آخر المواضيع


العودة   منتدى 37 درجة > 37 درجه التقني > صور |صور منوعة صور بنات كيوت طبيعة صور بنات لبنان شباب السعوديه

صور |صور منوعة صور بنات كيوت طبيعة صور بنات لبنان شباب السعوديه صور بنات كيوت صور منوعة طبيعة اطفال عجيبة غريبة غراميه حيوانات طيور مضحكه شباب السعوديه ::يمنع الصور المخلة والعارية::

إضافة رد
أدوات الموضوع انواع عرض الموضوع
قديم 05-06-2010, 11:31 AM   رقم المشاركة : 1
سوير اكشخ وأسير
عضو نشيط
 
الصورة الرمزية سوير اكشخ وأسير
Ss70017 شوف واحــــــــــكم..!!

بسم الله الرحمن الرحيم

الموضوع منقول لكم من ايميلي للنقاش وابداء وجهة النظر...



كان يا ما كان
قبل 10 سنوات او حولها
كنا لما نمشي في ديرتنا ونشوف اجنبيه فاتشه
تطير عيوننا .. نقول وش هذي .. يا ساتر ..


كان يا ما كان

قبل ثلاثة ايام
افتح ايميلي واشوف رساله من قروب مشهور... صور لبنات ويتفاخرون انهم سعوديات


شوف واحــــــــــكم..!!
السعوديه فخر بس للأسف ما يستاهلون يرفعون هذا المسمى على الصور الي كانوا طالعين فيها
مثال ..
صورتين
لـ 6او 7 بنات..صافين..عالجدار وملقينا ظهورهم..ومرفعين يدينهم (كأنهم معاقبات).. ومنزلين البنطلون..ونص البتاع طالعه
قله الحيا هذي مهيب مقبوله!!


شوف واحــــــــــكم..!!

__________

10سنوات فتره موب قليله

كيف وصلنا لهذي الدرجه من فراغ الاخلاق . ؟؟
الصيف اللي راح.. للأسف غلطنا ورحنا مصر .. وما ادراك ما مصر ..
مع الحرص الشديد الحمد لله للابتعاد عن اماكن الفساد .. لأن يوجد فيها فساد اكثر من الدول الغير عربيه صراحه!!
ويلومننا ليه نكره الدول العربيه!

رحنا لمطعم سقيم..طلع فيه واحد عالستيج.. ومسك المايك وقال((احلى تحيه لشعب السعوديه))


وتصفيييييييييق..!!

لحقونا بعد شوي الشعب الاماراتي والكويتي..


بس السعوديه عادها يمكن 6 مرات..

جلست افكر.. ليه يعني حنا اكثر؟؟
فكرو فيها شوي.. لين يخلص الموضوع بعدين جاوبو..
......
ارجع الحين لصلب الموضوع..

ليش صرنا نشوف صور كثيره.. وعناوين الصور((سعوديات..سعوديات..سعو- ديات))
لو نتفرج عالصور..
نلقى رجول..

شوف واحــــــــــكم..!!


نلقى جزم

شوف واحــــــــــكم..!!

نلقى اساور خضرا<<يعني ترا حنا سعوديات.
والفيس بوك عاد..والهاي فايف.. انواع الصور اللي مدري وش اقول عنها
شفايف..
* * *
عيون


شوف واحــــــــــكم..!!


ونادر ما تلقى وحده حاطه وجهها..
على فكره.. اللي تحط صوره وجهها,, محترمه اكثر من اللي ترزز اشياء ثانيه!!
يعني عشانكم تتغطون..تروحون تصورون ذا الصور ..!

شوف واحــــــــــكم..!!
تمنيت اني اطيح على بروفايل احد..والقاه حاط اسم كتاب حلو نقراه ..خاطره حلوه من كتابته.. موقف مضحك مر فيه..موقف مؤثر..
او اذا كانت او كان.. يعشق التصوير.. ليه يصور هالاشياء السخيفه..؟؟ اللي ما تدل الا على سخافه تفكيره؟؟
ااذا يحب التصوير..ليه ما يحترف..ويصور صور فوتغرافيه احترافيه..وراح يبدع فيها!..
ليه كل اللي اشوفه..بربسه حكي.. واحيانا قله حيا!! لا صراحه.. موب احيانا.. غالبا..
وش هالفضاوه في العقل لدرجه انكم تصورون يدينكم.رجلينكم.. ((شنطكم الماركه <_<شوف واحــــــــــكم..!!..

شوف واحــــــــــكم..!!
يمكن الفضاوه.. اقدر اتقبلها.. او ابلعها..لأن احيانا نسويها حنا انفسنا.. من كثر الفراغ اللي حنا فيه.. او يمكن شكل الصوره حلو..
بس ان الوحده تجي تصور مقفاها.. هي وخوياتها.. وكاشخه بالجي سترينق!!


شوف واحــــــــــكم..!!

والمنتديات والقروبات السعوديه تتسابق لنشرها ..
الدال عالخير كفاعله.. والشر بعد..
بعدين انتي ياللي مصوره انتي وخوياتك
يعني انتي همك الوحيد ما يشوفون وجهك عشان محد يعرفك..
بس مقفاك.. شفايفك.. و* * * *.. عادي يشوفونه!!
لأن المهم عندك الناس.. موب الله؟؟

شوف واحــــــــــكم..!!
طيب صورتك قدام نفسك طيب؟؟ ما تهتز انك سويتي شي حقير ووضيع مثل هالشي؟؟
اصلن اصلن.. كيف صورتو صوره زي كذا.. يعني ما استحيتو من بعض يا بنات؟؟
عيب يعني..يعني عشانكم بنات مع بعض عادي تورون بعض يعني؟؟
ولا اقولكم..انا نسيت انكم ناشرين الصور للشباب..فما يهمكم البنات..
يعني صدق شي يضيق الصدر .. بنات سعوديات مسلمات في مجتمع مثل مجتمعنا يسوون زي كذا..

ودي اعرف امك..وابوك..وش بينظرون لك بعد ذا الصور؟؟
يعني حرام..اهلكم ربوكم احسن تربيه..
بس انتم للأسف ما ربيتو انفسكم..
فيه شي اسمه تربيه النفس.. بس انتم تتبعون اهوائكم.. او خليني اقول مخكم الفاضي!!
ولا قروب ثاني سعودي برضو..والصور اللي ناشرينها..
ذوليك عاد.. متبرقعات..وبعابياتهم..متكحل- ات..ومسوين حركات غبيه ومصورين..!
طيب؟ وبعدين؟؟ ابي افهم وش الهدف؟؟ مره وناسه؟؟ مره يضحك؟؟ ماااااااااااااااره كوووول انتم صراحه!!
طبعن ترا الكلام موب موجه للبنات فقط.. لأن يوجد عندنا وبكثره رجال عقول فاضيه
..
اللي همهم نوم واكل.. وفلوس ياخذها من ابوه ولا امه!

تطورو شوي.. ارتقو شوي..اطلعو بصوره احلى من كذا..
انتم عارفين ان النت اكبر وسيله انتشار..
قبل فتره.. في ام بي سي فور.. تدرون ان في برنامج من برامجها عارض بروفايلات لبنات سعوديات.. باسماءهم.. طبعن موب اسماء حقيقه.. !
بس شوفو الصور انتم! شفايف و * * * * ومدري وشو.. علقو على هالشي باننا متكمكمين بعبايتنا عشان كذا نروح عن انفسنا بذا الطريقه..
ما تستحون؟؟ قبل الغرب اصلن.. صوركم قدام انفسكم!؟ ما تهتز؟؟


انشرو شي حلو,,حاولو تطلعون بشخصياتكم الحقيقيه.. موب تصيرون مثل الامعه اللي يسوي شي عشان يقلد الفنان الفلاني.. ولا البنت الفلانيه..
ليه بس تنشرون الشي الشين؟
انواع المقاطع الشينه تنتشر.. انواع الصور الشينه..

ليه؟ وش استفدت؟؟ غير الذنب والاثم.. انك خليت احد يشوفها.. وانك نشرت شي مو كويس عن المسلمين!
اقولكم شي؟

شفتو كتاب (بنات الرياض) قريته..صراحه كل اللي فيهواقع..اشياء فعلا تصير عندنا..طبعن لفئه معينه من الناس..
بس تدرون ان الكتب تترجم لاكثر من 22 لغه؟؟
تدرون انهم برا يدرسون الكتاب فيه دوله من الدول
يدرسونه؟؟ تخيلو؟؟
رجاء الصانع ما كانت تبي تنشر غسيل.. كانت تبي تفتح عيون الناس على اخطائهم..وتصلح هالاخطاء..
يا حلّو الثقافه اللي يتثقفونها بس!
يعني الحين اللي برا..يدرسون الكتاب كنص سعودي ادبي يمثل حياة السعوديين .. كله سلبيات في سلبيات, ,!,,مثلا احنا الحين ندرس..روبنسون كروزو في الجامعه.. على اساس انه نص انجليزي يمثل الحياه الدينيه والسياسيه الاجتماعيه في هذيك الفتره..
هم يدرسون (بنات الرياض) لتمثيل المجتمع السعودي!


انا ما الوم رجاء الصانع على اللي كتبته.. بالعكس انا عاجبني الكتاب من إلى. . وكل اللي كتبته اشوفه بعيني عندنا..
وكل اللي سوو عليه ضجه.. هذولي يبون يعترضون لمجرد الاعتراض..
ليه تعترضون؟؟ لييه؟؟ ما تشوفون بناتكم؟؟ ما تشوفون عيالكم؟؟ ما تشوفون مجتمعكم كيف!!
ليه تنكرون كل اللي بالقصه وانه موب موجود!
الا موجود ونص والدليل هاللي نشوفه بالنت والسوق والجامعه وكل مكان!


رجاء الصانع تبي تصلحكم وتفتح عيونكم على اخطائكم..
لكن موب الغلط في اللي كتبته رجاء.. لكن الغلط في مخ كل من يقرا الروايه!!
شلون الواحديصلح مجتمعه؟؟ بأنه يكمكم على اغلاطه ولا يحكيها عشان ما ينفضح قدام الاجانب والناس!
بس عادي يدشرون ويخربون وكل شي.. بس ما ينتشر عنهم شي!
ويستمرون بنكران كل قصص الدشاره والصياعه اللي عندنا بحكم اننا سعوديين.. مدري يمكن قصدكم سعوددين= ناس طاهرين!
غلط ! كل دوله بالعالم فيها الصالح والطالح..
البيت الواحد فيه الصالح والطالح..

ما تحبون احد يحكي فيكم ابد.. بالرغم من كل الاغلاط بحياتكم..

قبل فتره سمعت انهم رحلو هشوم الرياض.. الى ديرته الحقيقه(سوريا)
وانه لا يمت للشعب السعودي بصله!
كأن ما عندنا سعوديين من هالجنس!!

شوف واحــــــــــكم..!!


ليه ما تصلحون ايميلات تعود لكم بالفايده؟وتحسن سمعتكم! وتظهر الجانب الحلو في كل سعودي وسعوديه؟



بقولكم مثال..لوحده اعرفها شخصيا.. قبل ما ينتهي رمضان.. ارسلت مسج لكل اللي تعرفهم..وقالت انهم بيجمعون فلوس هي وبنات خالاتها.. وبيروحون يشترون العاب..وحلويات.. ويرسلونها لجمعيه الايتام..وفعلا جمعو.. ووصل المبلغ لين 22الف.. كله من بنات عشرينيات في العمر..كلهم تحمسو لهالشي.. كلهم اتشغلو وشرو العاب..وحلويات.. شرو ميك اب..وشرو اشياء ثانويه الجمعيات ما توفرها للمحتاجين والايتام.. يعني البنات فكرو بتفكير مررررره حلو,, فكرو بالاشياء اللي يحتاجونها الفقرا..ويفرحون فيها,, بس ما توفرها لهم الجمعيات لانها مهيب ضروريه مثل الاكل والبيت والملابس,, يعني هالمثال صراحه اوقف واصفق له بحراره.. هذولي هم السعوديات اللي نعرفهم!!



شله شباب..اعرفهم بعد.. ..طالعين لجده..في رحله بحريه..وصادو كميه لا بأس بها من السمك..
تدرون لو بيبيعون هالسمك.. كم يبيجب لهم؟ تقريبا 4 الاف..
بس هم كانت نواياهم اهم من الفلوس..
اخذو هالسمك وودوه لمنطقه فيها ناس فقرا.. وتصدقو..

برضو حمله تبرعات الراجحي..
ترا اكثر من تبرع فيها شباب..
((المواقف مذكوره عشان ابين انو فيه ناس كويسه,,يعني ابين الجانب الايجابيه))
يعني فيه ناس تشتغل.. فيه ناس عندها اهداف..
موب بس بالنت.. حتى برا النت,,
سواء بنات او شباب..


نبغى جيلنا السعودي الجديد ينتشر عنه كل شي حلو..


انا ما اقول انكم ما تنبسطون.. ما تسوون هبال. . بس برضو بحدود..
موب عشانكم ورا الشاشات يعني عادي؟؟
(هياط ورا الشاشه = مرض)


شوف واحــــــــــكم..!!



الصور اللي من النوعيه اللي ذكرتها في البدايه.. بطلو تصورونها .. اوحتى تحطونها بالبروفايل حقكم.. ترا صدق يعني هالشي ما يبين الا فضاوه عقولكم..لأن هالبروفايل يبين شخصيتك..



اي احد يشوف هالصور..ولا يجيه ايميل من هالنوعيه.. يبطل ينشرها.. لأنها يساعد على انتشار هالظاهره..لأن التقليد عندنا اعمى

شوف واحــــــــــكم..!!


وابي اتطرق لموضوع بيخش فجأه بس لازم اعلق عليه(( فضيحه بنت .. الخ)) هالنوعيه من الصور والفيدوهات....

اولن نشرت شي حرام. ثاني شي ما سترت على بنت او ولد الناس..
ما تخاف ربي يفضحك بشي بعد سنه او 2 او 100!!
قال الرسول صلى الله عليه وسلم(من ستر على مؤمن بالدنيا,,ستر الله عليه بالاخره)

اتمنى ان موضوعي هذا ينتشر بنفس الطريقه اللي انتشرت فيها هالصور..
يهمني الموضوع ينتشر في المنتديات السعوديه.. اكثر من المنتديات العربيه..
لأننا نحاول نناقش قضيه سعوديه داخليه..ومافيه مجتمع ما يخلو من الاخطاء..
ابغى اذا احد قال((احلى تحيه لشعب السعوديه)) وعادها 6 او 10 مرات..
اعرف ليه قالها.. واقول معه حق..
.
.

 

منتدى 37 درجة



آخر مواضيعي

0 ايام الدلاخه..
0 جدة اوباما السميه بتحج..
0 شوف واحــــــــــكم..!!
0 انتم مثلي ولا لا؟؟
0 للحيـــن نفس الجواب...ماتدريـــــــن!!
0 مافيها شي...تحب ولد جيرانهم!!
0 مسيره وشكلي بتكي ممكن ترحيب!!

  رد مع اقتباس
قديم 05-06-2010, 11:50 AM   رقم المشاركة : 2
maha_07
عضو vip
 
الصورة الرمزية maha_07
افتراضي رد: شوف واحــــــــــكم..!!

بسم الله الرحمن الرحيم

معاكي حق بصراحه ظاهره تنرفز

بس البنات ماخذين الحجاب عاده مو عباده


والا ماكان تكشفت وتصورت

هيه مو خايفه من عقاب ربها

خايفه تنتشر صورتها وتنفضح بس


والمفروض الفيس بوك والبالتوك محظوره عندنا بالسعوديه


لان فيه مبزرة قاعدين يشوهون صورتنا وعلى بالهم فن و تطور



والله تنرفزت


تقبلي مروري

 

منتدى 37 درجة

آخر مواضيعي

0 شيء مخيف جداً ماحدث قبل ثلاث ايام
0 طفل امريكي يحاول يقول كلمه Blood وابوه فاطس ضحك
0 توم وجيري عسيري
0 مسجات ادعيه
0 i am back
0 صور فطورك وأعرضه (*_-)
0 نامق الشهري

  رد مع اقتباس
قديم 05-06-2010, 11:57 AM   رقم المشاركة : 3
سوير اكشخ وأسير
عضو نشيط
 
الصورة الرمزية سوير اكشخ وأسير
افتراضي رد: شوف واحــــــــــكم..!!

بسم الله الرحمن الرحيم

منوره ياعسل..


اسعدني ابداء رايك في الموضوع...

 

منتدى 37 درجة

آخر مواضيعي

0 ايام الدلاخه..
0 جدة اوباما السميه بتحج..
0 شوف واحــــــــــكم..!!
0 انتم مثلي ولا لا؟؟
0 للحيـــن نفس الجواب...ماتدريـــــــن!!
0 مافيها شي...تحب ولد جيرانهم!!
0 مسيره وشكلي بتكي ممكن ترحيب!!

  رد مع اقتباس
قديم 05-06-2010, 05:26 PM   رقم المشاركة : 4
سوير اكشخ وأسير
عضو نشيط
 
الصورة الرمزية سوير اكشخ وأسير
افتراضي رد: شوف واحــــــــــكم..!!

بسم الله الرحمن الرحيم

عشر مشاهدات ورد واحد كذا ترى بزعل منكم..

 

منتدى 37 درجة

آخر مواضيعي

0 ايام الدلاخه..
0 جدة اوباما السميه بتحج..
0 شوف واحــــــــــكم..!!
0 انتم مثلي ولا لا؟؟
0 للحيـــن نفس الجواب...ماتدريـــــــن!!
0 مافيها شي...تحب ولد جيرانهم!!
0 مسيره وشكلي بتكي ممكن ترحيب!!

  رد مع اقتباس
قديم 05-06-2010, 10:28 PM   رقم المشاركة : 5
حلمي جنوني
عضو جديد
 
الصورة الرمزية حلمي جنوني
افتراضي رد: شوف واحــــــــــكم..!!

بسم الله الرحمن الرحيم

بصراااااااااحه.....؟
لاتعليـــــــــــــــــــــــــــــق!!!!!
اللهم استر بناتنا وبنات المسلمين وحمي بلدنا من كل شر موهين ...
امـــــــــــين يااااارب
(تقبلي موروري )

 

منتدى 37 درجة

آخر مواضيعي

  رد مع اقتباس
قديم 05-07-2010, 02:00 PM   رقم المشاركة : 6
سوير اكشخ وأسير
عضو نشيط
 
الصورة الرمزية سوير اكشخ وأسير
افتراضي رد: شوف واحــــــــــكم..!!

بسم الله الرحمن الرحيم

حلمي اسعدني مرورك وتعليقك ع الموضوع..

 

منتدى 37 درجة

آخر مواضيعي

0 ايام الدلاخه..
0 جدة اوباما السميه بتحج..
0 شوف واحــــــــــكم..!!
0 انتم مثلي ولا لا؟؟
0 للحيـــن نفس الجواب...ماتدريـــــــن!!
0 مافيها شي...تحب ولد جيرانهم!!
0 مسيره وشكلي بتكي ممكن ترحيب!!

  رد مع اقتباس
إضافة رد

جديد مواضيع قسم صور |صور منوعة صور بنات كيوت طبيعة صور بنات لبنان شباب السعوديه
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة

الانتقال السريع


الساعة الآن 09:30 PM.



المنتدى لايتبع اي جهه وكل مايكتب في المنتدى يمثل وجهة نظر كاتبة فقط

للتبليغ عن اي انتهاك للحقوق الفكرية يرجى الضغط هنا

Powered by vBulletin® Version 3.8.11
Copyright ©2000 - 2019, vBulletin Solutions, Inc.
SEO by vBSEO ©2011, Crawlability, Inc.