آخر المواضيع


العودة   منتدى 37 درجة > أعضاء 37 درجة > سوالف |يوميات الاعضاء

سوالف |يوميات الاعضاء سوالف في الكوفي ,السوق , المدرسة او حتى الشارع :: لايسمح بالمنقول ::

إضافة رد
أدوات الموضوع انواع عرض الموضوع
قديم 06-07-2019, 02:23 AM   رقم المشاركة : 1
سفير الهستره
كبار الشخصيات
 
الصورة الرمزية سفير الهستره
Icon10 أنا جيت

بسم الله الرحمن الرحيم

السلام عليكم ورحمة الله وبركاته:



أنا جــــــــــــــيــــــــــــت أنا جيت



والله مالكم داعي كذا سفير الهستره غاب عنكم يومين لاحس ولاخبرأنا جيت وانتم ولاسالتوا عني ولادريتوا وين ارضي؟ <----- يومين اجل أنا جيت

ايييييه ماقالوا لكم وش صار علي

الناس تسافر وتستانس وانا من مستشفى الى مستشفى الاسنان مرورا بمستشفى الامراض العقليه (هذي الاخيره ماعليكم منها نمزح نمزح) ومحد منكم حن علي وتحمد على سلامتي وجاب لي ورد بنفسجي أنا جيت وقال يا سفير فقدناك حمد لله على سلامتك

و يتربى بعزك!! <----وشبلاي قمت اقط خيط وخيط؟!

سبب غيابي ان سالتوني وانا داري انكم منتم سالين بس غصب بقولكم وش كان فيني

رحت مع عائلتي الموقره لابها البهيه كل شي اوكي بس البلا اني ماخليت مكان الا ومترته
وهاتك صرف اللي يسمعني الحين يقول يووووه ياهو مطنوخ وغط على عيال ابها أنا جيت

وانا ماحطيت فلوسي الا للاكل ادمااااان و الفلوس اللي المفروض اشري بها ملابس صرفتها على الاكل كل شوي اقول خلاص هذي اخر مره اشتري

بس هيهات تجيني هسترة الشراء واشتري الي في سوبر ماركة واطير للمطبخ احوس قدور الوالده من وين جايبها مدري يدي بصراحه تحكني يدي واخم لكم ثلاثه ارباع الاصناف والكراتين والوالده تدعي لي
ايه جزاني الله خير ويكثر من امثالي

بس والله استكن في المطبخ واحوس قدور امي و يتجمعوا علي اكلي كللللل ابوهم يدرون ان هذا اللي يحوس لهم كل سنه أنا جيت

واغري اخواني بالطبخات واقول مانيب بحايس لكم اقصد طابخ واللي اخليه يهمزني واللي اخليه يسوي لي بيض مع جبن ولامنه جابه لي قلت له مااحب البيض مايسوى عليهم كل ذا عشان اطبخ

عاد بيني وبينكم ما فيه مطاعم زينه كلها وسخ الهنود ولحم ما ندري من وين جايبينه اخرتها ......... العيال عارفين خلوني ساكت ههههههههههه

وانا طباخ اقصد شيف العيال في ابها

عاد امي واخواتي ما يصدقون بالاجازه ماندري وين يطسون بس نعرف انهم ينامون بالبيت لدرجه اذا شفت وحده من اخواتي اسالها من انتي ولا اصدق انها اختي الا بالهويه الوطنيه واذا شفت الوالده اقول يا الله يخلق من الشبه اربعين تشبهين امي <<< لا تعليق ولا تشرهون


في يوم من الايام وانا احوس بالمطبخ شكل الوالده داعيه علي لان احوس واطلع بدون ما اغسل أنا جيتابي اخذ صحن ابي اسوي اني رومنصي واحط ورد وشموع على الطاوله<<<ذابحته الرومنصيه

واحد من الصحون نشب واشده مافي فايده واسحبه بقوه الا ما اسمع طاراااخ وزعيق تقل فيلم هندي وانا اتشقلب للخلف بحركه سنمائيه << متعوب عليها للخلف



ورجعت بسرعه على ورا الله لايعمينا ياربي دعست على القزاز خش نصها برجلي

قمزت بسرعه وطحت وصقع راسي بطرف الدولاب

وانا اللي ماغير اشوف العصافير والبروق فوق راسي زي الرسومات ابد ولا ادري عن الدنيا
<-------منسجم مع الفقش ماشي 180


المهم لفوا رجلي مع ان مابها شي محدثكم قطو بسبع ارواح ماشالله علي ولصقوا لي الجروح اللي ملت يدي من اثار صحون الوالده مع اني عادي متعود عليها

ويوم رجعت البيت كان عند الوالده خوالي وجداني

دخلت عليهم اعرج يعنني مصاب بطلق ناري في ساقي <<حركتات لازم اشارك في شاعر المليون على هالتنسيق المبدع أنا جيت

و كما سبق وذكرت مافيني الا العافيه

و الي يقول سلامات وش بك عسى ماشر

والوالده رقعت لي ماتبي تقول انه كان بالمطبخ يحوس ويطبخ وتحسسهم هذا تقصير من جانبها ههههههههههه


ثم يضحكون علي ويفضحوني بين العربان بالرغم مافيها شي ما تنقص في رجولتي << كفو يا شنب


المهم نرجع لموضوعنا ما ابي اضيعكم اعرف عمري اطلعكم من سالفه وادخلكم في غيرها

قالت الوالده ابد بس طاح من الدرج وانا اناظر في الوالده كذا أنا جيت

رحت قلت لا لا لا انا كنت ابي اتغدى وابي اخذ صحن وكسرت الصحون <----عاد يقالي رقعت الحين

ويطيح وجه الوالده يابعدي مسيكينه والله ماكان قصدي افشلها بس هي عاد الله يهديها وشوله تقول طاح من الدرج بعدين يحسبوني مطفوق ومرجوج ومااعرف امشي على الدرج <-----لا بالله منت مطفوق ابد الشهاده لله

الــــمهم قضت سوالفي

وبعدين من زمان ماهرجت عليكم قلت اخش عرض واخرعكم

ان شاء الله ما اعود اغيب مره ثانيه أنا جيت

عاد لاتفشلوني أنا جيت

واخر كلامي المتعودين عليه مني شخصيا تبا للجميع أنا جيت

 

منتدى 37 درجة



آخر مواضيعي

0 أنا جيت
0 سؤال لاعضاء منتدى 37 درجه
0 تقاسم الاعمال بين التماسيح والسحالي
0 ناصر القصبي وبرنامج الثامنه مع داوود الشريان
0 رد على موضوع بماذا تفكر الفتاة قبل النوم
0 قصيدة شكسبير
0 اخبار العاشره التمساحيه

  رد مع اقتباس
قديم 06-08-2019, 08:39 AM   رقم المشاركة : 3
شــــــــــــــــوق
اشراف عام
 
الصورة الرمزية شــــــــــــــــوق
افتراضي رد: أنا جيت

بسم الله الرحمن الرحيم

ههههههههههههههههههههههههههه والله محد يضحكني بالمنتدى غير
وليد وشطحاته
هلا هلا نورت المنتدى وسلامتك ماتشووووف شر
ولا عاد تحوس بالمطبخ اذا لزم الامر مشيها اندومي

 

منتدى 37 درجة

آخر مواضيعي

0 وفاة الفنانة اللبنانية صباح عن عمر يناهز 87 عاما
0 حلا الترك تودع الطفولة وتظهر بجسم شبابي مشدود
0 اليمن وقطر يفتتحان لقاءات الجولة الثانية
0 كلمات اغنية ياحب ياحب ماجد المهندس ياحب يا حب
0 هدف الكويت على العراق 1-0 خليجي 22
0 حفل افتتاح خليجي 22 كامل _ فيديو حفل افتتاح خليجي 22
0 الجمهور اليمني يخطف نجومية افتتاح خليجي 22

  رد مع اقتباس
قديم 06-14-2019, 02:55 AM   رقم المشاركة : 4
سفير الهستره
كبار الشخصيات
 
الصورة الرمزية سفير الهستره
Icon8 رد: أنا جيت

بسم الله الرحمن الرحيم

اقتباس:
المشاركة الأصلية كتبت بواسطة ♪Яаωaл مشاهدة المشاركة
المختصر من السالفه الطويله ذي يعني شوفوني أنا الولد الخقه الي يطبخ

ومتى قلت اني الورع اقصد الولد الخقه

يامال مانيب بقايل رحبي او قولي اشتقنا لك


روان

وتبا لك جرحتي مشاعري مرهفة الاحساس

يالله سرينا يا انا

 

منتدى 37 درجة

آخر مواضيعي

0 أنا جيت
0 سؤال لاعضاء منتدى 37 درجه
0 تقاسم الاعمال بين التماسيح والسحالي
0 ناصر القصبي وبرنامج الثامنه مع داوود الشريان
0 رد على موضوع بماذا تفكر الفتاة قبل النوم
0 قصيدة شكسبير
0 اخبار العاشره التمساحيه

  رد مع اقتباس
قديم 06-14-2019, 03:06 AM   رقم المشاركة : 5
سفير الهستره
كبار الشخصيات
 
الصورة الرمزية سفير الهستره
Icon10 رد: أنا جيت

بسم الله الرحمن الرحيم

اقتباس:
المشاركة الأصلية كتبت بواسطة شــــــــــــــــوق مشاهدة المشاركة
ههههههههههههههههههههههههههه والله محد يضحكني بالمنتدى غير
وليد وشطحاته
هلا هلا نورت المنتدى وسلامتك ماتشووووف شر
ولا عاد تحوس بالمطبخ اذا لزم الامر مشيها اندومي


لبى الذوق يا عالم وعسى الضحك دوووم



هلابك يا بعدي والشر ما يجيتس

شواقه ليت البنات يتعلمون منتس الذوق ترا ما اقصد روان ههههههههههههههههههههههههههه


لبى قليبتس ولا توصين ما احوث مره ثانيه عشان ما ينقال لي الولد الخقه <<<حاقد على روانوه



وتستاهلين من يعطيتس ورده


وروان والله ما اعطيك ورده تبا لك

 

منتدى 37 درجة

آخر مواضيعي

0 أنا جيت
0 سؤال لاعضاء منتدى 37 درجه
0 تقاسم الاعمال بين التماسيح والسحالي
0 ناصر القصبي وبرنامج الثامنه مع داوود الشريان
0 رد على موضوع بماذا تفكر الفتاة قبل النوم
0 قصيدة شكسبير
0 اخبار العاشره التمساحيه

  رد مع اقتباس
قديم 06-19-2019, 12:47 AM   رقم المشاركة : 6
شنقي بلوط
عضو جديد
 
الصورة الرمزية شنقي بلوط
افتراضي رد: أنا جيت

بسم الله الرحمن الرحيم

ا[center]ششتقنا لك ياخي .. مع اني ما عمري قريت لك الا ذا الموضوع هههههههههههههه بس نسلك وش ورانا

المهم مدري وش اقول لكن ما اقول الا الصلاااح من الله [/center

 

منتدى 37 درجة

آخر مواضيعي

0 موضوع ما منه فايدة
0 عوده اليييمه
0 كوب قهوه ^فلسفه^
0 مقال وصفي عن المطر
0 كلام راقي
0 كلمات اغنيه وحشتيني عمرو دياب وحشتيني

  رد مع اقتباس
إضافة رد
المواضيع المتشابهه للموضوع: أنا جيت
صور احتفالات اليوم الوطني
إحصائيات وأرقام قياسية في كأس العالم
هيا جدة 2019 - مهرجان جدة للتسوق 2019
اكتشف شخصيتك
اختبار الشخصيات


جديد مواضيع قسم سوالف |يوميات الاعضاء
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة

الانتقال السريع


الساعة الآن 05:13 AM.



المنتدى لايتبع اي جهه وكل مايكتب في المنتدى يمثل وجهة نظر كاتبة فقط

للتبليغ عن اي انتهاك للحقوق الفكرية يرجى الضغط هنا

Powered by vBulletin® Version 3.8.11
Copyright ©2000 - 2019, vBulletin Solutions, Inc.
SEO by vBSEO ©2011, Crawlability, Inc.