آخر المواضيع


العودة   منتدى 37 درجة > 37 درجه الترفيهي > منتدى وناسه نكت مقالب استهبال

منتدى وناسه نكت مقالب استهبال منتدى وناسه نكت ,فكاهة ,ضحك ,مقالب تنكيت لكاعة استعباط

إضافة رد
أدوات الموضوع انواع عرض الموضوع
قديم 07-09-2010, 11:49 PM   رقم المشاركة : 1
دلع انثى
كبار الشخصيات





افتراضي قوة تنتيف برجاجيلنا

بسم الله الرحمن الرحيم

قريت الموضوع باحد المنتديات وحبيت تشاركوني
هذي بنيه شكلها طاق عرقها من الرجاجيل ههههههههههه
اخليكم مع السوالف..
سواليف بنات
والله بصراحه الزواج ضيقة صدر للحرمه ومرررر على تسبدها

هو صح اني يعني بصيير ام وبخلف , لكنه جد يعني امتهان وابتذال للحرمه
من الرجل الشرير <<
متعقده مره من الزوآج
ولا بعد يجييب كم بزر وتربيتهم علي وكل شوي انتي وعيالس انتي وعيالس
يعني مهوب عيالك بعد
درسي عيالس
ودي عيالس
جيبي عيالس
اكلي عيالس
نومي عيالس
قومي عيالس
فكيني من عيالس
واذا تعبوا كني انا اللي تعبتهم اوف منس ومن عيالس
عيالي لحالي اجل من اللي جابهم

لا واذا كبروا وصار عندهم حركات نص كم قال طالعين على خوالهم

يعني اذا هو يدخن ومدري وش وريحته وعع واسنانه صفر ولثته تعبانه وشلون يبي عياله يطلعون؟
يعني لا دخن ولده صفقه وذبحه <
ما تشوف نفسك
>
امحق قدوة

امحق رجوله

امحق ابوة
بصراحه الرجال يدبل التسبد ويجيب الغلقه اذا جت حرمته تطلع معه من جدد يعني هي بتطلع تنبسط وتستانس وتغير جو
وهو ولا جاي على باله يونسها (
لا تناظرين , لاتسوين , لا تلتفتين , غطي عيونس , لاتاخذين ذا غالي , ما ينفعلس <<مسوي فاهم
)

لا واحيانا عليهم حركآت (
لاتمسكين يدي في السوق , وشوله تدخلين ذا المحل كله رجاجيل , ورا ذا الرجال يناظرنا
!)

لا ويقول تغطي ولا تناظرين وهو ماغير يقزقز في ذا الحريم
طيب هو يناظر وانا لا ليه ما اناظر عيب اناظر على راسه ريشه والا على راسه ريشه !!
عمياء انا ؟!
(العين تعشق كل جميل)
مثل ما فيه بنات يلفتون النظر لثمه وعيون برضو في شباب حلوين مرسمين مسوين سكسوكه

ومثل ما هو تحلى الحرمه بعينه انا يحلى الرجال بعيني يعني انا ما نيب انسانه اناظر الشي الحلو !

و الاحظ انهم فاهمين الرجوله غلط الرجال رجولته مو في الهواش والهياط والعصبيه

موب يستغل ضعفنا ويثبت رجولته علينا


ترى سكوتنا مو ضعف مننا
بل احترام للرجوله اللي مدري وينها فيه

يعني ترى انا اقدر اصطره اعرف اطق اعرف اهاوش اعرف اهايط موب بس هو<<هيااااااط 100% هع
بس حنا نبي نحسسكم انكم رجاجيل ما نبي ننزل مستواكم لانكم مساكين تحسبون الرجوله بالطق والهواش والاوامر لكن نظريتكم
غلط x غلط

ويلبسلي دشداشه مقلمه (
ابيض ورمادي
) ويبني اكشخ عنده


وكرشته ما يحتاج ويبي جسمي جسم هيفاء وهبي

وخشته يابسه ويبيني اطلع اهبل وش زيني

انا لمين اتزين للجدار ؟ طالع وجهك يارجلي اليابس

ويطلع للدوام ويرجع العصر ونفسه خايسه ويبيني اقابله بضحكه ويبي افرد كشرتي عنده وهو مغلدم

لا ويتشرط بعد وراس مسويه رز ابيض انا مشتهي احمر

طيب علمني قبل انا وش دراني باللي اشتهيته

مررر في تسبدك

وانا اذا رجعت من الدوام وانا مكشره يقعد يسويلي سالفه لها اول مالها آخر

لا والادهى والامر
يطلع ويقعد باستراحهتهم جعلها الهده لآخر الليل مدري الفجر وانا حدي 10 والا 11 ونص حتى اهلي ما اتهنى فيهم


ولا يبيني اتأخر جعله اللي منيب قايله لا ويوم خميس بعد وهو موسع صدره طول الاسبوع

لا والطلعه قايلي مافي سواق ينطلني بعدين يقول خلي واحد من اخوانس يجيبس لا والا يقول بكره اذا فضيت ولا جاء بكره يتعذر خويي في الطريق سيارتي خربانه المدير توه داق علي عندنا اجتماع

واذا تكرم ووداني يقول خلي اخوانس يجيبونس

واخواني والله مو مكفولين فيني لا صرت بذمة هالرجل الخايس

والله ما حطوني عنده عشان يودوني ويجيبوني

لا ومن الانانيه الزايده اهله كل عيد عندهم وانا اهلي بالطقاق اروح لهم يالله يالله يطيع

ويتمنن علي

واذا تصلحت عنده يقعد ينقد ليه هذا كذا والروج مو حلو امسحيه

والكحل مطلعس كنس من مصاصي الدماء امسحيه تكفين لايشوفونس يرتاعون
والا ليش لابسه هاللبس ما اعجبني ناسي انه هو اللي شاريه معي

لاا والاجازات يروح لحاله وانا ياحياتي يذبني عند اهلي

يعني ما يجوز اسافر معه وليه مو هو اللي يجلس وانا اللي اسافر

شقاااق ان شاءالله

والا الازعاج اللي يجيني عالجوال

يقعد ينشب لي وش عرفه برقمس وانتي مانتيب كفو جواال

وهو لادق جواله نط وراح يتوزى يكلم ياملا الصمرقع



وفي جعبتنا الكثير والكثير بس نستر عليهم شوي<<
وش بقيتوا احلفوا
ههههههههههههههههههههههههههههههههههههههههههههههـ

ترى الموضوع تنتيف يعني خذوا راحتكم

هع

اتحدى اي تمساح يأيد كلامنا لوووووووووووووووووووووووول

تقبلوا سواليفنا

 

منتدى 37 درجة



آخر مواضيعي

0 القران الكريم مرتلا اختر قارئك منهم
0 صنادل 2019
0 على قدر عطائك يفتقدك الاخرون
0 تصويري لورق عنب ..
0 العطاس في الصلاة..
0 الفرق بين القلب والفؤاد ..
0 نظرات العيون

  رد مع اقتباس
قديم 07-10-2010, 12:06 AM   رقم المشاركة : 2
آحلى دنيـآ
عضو نشيط
 
الصورة الرمزية آحلى دنيـآ
افتراضي رد: قوة تنتيف برجاجيلنا

بسم الله الرحمن الرحيم

والله إنهـآ صآدقـه في كل كلمـه كآتبتهآ الرياجيل أنوآع الآنآنيـه ،/


أصـلآ الزوآج غثـآ يالله لا تبلآني ،

عوآإفــي ..

 

منتدى 37 درجة

آخر مواضيعي

0 عامل ملابس بنادٍ شهير في الرياض يستخدم طلاسم لسحر لاعب سعودي

  رد مع اقتباس
قديم 07-10-2010, 01:14 AM   رقم المشاركة : 5
الفهد 989
عضو جديد
افتراضي رد: قوة تنتيف برجاجيلنا

بسم الله الرحمن الرحيم

شكرا لك مني اجمل تحيه

 

منتدى 37 درجة

آخر مواضيعي

  رد مع اقتباس
قديم 07-10-2010, 01:22 AM   رقم المشاركة : 6
دلع انثى
كبار الشخصيات
افتراضي رد: قوة تنتيف برجاجيلنا

بسم الله الرحمن الرحيم

ههههههه

وش فيكم يابنات تفائلوا بالخير تجدوه
الله يرزق كل البنات بالازواج الطيوبين الي مايغثون احد
الله يعافيكم منورين يالغوالي ..

 

منتدى 37 درجة

آخر مواضيعي

0 القران الكريم مرتلا اختر قارئك منهم
0 صنادل 2019
0 على قدر عطائك يفتقدك الاخرون
0 تصويري لورق عنب ..
0 العطاس في الصلاة..
0 الفرق بين القلب والفؤاد ..
0 نظرات العيون

  رد مع اقتباس
إضافة رد

جديد مواضيع قسم منتدى وناسه نكت مقالب استهبال
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة

الانتقال السريع


الساعة الآن 08:51 AM



المنتدى لايتبع اي جهه وكل مايكتب في المنتدى يمثل وجهة نظر كاتبة فقط

Powered by vBulletin® Version 3.8.11
Copyright ©2000 - 2019, vBulletin Solutions, Inc.
SEO by vBSEO ©2011, Crawlability, Inc.