اقتباس
قديم 07-25-2019, 12:20 PM   رقم المشاركة : 6
x.Delox
عضو جديد
افتراضي رد: العائله السعوديه السعيده اذا سااافرو ..!

بسم الله الرحمن الرحيم

ههههههههههههههههههههـِ نـإآيسس موضوع ~

 

منتدى 37 درجة

آخر مواضيعي

  رد مع اقتباس
إضافة رد
المواضيع المتشابهه للموضوع: العائله السعوديه السعيده اذا سااافرو ..!
نكات روعهً - نكات حلوة 2019
حلول لآاغلب مشآكل البلآك بيري وآستفسآرتة مرجع لـ آغلب آلمشآكل كل مآتحتآج معرفتة عن آلبلآك بيري
موضوع شامل عن اختبار القياس 1440 - اختبار القدرات 2019
فقط في السعوديه
نماذج اختبارات القياس


الكلمات الدلالية (Tags)
السعيده, السعوديه, العائله, سااافرو

جديد مواضيع قسم منتدى وناسه نكت مقالب استهبال
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة

الانتقال السريع


الساعة الآن 04:29 PM



المنتدى لايتبع اي جهه وكل مايكتب في المنتدى يمثل وجهة نظر كاتبة فقط

Powered by vBulletin® Version 3.8.11
Copyright ©2000 - 2019, vBulletin Solutions, Inc.
SEO by vBSEO ©2011, Crawlability, Inc.