آخر المواضيع


هل انت عضو جديد؟ تنشيط العضوية الدعم الفني للاعضاء طلب كود تفعيل العضوية نسيت الرقم السري
العودة   منتدى 37 درجة > 37 درجه الادبي > قصص واقعية روايات حكايات

قصص واقعية روايات حكايات قصص دينية اسلامية واقعية حقيقية أطفال نساء خيال قصيرة صغيرة الانبياء حزينه روايات

مواضيع اخرى تهمك: كلمات اغنية هزك الشوق | تهنئة بالزواج شعر | رواية راكان ووسن | قصيدة مبروك الزواج | كلمات جنوبيه غزل | كلمات شهريه | يتخلى عليا بلاش كلمات | مالعب في شعرها غير النسيم | حروف صغيره انجليزيه للبي بي | سورة العلق5 للاطفال | كلمات اغنية هزك الشوق | كتالوج غرف نوم 2019 pdf | معنى stay home | ياعيونه كلمات | اطارات تخرج | كيكة تخرج 2020 | تجيني بكلمتين جداد

إضافة رد
أدوات الموضوع انواع عرض الموضوع
قديم 10-31-2010, 05:56 PM   رقم المشاركة : 7
كلي حلا
مِشّشًتَاآأإقْه لِكْ ..
 
الصورة الرمزية كلي حلا
Icon10 رد: روايه معشوقي كلي معاك معاك حتى للهلاك / كاملة

بسم الله الرحمن الرحيم

عند أم سعود لما شافته جاي : بشر .. إن شاء الله طلعت منها سليم وتغمز له
راكان : الله يعلم بـ الحال .. بس أدعي لنا ياعمه ..
أم سعود : والله إني أدعي لكم ع طوول .. لكن الله يهدي إللي واقفين لكم { تقصد أهله }
راكـان : شوفي ياعمه .. أـنا ماخذها ماخذها إن شاء الله ولا همني أحد حتى أبوي إذا رافض وإلا موافق .. لإنو هذا شيء يخصني وأـنا إللي أختار ولا أحد له دخل فيني ..
أم سعود : الله ييسهل عليك
راكان يبوس راس عمته : ويخليك لي ويريحك مثل ماريحتيني .. لا أوصيك عليها ..
أم سعود : من غير ماتوصي هذا وسن الغاليه ..
راكان : تامريني بـ شيء قبل لا أمشي للرياض
أم سعود : سلامتك وانتبه لـ نفسك ..
راكان : تامرين .. ومشى إلا هذي أم خالد فـ وجهه وسلم عليها قبل لا يسافر
قالت أم خالد : لا تسرع بـ الطريق وسلم ع أهلك
راكان : أبشري ياعمه .. ومشى لمجلس الرجال وحصلهم ينتظرونه قال إنه يسولف مع عمته أم سعود وام خالد .. وطلعوا لـ بيتهم إللي بـ الدمام بياخذون أهلهم وبيطلعون للرياض ..

جلسوا البنات والحريم ضحك وهبال وأم سعود كل شوي والثاني ترمي نغزهـ ع وسن ووسن تضحك لإنها فاهمه عليها .. ولما جا العصر الرياجيل طلعوا للشركه والحريم والبنات طلعوا للمجمع طبعاً الحريم سوأ والبنات تفرقوا .. ومن بعد المغرب رجعوا لـ بيت أبو خالد وع الساعه 8 ونص رجعوا الرياجيل وتعشوا وجلسوا شوي بعدين طلع كل واحد لـ بيته


بعد يومين ..

وسن تتكلم مع أبوها وأمها واخوانها : في عمل خيري بـ نسويه وإن شاء الله لنا الآجر .. وإللي آبيه منكم كل واحد يدفع إللي يقدر عليه ..
أبو خالد : إللي يقدر عليه مرهـ وحدهـ ؟؟
حاتم يكلم أبوهـ : ناسيه الأخت اننا كريمين
خالد : حددي كم بـ الضبط
وسن : آمممممم ,, أكثر شيء من كل شخص 500 ,, طبعاً العمل هذا آبي كل العائله تشارك فيه .. لكن شوفوا الفلوس تنزل حسابي من غير لا آحد يقول للثـاني كم دفع .. لإننا بنحتسب الأجر ..
أم خالد : الله يجزاك خير .. خلاص أـنا لازم أنزل بحسابك يعني ..؟؟
وسام : إحنا نعطيك هنا والباقين ينزلون بحسابك
أبو خالد : صادقين
وسن : ماشي .. إنتو عطوني لكن من غير مايعررف الثاني كم عطاني
حاتم : أوكي
خالد : وأـنا بقول لـ باقي الشباب
وسن : أوكي .. لكن الأشياء إللي آبيها موزعها الوحيد بـ الرياض ولا أدري كيف أتفاهم معاهـ وأنزل له الفلوس وأجيب الأغراض ..
خالد : راكان وزياد هناك
وسن : أوكي كلم واحد منهم وتفاهم معاه وقولي واـنا أعطيك خبر بـ إللي آبيه
خالد متى تبيني أكلمه ؟؟
وسن : بعد شوي { وقت العصر }
خالد : أوكي
حاتم : طيب .. قول للشباب العصر لما نروح للشركه وعطهم رقم حسابها وينزلون فيه إللي يبون ..
وسام يستهبل: أخاف تاكلينها علينا الفلوس
وسن : ههههههههههههههـآآي .. نفس تفكير وتين .. تقولي حلو ينزلون الفلوس ع حسابك وعاد عائلتنا معروفه بـ الكرم وإللي نحصله بـ إحسابك نص نص ..
كلهم جلسوا يضحكون
وسام : والله يـ المصريه
خالد : وبقوهـ
وسن تناظر وليد : حتى وليد إلا يعطينا
وليد جالس بجنبها : كم أعطيك
حاتم : كفووو والله ولد سُلطان
وليد : قولي كم
وسن : آممممممممممم ,, إللي يجي
وليد : بابا عطني فلوس
أبو خالد واهو يطلع 500 خذ بابا .. وليد خذاها واعطاها وسن : ربي يكتب لك الأجر إن شاء الله .. قول إن شاء الله
وليد : إن شاء الله
أم خالد : طيب عماتك قلتي لهم ؟؟
وسن : وتين بتبلغ عماتي والبنات
وسام : ماحصلتي إلا وتين ..
خالد : شبلاك ع البنت ؟؟
وسام : أحب أستهبل عليها
وسن : إهي تقول أموت أرفع ضغط وسام
حاتم : الله يستر من رفعة الضغط هذي
كلهم ضحكوا إلا وسام
وسام : لا إرتاح مافي من إللي ببالك
حاتم يغمز له : أـها قول كذا من أول
وسام : شنو إللي قول كذا من أول
حاتم : انت تقول إللي ببالك .. واـنا مافي بالي غير إنو علاقتكم علاقة أخوهـ ..
وسن : ههههههههههههههههههههههههـآآي .. حلوهـ .. كفك كفك .. وتطق كف حاتم
حاتم : أعجبك
خالد : هههههههههه .. شوفوا كيف تلون وجهه بعد ما أستوعب ..
وسام : سامجين
وسن : أخيراً وسام أستحى
حاتم يتطنز : مابغى ياوخيتي
وسن : إنت تشوف واـنا أختك
أبو خالد واهو يضحك ويقوم : أـنا بنام لي ساعه .. صحيني لـ آذان العصر ..
أم خالد وإهي تقوم مع زوجها رايحه للمطبخ وبعدها بتطلع فوق : إن شاء الله


فـ بيت أبو تركي ..

تركي يكلم جوال وتجي هنادي تركض ووراها بدر يركض ..
قفل تركي وكان معصب : خير إن شاء الله مافي أحد يكلم براحته من غيرإزعاج ؟؟
هنادي تستهبل : تزوج ما أحد يزعجك
بدر : كفو والله بـ أختي .. أحياناً أحس إني أحبك واحياناً أحس عكس هـ الشيء
هنادي : سبحان الله شعور متبادل
تركي معصب : قوم أنقلع إنت وإهي
بدر : طرينا العرس وعصب
هنادي تستهبل : ماعليك منه .. خلنا نكمل لعب
قام عليهم تركي .. وكلهم ركض من الخوف
تركي : أستفغرالله ياربي
أمه توها جايه : شفيك يُمه
ناظرها : سلامتك .. من غيرهم القلق
أمه تضحك وإهي عارفه حركات هنادي إللي باقيه كأنها طفله وبدر إللي يحب يستعبط ويلعب ع طوول : توهم صغار
تركي : وين صغار .. هنادي بتدخل الـ 20 وبدر الـ 27
أم تركي بحنان الأم : ماعليه يُمه خلهم يستانسون
تركي : صادقه .. خلهم يستانسون بدل الهم والغم
أم تركي : إسم الله عليك حبيبي ,, شـ إللي فيك ؟؟
تركي : لا تشغلين بالك ياقلبي .. وباس إيدها ومشى


'هلا خالد متصل فيني'
خالد واهو يدرس مشروع جديد ع اللاب حقه بـ الشركه : إيه .. شكلك كنت نايم
راكان واهو يضحك : تعرف ولد عمك إذا تعب بـ الشغل إلا ينام وقت طوويل
خالد أكرهـ شيء عندهـ الواحد ينام كثير .. بـ العادهـ تكفيه 5 ساعات .. ويصحى شبعان نووم : ياحبكم للنوم
راكان : بـ الله عليك أحد يكرهـ الراحه والنوم
خالد : أـنا ما احب أـنام كثير
راكان : ياخي أنتم عائله غريبه { يقصد عائلة أبو خالد }
خالد : هههههههه .. ربي خلقنا كذا .. ماعلينا .. كيف عمي والأهل ؟؟
راكان: بخير ونعمه
راكان : أنتم شخباركم ؟؟
خالد : كلنا بخير والحمدلله .. صح .. كنت مكلمك .. فيه أشياء تبيها وسن والأشياء هذي ماتتوزع إلا بـ الرياض واتصلت فيك واـنا بـ البيت ولا رديت وذا الحين للآسف أـنا مو عندها ..
راكان عاقد حواجبه : وشهي الأشياء هذي ؟؟
خالد : تدري .. أتصل ع رقم أمي وقولها تقولك شـ تبي ..
راكان : متى أتصل ؟؟
خالد : ذا الحين أـنا بكلم أمي وبشوف إذا وسن عندها وبرد لك خبر
راكان : اوكي أنتظرك
خالد : سلام
راكان : سلام وقفل ..
خالد واهو يتصل فـ أمه ..

أم خالد بـ الصاله وعندها أختها ويسولفون دق جوالها إلـى رقم خالد : هلا عمري ..
خالد : كيفك يُمه
أم خالد : بخير حبيبي
خالد : يُمه وسن عندك ؟
أم خالد : بغرفتها تقرأ لها كتاب
خالد : حلو ..راكان بيتصل فيك عشان الأشياء إللي تبيها وسن .. وخليها تتفاهم معاهـ
أم خالد : أوكي
خالد : تامريني شيء
أم خالد : سلامتك قلبي
خالد : الله يسلمك .. مع السلامه
أم خالد : مع السلامه

واتصل فـ راكان وقاله يتصل فـ أمه

بـ غرفة وسن البنت بسابع نومه ..
أم خالد تدخل جناح وسن وتدخل غرفتها حصلتها نايمه وصحتها : وسن
وسن نايمه
أم خالد : ماما وسن قومي
وسن : شنو يُمه
أم خالد : راكان بيعرف شنوإللي تبينه من الرياض ؟؟
ووسن من سمعت أسم راكان وإهي بدت تصحصح : وين ؟
أم خالد : هذا اهو قولي له شنو بـ الضبط وأـنا نازله .. خالتك هنا
وسن تناظر الموبايل : أوكي
طلعت أم خالد وفتحت وسن الصامت وبصوتها الرآيق وواضح عليه إنها كانت نايمه : آلو
راكان من سمع صوتها كأنه بعالم ثاني .. أول مرهـ يسمعه بـ الجوال : ـــــــ
وسن : آلوووو
راكان أستوعب : السلام عليكم
وسن : وعليكم السلام ,,
راكان : كيفك ؟
وسن : تمام ..
راكان : قالوا تبين أشياء ماتتوزع إلا بـ الرياض شنهي ؟؟
وسن : إيوا .. بنعمل عمل خيري والأشياء المحتاجينها ماتتوزع إلا بـ الرياض ..
راكان : الله يجزيك خير .. طيب وشهي إللي تبينها ؟؟
وسن : آمممم ,, وإهي تقوم من السرير وبغت تطيح .. وحاست بـ الأدراج وراكان يسمع فتح وتسكير الأدراج وبـ الغلط سكرت ع أصبعها ,, وصرخت بصوتها الحلو لا شعورياً : اييييي
راكان أنهبل : شفيك .؟؟
وسن تسب وتشتم وتين بداخلها مضيعه الورقه إللي فيها كل شيء : سكرت ع أصبعي
راكان فيه ضحكه : أنتبهي مرهـ ثانيه
وسن ضحكت بخفه وسكتت
وسن : عادي تنطر وإلا مشغول ؟؟
راكان : لا مو مشغول
وسن : أوكي لحظه .. وخذت تليفون غرفتها واتصلت فـ وتين وبـ أخر رنه ردت : هلا بحبي وحياتي
وسن مع إنها معصبه من وتين ومنفشله من راكان : هلا فيك .. وتين
ويتن : إسم الله علي .. شفيك ؟؟
وسن : وين حطيتي الورقه إللي كتبنا فيها الأشياء المحتاجينها بـ العمل الخيري
وتين تفكر : ما أتذكر
وسن وصلت حدها : وتين الله يعافيك مالي خلق أستعباطك قولي وين
وتين تحاول تتذكر : أذكر نزلتها بجنب التليففزيون ..
وسن تروح ع طوول لـ غرفة الجلوس إللي بجناحها والتليفون بـ إذن والموبايل بـ إذن وحصلتها : ثانكيو قلبي
وتين : ولكمو حياتي .. شنو صار نزلوا بحسابك خلاص
وسن : قلبو شوي واكلمك
وتين : أوكي باي
وسن : بيباي وقفلت ورجعت لـ راكان : سوري تأخرت عليك
راكان : لا عادي


وسن : أـنا بتصل فيهم وراح أتفاهم معاهم واطلب إللي آبيه وعطني عنوان بيتكم عشان يوصلون الطلبات له وإذا ماعليك آمر أستلمها واتركهاعندك ليما تجي وإلا يجي لنا أحد من عندكم ويجيبها معاهـ ..
راكان : لحظه .. وحدهـ وحدهـ .. مين إللي بتتصلين عليه ؟؟
وسن : إللي يوزع الكتب
راكان : كيف بتتصلين عليه ؟
وسن : اهم حاطين أرقام إذا يبي أحد يشتري واـنا خذيت الأرقام وبتصل فيهم ..
راكان وبغيرته ع بنت عمه : رياجيل وإلا حريم ؟؟
وسن أستحت لإنها بتكلم رياجيل ولا فكرت بهـ النقطه : أكيد رياجيل
راكان : ممكن طال عمرك تعطيني الأرقام وقولي لي وش أسماء الكتب إللي تبينها واـنا أتفاهم معاهم ..
وسن : إذا ع كذا بترك واحد من أخواني يكلمهم ..
راكان : مين إللي بستلم الكُتب أـنا وإلا أخوانك ؟؟
وسسن : إنت
راكان : خلاص عططيني الأرقام
وسن : أوكي برسلهم لك وبرسل أسماء الكُتب .. وعطني رقم حسابك عشان أنزل الفلوس .. راكان : خلاص .. وبـ النسبه للحساب ..أـنا بدفع من عندي وبعدين نزليها بـحسابي
وسن : لا .. وآبيك تدخل معانا بـ العمل الخيريي هذا عشان الآجر إن شاء الله ,, وشوف إذا أحد من أهلك يبي يدخل ماشي .. لإننا نبي الأجر للجميع .. لكن من غير لا يعرفون منو إللي مقترح هذا الشيء ومن غيرر لا أحد يعرف كم دفعوا ..
راكان يتبسم ع كلامها واسلوبها والفاظها إللي تدخل قلبه ع طوول : تامرين .. لكن الفلوس مثل ماقلت لك
وسن بعنادها المعتاد : راكان إذا تبي تدفع الفلوس قبل لا تنزل من حسابي ع حسابك .. اأكنسل كل شيء ..
راكان: عنيدهـ
وسن : طالعه عليك
راكان : أـنا ؟
وسن : يس
راكان : صدقت
وسن : راكان ..
راكان : آمري ,,
وسن : ما آبي أحد يعرف كم قيمة الكُتب
راكان : ماطلبتي شيء ..
وسن : أرسل رقم حسابك
راكان : ع رقم عمتي ؟؟
وسن : إيوا .. يسلمو راكان { وقالت بصيغة الجمع } تعبناك معانا ..
راكان : ولووو ,, ماسوينا شيء { قال يستهبل } نبي الأجر نفسكم .. صايرين ملتزمين وحركات ..
وسن : هههههههههههههههـآآي .. كان زين نلتزم ..
راكان : إن شاء الله أسمع إنك صرتي داعيه كبيرهـ .. وتفرين العالم كله تدعينهم للإسلام ..
وسن : وياك يارب ..
راكان : خلاص ماتبين شيء ثاني ؟؟
وسن : سلامتك ..
راكان : يسلمك .. مع السلامه
وسن : مع السلامه .. وقفلت .. أرسلت له الأرقام واسماء الكتب .. وارسل لها رقم حسابه ..

خالد واهو يمرع كل واحد من شباب عائلتهم وقال لهم وخذوا رقم الحساب ونزلوا ع طوول

خالد يكلم وسن : وسونتي
وسن وإهي تضحك : قلبها
خالد يتبسم : يسلم لي .. بقولك .. كل الشباب نزلوا بـ حسابك الفلوس
وسن : الله يجزاهم خير .. خلاص أـنا بنزلها ع حساب راكان
خالد : راكان كلمك
وسن بخجل : إيوا
خالد : أـها .. قولي كذا من زمااااااااااااااااااااااااان ..
وسن : ـــــــــ
خالد : يلا ياحلوهـ طيري
وسن تستهبل : وين أطير
خالد : لـ أي مكان تبين
وسن : وتروحين معاي
خالد : شنبي نروح
وسن : ما آبي أروح من غيركم
خالد : ولا إحنا .. خلاص أقلبي ..
وسن تضحك : تامر .. لكن ع اي صفحه
خالد : ههههههههههههههههـآآي .. اليوم فيك شيء مو طبيعي
وسن حست إنه يدق بـ الكلام : أقول خلاص إنت أقلب
خالد : تامرين
وسن : يلا
خالد : وين ؟
وسن : سلامتك .. قفل
خالد : أوكي بدك شيء
وسن : سلامتك حبيبي
خالد : يسلمك .. تشـآآوو
وسن : تشـآووووووووو .. وقفلت ..

اليوم الثاني .. وسن ووتين ووسام بعد ماطلعوا من المجمع .. واهم يركبون سيارتهم

وسام موبايله يدق .. ناظر الرقم : غريبه شيبي ؟
وسن : منو ؟؟
وسام : نايف ولد عمي
وسن : من جد غريبه { لإنو مو بـ العادهـ يتصل }
وسام : نعم
نايف أكرهـ مايشوف وسام ووسن لكن عشان الخبر إللي عندهـ إلا يتحملهم : هلا بـ ولد العم ..
وسام مستغرب : هلا فيك
نايف : شخبارك ؟؟
وسام : بخير والحمدلله
نايف : وكيفهم الأهل ؟؟
وسام : كلنا بخير .. أنتم كيفكم ؟؟
نايف : طيبين
وسام : الحمدلله
نايف : شكلك تسوق
وسام : توني طالع من المجمع راجع للبيت
نايف : أنتبه لا تسوق وإنت تكلم
وسام انصدم بـ العادهـ نايف يتمنى موتهم : ماعليك إللي كاتبه ربي بيصير سوأ أسوق وإلا ما أسوق
نايف فـ خاطرهـ عساني أسمع خبرك قريب : ياني مشتاق للشرقيه
وسام : تعال ترا المسافه قريبه
نايف : ودي لكن مثل ما أنت عارف أنشغلنا بـعد مارجعنا من عندكم بخطبة راكان
هنا وسام من جد أنصدم .. الكل يعرف إنو وسن ترفض الخطاطيب عشان راكان وإنه خاطبها قبل سنتين ومن بعد السنتين شافوا إنو راكان صار رجال بمعنى الكلمه متغير عن راكان الأول وعارفين إن هذا كله يسويه راكان عشان وسن .. وذا الحين يغدر فيها ويخطب غيرها قويه بـ حق أي بنت عاد كيف بنت سُلطان واخت خالد وحاتم .. قال إلا يساير نايفف ويعرف السالفه : هههههه .. بـ الله أخيراً نوا .. مابغى { ماحب يذكر الإسم عن وسن عشان ماتنهار عليه بـ السيارهـ } ..
نايف أنقهر يعني مايبون إلا الفكه من أخوهـ : هههه .. شفت كيف .. أخيراً صار .. وزواجه بعد شهرين
وسام : هههههههه ,, مستعجل ..
نايف ودهـ يطلع ويخنق وسام : وش بقى من عمرهـ { وبصوت يقال إنه متأثر } كنا نتمى له وحدهـ من بنات عماني وإذا مو عماني عماتي .. لكن أختار بنت خالتي الكبيرهـ ..
وسام مايدري شـ يسوي : النصيب .. ربي يوفقه
نايف : وسام لا تقول لـ عمي عشان لا يزعل ع أبوي ,, وأكيد أبوي بيقوله قريب .
وسام : لاتوصي
نايف بـ نفاق : يـ الغالي توصي شيء ؟؟
وسام : سلامتك ..
نايفف : سلام ..
وسام : سلام ..

وسن : شـ عندهـ ؟
وسام : أبد يسولف ,,
وتين بلقافتها : منو إللي ربي يوفقه ؟
وسام : واحد الله يستر عليه ..

 

منتدى 37 درجة

آخر مواضيعي

0 تعال الشتاء بلش يغازل حمام الدار sms - mms
0 اضحك بسني واختم الضحك بشهاق mms - sms
0 صور ورمزيات ممثلين يابانين + كورين - ليه تتركني في وقت انا فيه أحتاجك { تجميعي }
0 بالصور اب يعذب طفلته والسبب انها انثي وليست ذكر
0 توبيكات ملونه وصور للماسنجر - لا تعتذر المهم انك جفيت وهذا طبعك
0 دوري زين السعودي 2010-2011 الأسبوع الخامس عشر [ الهلال Vs الحزم ] [ الأهداف(ياسر)
0 صور مسن - لاشئ سوى القليل من الجنون

  رد مع اقتباس
قديم 10-31-2010, 05:57 PM   رقم المشاركة : 8
كلي حلا
مِشّشًتَاآأإقْه لِكْ ..
 
الصورة الرمزية كلي حلا
Icon26 رد: روايه معشوقي كلي معاك معاك حتى للهلاك / كاملة

بسم الله الرحمن الرحيم

الجـزء >> 5 <<


أم خالد : هلا والله ,,
عزام يبوس راس أم خالد : هلا فيك .. كيفك ؟؟
أم خالد : تمام والحمدلله ..كيف حالك ,, وكيف أهلي ؟؟
عزام : كلنا بخير والحمدلله .. وين الشباب وأبو خالد ؟؟
أم خالد : بـ الشركه .. شوي ويجون
عزام : وسن وينها ووليد ؟؟
أم خالد : وليد معبين له المسبح واهو ومربيته فيه ووسن مع وسام بـ المجمع .. شعندك زاير الخبر ؟؟
عزام : أبد .. بس أمك وأبوك قلعوني من الرياض .. وقالوا ضف وجهك وقشك للخبر فـ بيتنا ..
أم خالد فاتحه عيونها ع الآخر : ليش ؟؟
عزام : شوي شوي .. مافي شيء .. بس تعرفين أبوك بقى له بـ منصبه إللي بـ الحكومه سنتين وبعدها بيرجع هنا لـ مكانه الأصلي ..
أم خالد : غريب ,, إللي أعرفه إنهم ما راح يرضون يطلع من عندهم ..
عزام : إيه .. لكن أبوك يقول تعبت .. أربع سنين كان هنا وماسك منصب كبير .. وبعدها مسكوهـ منصب بـ اللرياض أكبر وأكبر واضطر يترك بيته ويروح هناك وفوق هذا تعب ومسؤوليه .. وآبوي يبي يرتاح ..
أم خالد مبسوطه : ياقلبي اخيراً بيرجع هنا .. وربي ما أدري كيف تحملت بعدهـ اهو وأمي ..
عزام : إنتي ع الاقل عندك زوجك أولادك وبدور وأهل زوجك .. لكن المسكينه دارين إللي شالوها ورموها هناك ولا عندها أحد تعرفه غير معارف أبوي الكبار ..
أم خالد : الله يعينها من جد .. طيب .. ليش قلعك ع قولتك واهو لسا باقي له سنتين .؟؟
عزام : جينا لللموهيم .. أسمعي .. إنتي عارفه إنو ماصار لي شهرين راجع من الخارج ومنتهي من الدراسه .. فـ أبوك بذكائه قالي روح توظف هناك لإننا بنرجع وماراح نترك بـ الرياض لـ وحدك .. وأخوك المطيع سمع كلامم أبوهـ وجا شايل قشه تقولين مطلقه راجعه لـ بيت أبوها ..
أم خالد : هههههههههههههههههههههههههههههــآآي .. حتى وإنت جاي من الخارج ماتركت استهبالاتك ..
عزام : وأـنا صادق .. لو تشوفين شكلي واـنا أقولهم نزلوا أغراضي .. ودخلوها بجناحي .. ولما دخلت البيت فاضي تذكرت أمي وابوي واخنقتني العبرهـ
أم خالد : هههههههههههههههههههههههـآآي .. والله إنك عبيط .. أبوي مو عندهـ تجارته يبيع ويشتري بهـ العماير والأراضي إللي ماليه السعوديه وبرا .. أمسك شغل أبوي وريحه فعلاً
عزام : فكرت وقلت للوالد .. وقالي توظف وأمسك شغلي ..
أم خالد : الله يحفظكم لنا ..
عزام : آمين .. طيب بسألك عن شيء قالته لي الوالدهـ
أم خالد : اسأل ..
عزام : آمممم .. أمي قالت وراك ماتتزوج شـ إللي يمنعك ؟؟ قلت الحمدلله مايمنعني شيء .. قالت .. إنها حاطه وحدهـ فـ بالها .. وإسأل جوهرهـ عنها
أم خالد : مين ؟؟
عزام : تقول بنت أخت سُلطان { ريم بنت فهد } شـ تقولين عنها ؟؟
أم خالد : ونعم الأختيار .. البنت أخلاق جمال والحمدلله هذا المطلوب ..
عزام : يعني أتوكل ع الله ..
أم خالد : الله يوفقك ويكتبها من نصيبك ..
عزام : آمين .. بس ما آبي أحد يعرف ليما يصير كل شيء رسمي ..
أم خالد : ماطلبت شيء ..

{ 'عزام' يصير أخو جوهرهـ الثاني واصغر أخو لها .. عمرهـ 28 سنه لسا راجع من الخارج بـ شهادة الدكتوراهـ تخصص .. طبعاً جوهرهـ عندها 2 أخوان و2 خوات وإهي ثالث الخوات .. اخوها الكبير اسمه 'طلال' عمرهـ 40 سنه متزوج وعندهـ أولاد وبنات وساكن بـ الشرقيه دكتورماسك إدارة مستشفى كبير .. واختها 'بدور' عمرها 37 سنه موظفه بـ التوجيه 'كيمياء' ومتزوجه عندها بنتين وولدين .. مشعل 20 سنه , ومشاعل 19 سنه , ومشاري 10سنوات , وميس 4 سنوات .. وأختها الثالثه 'دارين' عمرها 23 سنه ومابعد تزوجت } ..


فـ بيت أم راشد ..
أم راشد تخانق روزان وراشد إللي من جلسوا واهم خنايق فـ خنايق ..
أم راشد : ولا كلمه إنت وياها
راشد : ياسلام هي إللي مخبيه جوالي ..
روازان : كذاب
أم راشد عصبت : أخوك لا تكلمينه كذا
روزان : يستاهل يكذب علي
راشد : والله ماكذبت .. يناظر أمه يُمه تعرفيني ما أكذب .. وقسم إهي إللي ماخذته أـنا شايفها
أم راشد تناظر بنتها : صحيح ماخذته ؟؟
روزان : ـــــــــ
أم راشد عصبت : تكلمي
روزان تطلعه من جيبها وترميه ع الرخام : خذ
الجوال صار قطع قطع من قو الرميه
أم راشد هنا عصبت وبقوهـ مهما كان ولدها الوحيد ولا ترضى عليه وتعرفه مستحيل يغلط والقلط يجي من روزان : أنقلعي فووووووووووووووووق
روزان طلعت فوق معصبه
راشد يناظر جواله .. قالت أمه بحنيه : ماعليه ياقلبي أجيب لك واحد ثاني .. ليش إهي أخذته ..
راشد وكأنه رجال من جد : لا عاديي .. عشاني خذيت منها سي دي أغاني تحبه وربي ما اخذته إلا بعد ما استئذنت منها ونسيته بـ جدهـ قبل لا نجي هنا .. وقالت إلا تجيب لي واحد ثاني .. ولا رحت مع السايق عشان أجيب لها واحد نفسه .. وقالت بتاخذ جوالي وماتوقعت تاخذ جوالي من جد
أم راشد مقهورهـ من تصرفات بنتها : ماعليه يُمه .. لا تزعل
راشد : مو زعلان ..
رقت أم راشد الدرج وحصلت ريم ورينادر وخلود وديما يتابعون التليفزيون : أهلين حلوين
بناتها بـ إبتسامه : أهليـن بـ الغلا { أم راشد معروف إنها حنونه مرهـ }
أم راشد : وين روزان ؟؟
ريم : دخلت غرفتها
خلود سامعه صراخهم : لو عندي مثل بنت مثل تخلف روزان كان قتلتها من زمان
أم راشد : أعوذ بـ الله
ريم تدقها بـ الكلام : لكن إذا كانت هـ المتخلفه من الحبايب مستحيل تسوين هـ الشيء
كلهم ماعدا خلود : ههههههههههههههههههههههههـآآي
ريناد : ياي ع إللي يستحون
خلود : قاعدهـ أطالع التليفزيون أتوقع
ديما : صدقنا .. العيون بـ التليفزيون والتفكير فـ بيت خالتي أم سعود
أم راشد : ههههههههههههـآآي .. ياحلوهـ حمد صاير رجال قول وفعل
خلود وجهها الوان ..
ريم : أكيد .. لو مو رجال كان ماتنازلت خلود بـ فتح القلب له
ريناد : هههههههههههههههههههههههـآآي حلوهـ
خلود : إن شاء الله أشوف فـ كل وحدهـ يوم ..
أم راشد ترفع إيدينها : يارب
ديما : لا الغاليه تبي الفكه مننا
ريناد : أكيد عشان يفضى لها الجو وتغمز
أم راشد : هههههههههههههههههـآآي .. أقوم أشوف أختكم المعصبه أفضلي
ريم توصي أمها : خذي نفس وعدي للعشرهـ قبل لا تردين ع أي كلام منها
أم راشد : توصين الماسه إللي تعاملت معكم
خلود : ونعم التعامل إللي طلعني كذا
ريناد : من جد
أم راشد تستهبل : يلا أدعوا لي
البنات : موفقه .. ومشت وإهي تضحك ..

{ حمد يصير متكلم لـ أمه إنو يبي خلود وامه مخبرهـ خلود وأمها وباقي العائله عارفين لكن لسا ماتقدم رسمي عشان أخوهـ سعود لسا ماخطب } ..

عند وسام ووسن ووتين بـ سيارة وسام الكزس أخر موديل لونها الأسود ومن جوا ذهبي ..

وسام بينه وبين نفسه قبل لا يدخلون قصرهم الكبير .. لازم أقولها مهما كان إلا تعرف : ههههههه . . مادريتوا عن راكان الأهبل ؟؟
وسن أنتبهت له وناظرته .. وتين : لا شـ مسوي ؟؟
وسام يتصنع الضحك عشان مايبين لـ أخته إنه بيعرف إنها بتنصدم : ههههههههههههههه .. خطب بنت خالته وعرسه بعد شهرين .. مستعجل الرجال . . ههههههه ..
من جد صدمه لـ وتين والأكبر لـ وسن .. وتيـن : تتكلم من جدك ؟؟
وسام : من جد .. ليش ينقصه شيء لا يتزوج ؟؟
وتين من القهر صحيح ماتبيه يبعد وسن عنها لكن تعرف إنهم يحبون بعض وكيف يغدر فـ وسن إللي ترفض إللي يتقدمون لها عشانه : كيفه .. اهو الخســرااااان ..
وتناظر وسن إللي واضح عليها تفكر بـ إللي انقال من شوي .. شكلها ماستوعبت لسا ..
وسام يناظر سيارة خاله عزام : وااااااو .. عزام عندنا ..
وسن تكلمت بـ آلم تحاول تخفيه : الله يوفقه ..
وسام أنهبل ليتها ساكته ولا تكلمت ناظرها حصلها تناظر قبالها ولا هي حاسه فيه .. ونزلوا .. وسبقهم وسام واهو حاس بـ شعور اخته .. كيف مايحس واهو توأمها ويشعر بكل إللي تمر فيه سوا كانت مبسوطه وإلا تعيسه ..

وتين وإهي تمسكها قبل لا تنزل من كتفها وبعقلانيه : لا يهمك .. وإللي باعك بيعيه ..
وسن حركت راسه موافقه ع كلام وتين .. لكن وين القلب يوافق ع هـ الكلام .. حتى العقل مادخل له ولا أقتنع فيه .. تحبين من كنتي صغيرهـ ,, وتعيشين 4 سنوات من عمرك ع أمل إنو بينكم كلام واتفاق إنو اهو لك وإنتي له وترفضين الكل عشانه .. والأكبر من هذا تتحملين الإهانات إللي تجيك من أهله وكل هذا عشانه ! بـ العادهـ ما أحد يقدر يتكلم عليها بكلمه ولكن أهله قدروا يتكلمون ويسبون ويقولون اشياء ماهي فيها .. وتتجاهل كل الإهانات عشانه اهو .. ويطلع بـ الأخير غدار خاين كذاب .. تعشقه ويمثل عليها الحب .. ليش شـ ناقصها لما يضحك عليها ؟؟ بنت سُلطان وحفيدة الـ(ــــ) .. نزلوا ودخلت وسن من باب المطبخ ودخلت معاها وسن ورقت وتين فوق ووسن راحت تسلم ع خالها ..

عزام واهو يشوف وسن جايه تمشي : هلا ووغلااااااااااااا وأـنا أقول شنو هـ النور إللي طالع من هنا ..
وسن من بعد كلامه حست إنو في أحد يحبها من جد : هههه .. هلوووين وغلوووين وأـنا أقول شنو هـ النور إللي ساطع ع الشرقيه كلها .. وتسلم عليه
عزام : هههههههههه .. ياحبي لك إنتي وكلامك .. كيفك ؟؟
وسن : وياحبني لك أكثر .. أزقح .. شو أخبارك إنتا ؟
عزام : تمام التمام والحمدلله ..
وسن : دوم يارب .. وكيف جدو وجدتو ودارينوهـ القاطعه وربي لها وحشه الدوبا ؟؟
عزام : هههههه .. كلهم بخير ونعمه ويسلمون عليكم .. بـ النسبه ليش قاطعه إسأليها .. وارفعي ضغطها .. ترا أـنا رافعه لها قبل لا اجي .. أقول إنها صايرهـ دوووبا .. والمسكينه مصدقه ..
وسن : هههههههههههههههههههـآآي ..
وسام : تلاقيها بغت تنتحر ..
عزام : ليته ع كذا .. وربي صابها وسوسه .. ماتاكل إلا خفيف وكل شوي والثاني تناظر بـ المنظرهـ وتوزن نفسها ..
أم خالد : ههههههههههههههههههههههـآآي .. عاد إهي ع طوول يصدق
عزام : وربي أخر شيء حسيت بتأنيب الظمير ..
وسن ووسام وأم خالد : ههههههههههههههههههههههـآآي
وسام : أجل آبي أتصل فيها وبستهبل
عزام : عاد لا تقول إني مخبرك .. قول أحس من صوتك وطريقة تنفسك
وسن وام خالد ووسام : هههههههههههههههههههههههههههههـآآي ..
وسام : والله لـ أهبل فيها ..
وسن : أجل أـنا بكلمها وبقول عن مخططاتكم
وسام : عاد لاتصيرين نحيسه
وسن : كم تعطيني ؟؟
عزام : بل عليها بنت سُلطان صارت مصريه
أم خالد : ههههههههههههههههـآآي .. شفت كيف ما أدري ع منو طالعه
وسن حطت إيدها ع خصرها : لا والله ..
وسام رآف بـ صدمتها إللي جت لها من راكان وبحنيه : ماعليك منهم ياقلبي ..
وسن لمست الحنيه بـ جملته ناظرته بعيون فيها من الهم والحزن وإحساس بـ الخيانه والغدر وقالت : الله لا يحرمني منكم .. إنتم أحلى شيء بـ حياتي .. وقامت عشان ماتجيب االمصيبه إللي مخبيتها تحت ضحكها عندهم : يلا أستئذن .. وتين فوق وبروح لها ..
وسام حاس بعذاب أخته ويسب ولد عمه البنت جالسه تنتظرهـ من خطبته الأولى واهو عايش حايته ولا عليه ..
عزام يستهبل : هذا وجهي إذا جيت لك مرهـ ثانيه .. يـ إللي ماتستحين
وسن ناظرته تضحك : ولا يهمك اـنا أجيك
عزام : منو قال إني بـ أتركهم يسمحون لك تدخلين حتى الحديقه
وسن : أـفأ يـ الخال
عزام يكلمل إستهبال : يالليل .. خلاص بـ اسمح لك تدخلين .. أعرف ماتقدرين تستغنين عني .. شـ ذنبي إذا ربي خالقني مزيون ..
وسسن : ههههههههههههههههههههـآآي .. طالع علي ربي يحفظك
عزام : أقول فارقي لـ صاحبتك إللي ساحبه عليها فووق
وسن رقت الدرج تضحك ع خفة دم خالها ..


بـ الرياض بـ الإستراحه حقت أولاد أبو راكان ..

زياد معصب : ياخي منتب صاحي أكيد
راكان بكل برود : بـ العكس أكلمك وأـنا صاحي ونص
زياد : هذي سواهـ بتسويها ؟؟
راكان : إيه شـ علي منهم ..
زياد : ع الأقل عطهم خبر مو تسوي هذا من ورا ظهرهم .. والله وقتها ماراح يرضون عليك
راكان : تعرفني .. شيء براسي مسويه مسويه ولا أحد يقدر يمنعني .. أجل أنتظرهم ليما يرضون .. صاحي أنت
زياد : بـ التحايل يرضون
راكان : إيه صح .. كأنك ماتعرفهم
زياد : راكان إللي بتسويه ماهو سهل حاول تفكر من جديد ..
راكان : يصير خير
زياد عارف أخوهـ لا دخل شيء براسه خلاص ما أحد يقدر يمنعه يسويه مهما كان الشخص هذا ..

فـ بيت أبو تركي ...

" يُمه الله يعافيك بروح لـ وسن عندها وتين "
أم تركي : خليها بكرهـ
هنادي : يُمه !!
تركي لسا جاي من الشركه : السلام عليكم
أم تركي وهديل وهنادي : وعليكم السلام
أم تركي :: وين أبوك واخوك ؟؟
تركي : طلعنا أـنا والشباب سوأ وبدر جلس يسولف شوي وجيت اـنا .. والوالد مثل ماتعرفين شوي وجاي ..
هنادي : يُمه شقلتي
أم تركي : أبوك بيجي ذا الحين وبنحط العشاء خليها بعد العشاء
تركي : خير وين العزم إن شاء الله ؟
هنادي : بروح لـ بيت خالي سُلطان عند وسن ووتين
تركي مو عاجبه الوضع : ما شاء الله الآنسه الهايته موجودهـ هناك { قصدهـ ووتين }
هديل وأم تركي : هههههههههه ,,
هديل : ليش مسميها كذا ؟؟
تركي واهو يرفع حاجب : صادق هذي ماتجلس فـ بيتهم .. حلو إذا تعرف وشـ يصير عند أهلها .. ع طوول عند وسن .. المفروض تستحي ع وجهها البيت فيه عيال وبيحسون بخصوصيتهم وإهي لازقه لهم .. والله لو إني أخوها كان عرفت أتعامل معاها ..
هنادي بهبالها المتعودين عليه : زين إنك مو أخوها
تركي بعصبيه مكبوته : خير .. شـ قلتي طال عمرك
هنادي تناظرهـ بخوف لإنه يخوف إذا عصب : أقول يابختي أخوي كذا
أم تركي وهديل : ههههههههههههههههههههههههـآآي
تركي بطبعه : عيديها مرهـ ثانيه وشوفي شبيصير لك

قامت هنادي زعلانه وناظرها تركي وإهي تمشي مهما كان اخته ويحبها لكن لسانها طويل ويبي له مسك شوي لإنها ما راح تقدر تعيش إذا ماتعدل وضعها ..

أم تركي بحنانها : يُمه ليش عليها ؟؟
تركي : شسوي الله يخليك لي .. ما أحب البنت إللي كذا .. لازم تفهم ,, كل شيء وله حد .. بكرهـ زوجها مو متحمل طولة لسانها ورجلها إللي ع طول برا البيت ..
هديل بطبعها الهادي : كذا بتتعب .. لإنو البنات كلهم نفس وتين وهنادي
تركي : شـ علي ببنات الناس .. أـنا أهم ماعلي بنات عائلتي واختي .. وهنادي أـنا عندها ليما تتعلم شـ إللي يتحمله الواحد وشـ إللي مايتحمله .. ووتين دبرتها عندي ..
أم تركي وإهي تتبسم لـ ولدها إللي طبعه صعب لكن صادق بكل إللي يقوله هذا إللي تحتاجه البنت ..

{ تركي شخصيته قويه وقليل كلام ولا يحب البنت إللي لسانها طويل وتضحك ع طوول 'عندهـ البنت إلا تكون ثقيله' ولا يطيق إللي ع طوول طالعه مشاوير .. سوأ زيارهـ وإلا تسوق .. وكل هـ الأشياء إللي يكرهها مجتمعه فـ ويتن ويتمنى يكون أخو وتين عشان يعرف يتعامل معاها عدل .. ويحمد ربه إنو أخو هنادي وإلا كان هنادي ذا الحين نفس وتين .. عشان كذا موقف هنادي عند حدها }

عند وسن لما رقت الدور الثاني إلا هذا موبايلها يتصل طلعته من الشنطه وناظرت الإسم وابتسمت ..
وسن وإهي تتبسم : آلوووو ,,
ميار بفرح : حبيبتي كيفك ؟؟!!
وسن عارفه إنو صاحبتها عندها شيء : تمام ياحياتي .. إني شو عامله ؟؟
ميار : بخير .. أقول .. { وبصوت كله توتر } حددوا زواجي
وسن : حيااااااااااااااااااااتي .. مبروووووووووووك .. متى ؟؟
ميار: مستانسه إنتي ووجهك واـنا الخوف حايسني ..
وسن : عادي ياقلبي .. شيء طبيعي الخوف .. فترهـ وتعدي ..
ميار: يرحم والدينك .. وين فترهـ ..
وسن : أـفأ .. هذا وإنتي معروف إنك قويه ..
ميار: قويه بكل شيء إلا هـ الشيء ..
وسن : لا حوول توكلي ع ربي وجهزي ولا تهتمين
ميار: نسيتي إنو منزل الفلوس بـ حسابي من شهرين ومجهزهـ وخالصه واليوم العصر حددوا موعد الزواج بعد أسبوعين ..
وسن : ربي يوفقك .. هذا اهم شيء
ميار: آمين .. وعقبالك إن شاء الله ..
وسن بـ آلم : يجيب الله مطر
ميار : أـفأ بس
وسن : لا اـفأ ولا شيء .. يعني أـنا ما وراي إلا الزواج .. طيري لـ ولد عمك المتيم فيك وأـنا بقفل وتين عندي وتأخرت عليها ..
ميار : وتين عندك ياقلبي سلمي عليها ..
وسن : يوصل .. أنتبهي لـ نفسك ولا تفكرين بـ شيء ولا تخافين عادي .. إللي ربي كاتبه بيصير ..
ميار : الله يحفظك .. يلا باي ..
وسن : بيباي .. ودخلت جناحها حصلت وتين جالسه ع السرير وتحوس بـ موبايلها ..
وسن : هاي .. سوري تأخرت عليك
وتين تناظرها بتمعن : هايات .. لا عادي ..
وسن تحاول تشغل وتين بـ أي موضوع عشان ماتفتح موضوع راكان : لسا مقفله ميار من عندي .. وتسلم عليك ..
وتين : ربي يسلمها .. هـ البنت رهيبه
وسن : وبقوهـ .. ربي يوفقها .. زواجها بعد أسبوعين
وتين نطت من الوناسه : ههههههههههههههههههـآآي .. ياحليلها مابغت ..
وسن : لا ,, تكلمني والخوف لا عب فيها ..
وتين : الله يعينها .. طيب .. الهبلا هنادي ماراح تجي ..
وسن : ليش ؟؟
وتين : كـ العادهـ أخوها المعقد رافض ما أدري ع إيش شايف نفسه
وسن : ههههههههههـآآي .. حرام عليك وربي إنه رجال وقلبه طيب .. أـنا إللي ما أدري ليش تكرهينه ؟
وتين : أـنا إللي ما ادري ليش إنتي هاضمته ؟؟ {قالت بقهر} ومطلع لـي لقب الاخ ..
وسن ضحكت ع شكل بنت عمتها وصديقتها
وتين : آبي أعرف ليش تضحكين ؟؟
وسن ترفع أكتافها : ما أدري ..
وتين : وربي عليك برود مو ع أحد
وسن فمهت عليها : وليش أقهر حالي ع الفاضي .. تأكدي كل شيء مكتوب لي بـ أخذهـ سوأ كان عاجبني وإلا مو عاجبني رضيت فيه وإلا مارضيت ..
وتين تناظرها بقوهـ : تكابرين صح ؟؟
وسن : نووووووو ,,
وتين أنقهرت من جد لإنها تعرف وسن تعشق رااكان ولما يجي خبر إنو أختار وحدهـ غيرها ماتفاعلت مع الموضوع ولا كأنو شيء صاير : وسينوهـ
وسن تضحك : آمري وتينوهـ
وتين طفشت منها وبدون مقدمات حضنت وسن .. وسن ما أستغربت هـ الشيء لإنها متعودهـ ع وتين وهذي ع طوول حركتها .. ومتأكدهـ إنو موضوع خطبة راكان مأثرهـ ع وتين .. وسن بعقلانيه : ذا الحين أـنا إللي أحبه ليش إنتي متأثرهـ واـنا شفت الموضوع عادي
وتين: لإني عارفه إنو مو عادي عندك .. بس تكابرين
وسن : امكن مابعد أستوعبت الموضوع .. { قالت تستهبل } أحلى شيء فيني ما أستوعب الصدمات إللي تحطمني إلا بعد فترهـ من حدوثها ..
وتين : هههههههههـآآي .. رايقه تستهبلين ..
وسن : وليش أغث حالي .. { قالت بتغير مزاج وتين لإنه تعرف إذا تكلمت وتين زيادهـ ع كذا ماراح تقدر تتحمل وسن أكثر من كذا } ماعلينا .. قولي تركي شنو اللقب إللي مطلعه عليك ؟
وتين انقلب مزاجها : قطيعه .. إتخيلي .. يقول عني الهايته
وسن هنا خلاص : هههههههههههههههههههههههههههههههههههههـآآي .. يقطع بليسه تركي
وتين : إيوا .. أضحكي شـ عليك مو إنتي إللي مطلع عليها اللقب
وسن : ياحياتي أـنا وإنتي واحد .. وإلا نسيتي إننا خوات
وتين : هههههههههههـآآي .. هبلا ع طوول أـنسى ,,
وسن فتحت لاب توبها تضبط لها صور بـ الفوتوشوب ووتين جالسه تفتح بـ موبايل وسن وتدز مقاطع صوت لها ..
وتين : وسن غني ,,
وسن : وإللي تسمعينه مو عاجبك { تقصد اللاب مشغله فيه أغنيه }
وتين : إلا بس آبي صوتك ..
وسن : حبي أعذريني مالي مزاج ..
وتين : طيب بـ أغير النغمات المخصصه لـ إللي عندك بـ الموبايل
وسن : ماشي .. لكن اخواني وأبوي وأمي لا تغيرينهم ...
وتين : لا توصين .. وكل وحدهـ أنشغلت بـ إللي معاها .. وبعدهـ بربع ساعه طلعت وتين من عند وسن لـ بيتهم ولا تعشت عند وسن .. ووسن دخلت تاخذ لها شاور قبل لا يحطون العشاء ..

 

منتدى 37 درجة

آخر مواضيعي

0 تعال الشتاء بلش يغازل حمام الدار sms - mms
0 اضحك بسني واختم الضحك بشهاق mms - sms
0 صور ورمزيات ممثلين يابانين + كورين - ليه تتركني في وقت انا فيه أحتاجك { تجميعي }
0 بالصور اب يعذب طفلته والسبب انها انثي وليست ذكر
0 توبيكات ملونه وصور للماسنجر - لا تعتذر المهم انك جفيت وهذا طبعك
0 دوري زين السعودي 2010-2011 الأسبوع الخامس عشر [ الهلال Vs الحزم ] [ الأهداف(ياسر)
0 صور مسن - لاشئ سوى القليل من الجنون

  رد مع اقتباس
قديم 10-31-2010, 05:58 PM   رقم المشاركة : 9
كلي حلا
مِشّشًتَاآأإقْه لِكْ ..
 
الصورة الرمزية كلي حلا
Icon26 رد: روايه معشوقي كلي معاك معاك حتى للهلاك / كاملة

بسم الله الرحمن الرحيم

" شـ عندها الأخلاق زفت ؟؟ "
وتين تناظر أخوها ياسر : سلامتك ..
أم سعود : من جد شـ فيك ؟؟
وتين : ياقلبي ولا شيء .. { قالت تصرف } تعرفين فريت المجمع وراسي مصدع شوي ..
حمد : ماينلام راسك إذا صدع .. نامي وخلاص ..
وتين : هذا إللي بيصير .. متى العشاء ؟
أم سعود : هذا اهم يحضرونه ..
أمل جت لهم : يلا العشاء جاهز ..
وتين : أبوي وين ؟؟
سعود : كبار العائله معزومين ع عشاء ..
وتين : أـها .. وراحوا يتعشون ..


" هلا حُبي "
أم خالد : ماما وينك .. ليش ماتردين ؟؟
وسن : سوري يُمه كنت أخذ شاور ..
أم خالد : أوكي .. تعالي حطينا العشاء ..
وسن : أخواني وأبوي موجودين ؟؟
أم خالد : أخوانك وخالك غزام .. وابوك معزوم ع عشاء ..
وسن : أوكي بنزل ذا الحين .. باي وقفلوا ..
نزلت وسن : السلامموووووووو عليكممم ..
كلهم : وعليكم السلام
وسام : كيفك ؟؟
وسن ناظرته مو فاهمه شيء : مثل مانت شايف
حاتم : شفيها ؟؟
وسام : بس كذا .. حرام أسأل عن توأمي .
عزام : ترا أزعجتنا بـ توأمك هذا ..
وسن بثقه : يحصلك هـ التوأم
عزام : من حلاتكم عاد
وسن : أدري مو من قلبك .. ولا تحاول ترقع السالفه
خالد : ههههههههههـآآي .. والله يـ الثقه
عزام : أـنا أدري .. ع إيش واثقه
وسن : ببساطه .. وسن بنت سُلطان وجوهرهـ واخت هـ الحلوين وتأشر ع أخوانها
عزام : يـ النذله .. أـنا خالك
وسن : قلت لك يحصل لك هـ التوأم ؟ .. وشفت حالك
عزام : مردودهـ يامغرورهـ
وسن : تُكفى ,, ترا أكرهـ هـ الكلمه
عزام يرفع حاجب : غريب بـ العادهـ البنات يموتون ع ما أحد يقول لهم مغرورهـ
وسن : هذيل البنات مو وسن
عزام ناوي يطفرها : ليش شـ فرقك عنهم ..؟؟
وسن : سلامت عمرك .. متى ماعرفت وسن عدل تعرف شـ الفرق عن إللي تكلمت عنهم ..
عزام : وتقول مو مغرورهـ
وسن : إيوا .. مو مغرورهـ ..
أم خالد : تراها واثقه بنفسها بـ زيادهـ يعني لا تحاول ..
عزام : هذذي وسوسه مو ثقه
وسن : كيفك .. أـنا مو مسؤوله أوضح للناس شنو أـنا وشنو طبعي وإذا صادقين فـ كلامهم وإلا لا .. خذ راحتك .. كل واحد وله وجهة نظر ..
خالد وحاتم ووسام : هههههههههههههههههههههـآآي ..
وسام : لقط لقط
عزام : أقول أسكت إنت .. { يكلم وسن بـ عتب } أـنا صرت ناس ؟؟
وسن تناظرهـ : سوري .. لكن هذا ردي .. ولك حق تزعل ولك حق نتأسف لك .. وتقوم تبوس خالها ع خدهـ .. سوري مرهـ ثانيه ..
عزام : وربي مو صاحيه
أم خالد : تاكلك بـ لسانها ..
عزام : تجرح وتداوي الجرح ع طوول .. ولا كأنو شيء صار ..
وسن : إن شاء الله بعمري ما أجرح إنسان
عزام : إذا الناس بتجرح وتداوي ع طول و كذا وقتها ياحلاتها الجروح ..
كلهم : ههههههههههههههههههههههههههههـآآي ..
وسن : لا يغرك تعاملي .. في كثير يختلف عني ..
وسام : صح يجرح ويترك الجرح وليته ع كذا ..
وسن : عادي .. كل واحد وطريقته ..
أم خالد وجوالها يدق وترد .. هلا .. إيوا عندي .. لحظه .. وتعطي الموبايل وسن
وسن : آلوو
وتين : وينك عن الموبايل .. ؟؟
وسن : الموبايل بغرفتي واـنا نازله أتعشى
وتين : طيب .. كيفك .. وكيف أوضاعك
وسن : عال العال والحمدلله
وتين : وسن بـ الله عليك ..؟؟
وسن : شفيك .. وربي منيحه
وتين : والنفسيه ؟؟
وسن : تعرفين كان مارديت عليك ..
وتين : أوكي عوافي .. ويلا بيننا آلو بكرهـ إن شاء الله .. تصبحين ع خير بنـام ..
وسن : يعافيك .. إن شاء الله .. نوم العوافي إن شاء الله .. وقفلت ..
وسام : تستئذنك إذا جت تنام ؟؟
وسن تستهبل عليه : إيوا .. ليش حرام ؟؟
حاتم : من جدك ؟؟
وسن : صدقت إنت بعد ..
وسام : أجل شعندها وإهي ماصار لها وقت طالعه من عندك ؟؟
وسن : تسألني عن شغله ..
عزام : ياحليلها كأنها أختك
أم خالد : بـ الأمانه كل بنات عماتهم عسل ..
حاتم : الله لا يفرق ..
كلهم : آميـن ..

عند أبو خالد بـ العشاء إللي معزومين عليه كان يكلم تليفون ..
" حياك الله فـ اي وقت "
أبو الوافي : الله يبقيك أـنا بجيك فـ مكان مافي شغل ..
أبو خالد : الموضوع مايصلح بـ الشركه ؟؟{ ابو خالد مايطلع من الشركه الظهر إلا بعد الساعه 2 وهذا مو وقت زيارات ويرجع للشركه الساعه 4 ومايطلع منها إلا بعد الساعه 8 }
أبو الوافي : لا مايصلح ..
أبو خالد : اجل الله يحييك فـ بيتي ..
أبو الوافي : متى تصير موجود بكرهـ فـ البيت و فاضي ؟؟
أبو خالد قرر يطلع المغرب من الشركه : حياك الله بعد المغرب ..
أبو الوافي : الله يحيك .. تامرني بشيء ..
أبو خالد : سلامتك ..
أبو الوافي : فمان الله
أبو خالد : فمان الله وقفلوا ..


فـ بيت أبو فارس .. جالسين أم فارس وفيصل بغرفة أمه .. صحيح أبو فارس ماخذ ثنتين وكل وحدهـ فـ بيت والبيتين هذي مشبوكه فـ بعض وكل بيت له مدخل ومخرج للبيت الثاني ومدخل ومخرج للحوش .. ومعودهم أبو فارس إنهم يجتمعون كلهم ع الأكل ووقت النوم كل وحدهـ فـ بيتها ..

أم فارس : شقلت يُمه ؟؟
فيصل : الشور شورك وشور الوالد
أم فارس : أـنا كلمت أبوك وقال والنعم فيها وفـ منسبهم .. اخذي راي فيصل ويصير خير بعد زواج فارس ..
فيصل : كم عمرها ؟؟
أم فارس:: كبر هنادي بنت عمتك وعمرها 19 سنه وتدرس أول سنه جامعه .. والبنت ما شاء الله عليها جمال واخلاق ,, ولا تنسى أبوها وامها ما شاء الله عليهم .. أـنا من شفتها وأـنا أقول هذي مخلوقه لـ فيصل ..
فيصل : إنتي من زمان وإنتي تمدحين فيها عندي وارتحت لها من كلامك .. وأـنا أعرف أخوها .. ودام إنها تصير لـ خالتي جوهرهـ والله والنعم ..
أم فارس مبسوطه : يعني أبشر أبوك ..
فيصل يتبسم لـ فرحة أمه له
أم فارس : الله يوفقك وييسر أمرك ..
فيصل يقوم يبوس راس أمه : تكفيني هـ الدعوهـ يـ الغاليه ..
فارس جالس بـ الصاله يتابع التليفزيون : شعندهـ طالع والوجه يضحك ؟؟
فيصل : لو أقول لك ما راح تصدق
فارس تحمس : قول وأصدق
فيصل واهو فرحان : بخطب ..
فارس يقوم يسلم ع أخوهـ ويضحك : ألف مبروك .. مابغوا يفكرون فيك
فيصل : الحمدلله ..
فارس : من بنات عماتي وإلا عماني ؟؟
فيصل : لا ..
فارس أستغرب : أجل مين ؟؟
فيصل : تعرف خالتي جوهرهـ مو عندها أخت متزوجه وعندها اعيال وبنات ..
فارس : لا تقول أخت مشعل ؟؟
فيصل : إلا اهي ..
فارس : والله ونعم .. وإن شاء الله ربي يكتبها من نصيبك
فيصل : إن شاء الله ..
فارس : شكلك متولع .. لا يكون شايفها بس ؟؟
فيصل : من فترهـ طويله وأمي تمدحها لي .. والصراحه مدح أمي لها دخل قلبي وارتحت لها .. وأكتشفت إنو هذي البنت إللي آبيها
فارس : متى بتخطب ؟؟
فيصل : أبوي يقول بعد زواجك .. واـنا بقولهم يستعجلون ..
فارس : الله يسهل ..
فيصل : آمين ..

بـ جناح وسن جالسه ع السرير ومشغله أغنية 'قله' لـ عبدالمجيد عبدالله .. ومغطيه رجولها بـ الغطا وحاطه راسها ع ركبها ..
حاتم واهو يدخل يشوف جناح وسن مفتوح .. ناظر غرفة نومها فيها نور خفيف وطالع صوت الأغنيه لـ غرفة جلوسها ..
بكل حنيه 'شفيك'؟؟
وسن ماتبي ترفع راسها عشان مايلاحظ إللي فيها : سلامتك
حاتم سمع صوتها متغير وبـ نفس صوته الحنون من شوي واهو يحط إيدهـ ع راسها : قلبي شـ إللي مضايقك ؟؟
وسن : ولا شيء ..
حاتم : طيب أرفعي راسك ..
وسن أبتلشت .. حاتم : ناظريني
وسن ترفع راسها مو لـجهة للجهه إللي اهو مو فيها ..
حاتم : شفتي .. فيك شيء
وسن تدور عذر : شيء مايستاهل ..
حاتم : طيب ممكن أعرفه ..
وسن مسحت دموعها بـ إيدها وناظرته : بس صاحبتي بتتزوج ..
حاتم : طيب أدعي لها بـ التوفيق
وسن : هذا شيء أكيد
حاتم : طيب وين المشكله ؟؟
وسن : إحتمال تنقل مع زوجها ,, وما راح تكون علاقتنا نفس اول .. { كملت وإهي تغصب نفسها ماتنزل دموعها وبـ داخلها غصه } بتتغير بعد الزواج
حاتم : تأكدي .. مافي أحد يبقى ع حاله
وسن بعيون مدمعه : يعني إنتم بعدين لما تتزوجون بتتغيرون علي ..
حاتم : لا ياقلبي إحنا اخوانك ونحبك وبـ إذن الله مانتغير ..
وسن نزلت دموعها .. من فين تحصلها .. من زواج صاحبتها إللي ما راح تبقى علاقتهم نفس أول .. وإلا راكان وغدرهـ لها ..
حاتم : وبعدين مع هـ الدموع ..
وسن : ـــــــــــ
حاتم واهو يمسح ع شعرها : خلاص ياقلبي .. صاحبتك إذا من جد علاقتكم فـ بعض قويه وإهي من النوع إللي مايأثر عليه أي تغير يطرأ بـ حياته صدقيني وقتها ما راح تتغير ..
وسن : من أـيام الروضه سوأ
حاتم : إن شاء الله ما راح تتغير
وسن تحرك راسها مأيدهـ كلامه ..
حاتم : يلا .. طفي هـ الحزن إللي مالي الغرفه وتعوذي من الشيطان ونامي ..
وسن : إن شاء الله .. بغيت شيء لما جيت ؟؟
حاتم : سلامتك .. بس شفت الجناح مفتوح وقلت بتطمن عليك ..
وسن : الله لا يحرمني منكم ,,
حاتم : ولا منك ياقلبي .. يلا مثل ماقلت لك ,, وتصبحين ع خير واهو يقوم ويطلع من عندها ..

يـوم الأثنين الظهر حزت الغدأ فـ بيت أبو خالد ..

أبو خالد : اليوم المغرب بطلع من الشركه وآبي واحد منكم يصير معاي ..
خالد : عسا ماشر
أبو خالد :ماشر .. بس بيزورني واحد هنا بـ البيت
خالد : السموحه منك .. بعد المغرب عندي موعد بـ العقار ..
حاتم : خلاص أـنا أصير معاك ..
أبو خالد : الله يبارك لي فيكم ..
أم خالد : مين إللي بيزورنا ؟؟
أبو خالد : أبو الوافي ..
حاتم : أبو الوافي هنا ؟؟
أبو خالد : حتى أـنا أستغربت .. صار له 8 سنين ما جا للسعوديه
خالد : من جد غريبه
أبو خالد : بنشوف شـ عندهـ إذا جا
أم خالد : طيب أبو فارس وابو سعود وأبو تركي بيكونون هنا ؟؟
أبو خالد : لا .. أـنا ووحاتم ووسام بس والباقين بيجلسون بـ الشركه .. وبعد صلاة العشاء بيجون كلهم ..
وسام : بتعشيه ؟؟
خالد : أكيد الرجال من زمان ماجا للسعوديه .. وزايرنا فـ بيتنا ليش مانعشيه
أبو خالد : صادق أخوك
أبو خالد واهو يقوم من طاولة الطعام : الحمدلله .. صحيني للآذان ..
أم خالد : إن شاء الله
وسام : غريبه شعندهـ جاي ..؟؟
وسن : ليش مكبر الموضوع
وسام : ياربي .. الناس يقولون من 8 سنين ماجا للسعوديه
وسن : وإذا
وسام : هذي إللي بترفع ضغطي
حاتم : هههههههههههههههه .. ليش رافع ضغطك .. كلها 3 ساعات وبتعرف شيبي ..
وسام عندهـ الـ 3 ساعاات كأنها 3 سنين ..
خالد : أـنا بنام نص ساعه وصحوني ..
وسام : ما راح أصحيك ..
وسن : ماعليك منه أـنا بصحيك ..
خالد : الله يخلي لي اوخيتي
وسام : إيه ماعليه ..
خالد : ههههههههههههههه .. وقامموا كلهم من الغدأ


فـ بيت أم راشد ..
'هلا والله بـ أم طلال'
أم طلال : هلا فيك .. كيفكم ؟؟
أم راشد : بخير الله يسلمك .. إنتي كيفك ؟؟
أم طلال : بخير والحمدلله .. وكيف أبو راشد .. وراشد والبنات ؟؟
أم راشد : كلهم بخير ونعمه .. كيف عمي ودارين وعزام ؟؟
أم طلال : بخير والحمدلله .. أـنا مكلمتك اليوم وإحنا طالبين القرب منكم فـ بنتكم ريم لـ ولدنا عزام ومثل مانتي عارفه لسا راجع من الخارج وبيتوظف بـ الشرقيه إن شاء الله وإذا صار بيننا نصيب زاروكم الرياجيل رسمي ..
أم راشد : والله والنعم .. وعزام ولدنا مثل ما ريم بنتكم .. عطيني وقت أسأل البنت وابوهـا وارد لك خبر ..
أم طلال : ترانا مستعجلين ونبي الرد مايطول ..
أم راشد : إن شاء الله أفاتح أبوها إذا رجع للبيت وبعدهـ البنت .. وارد لك ..
أم طلال : الله يكتب إللي فيه الخير .. توصيني شيء ؟؟
أم راشد : سلامة عمرك وسلمي لي ع عمي ودارين ..
ام طلال : يوصل .. وإنتي سلمي لي ع البنات .. مع السلامه ..
أم راشد : يوصل .. مع السلامه ..


فـ بيت أم فارس ..
فيصل : يُمه متى تكلمين أمها ؟؟
أم فارس : منهي ؟؟
فيصل : أـفـأ مامداك تنسين
أم فارس وإهي تتذكر : إيوا.. قلت لـ أبوك .. وقال يصير خير
إلا هذا أبوهـ داخل من صلاة العصر : السلام عليكم ..
كلهم : وعليكم السلام ..
أم فارس : هذا أبوك كلمه
أبو فارس يناظر فارس : شـ فيه ؟؟ ناقصك شيء ؟؟
فارس : لا الله يطولنا بعمرك .. هذا فيصل إللي بيكلمك ..
أبو فارس : وشـ عندك واـنا أبوك ؟؟
فيصل : آبيكم تخطبون لي قبل زواج فارس
أبو فارس : هههههههههه .. ماتفررق يابوك زواج فارس ماهو بعيد ..
فيصل : وإذا أـنا آبي قبل زواج فارس
أبو فارس : خلاص أمك تكلم أمها وتشوف إذا مرحبين فينا رحنا أـنا وعمانك رسمي لهم ..
فيصل فرحان : يُمه الله يخليك لي كلميها ..
أم فارس : ههههههههههه .. مافي قبل نهاية الاسبوع ..
فيصل : يرحم والدينك لا
أبو فارس : هههههههههههه . . ترا نهاية الاسبوع مابقى عليها إلا ثلاث أيـام ..
فيصل : إيه لكن ع مايشاورون البنت وأبوها .. يبي لها وقت ..
أم فارس : خلاص إذا فضيت اليوم كلمتها ..
فيصل : أفضي لك الوقت ..
كلهم : ههههههههههههههههههه
فيصل : واـنا صادق ..
فارس : أثقل ,,
فيصل : إذا ع الثقل تاركه لك
أبو فارس واهو يضحك : مستعجل ..
فيصل : لا تلومني .. من تكلمت عنها الوالدهـ وإهي عاجبتني ومرتاح لها ..
فارس : لا وزيادهـ .. الأخو يكتب فيها ..
أبو فارس وأم فارس : هههههههههههههههههههه
أبو فارس : أجل الله يعينك
أم فارس : خلاص بكلمها بعد المغرب والله يسهل
كلهم : اللهم آمين
أبو فارس : يلا مشينا للشركه .. وقاموا كلهم

فـ الرياض .. وفـ غرفة هوازن ..

'هلا حبيبي'
وائل : هلا بحياتي .. شخبارك ؟؟
هوازن وإهي متبطحه ع السرير : مشتاقه ,,
وائل : أـنا ما أققدر أتحمل
هوازن : ولا اـنا
وائل : والعمل ؟
هوازن : بطلع للمجمع بعد شوي .. تجي هناك ؟؟
وائل : وهذا سؤال .. أكيد بجي إذا السالفه فيها شوفه
هوازن تضحك بمياعه : ههههههههـآآي ..
وائل : ياويلي ع الضحكه وراعيتها
هوازن يقال إنها مستحيه : ــــــــــــ
وائل : شقاعدهـ تسوين ؟؟
هوزان : أبد ولا شيء .. { وبكل حقارهـ } متبطحه ع سريري ..
وائل : { الكلام مشفر } .. ومعروف كلام كل وحدهـ تكلم شاب ماله علاقه فيها ونهاية علاقتهم كلام فاضي .. شاب ويحصل بنت لا يعرفها ولا تعرفه لا اهو يخجل منها ويخاف عليها ولا إهي تخجل منه وانوواع الكلام المنحط ..

{ وائل واحد متعرفه عليه هوازن بـ النت وعلاقتهم فـ بعض من سنتين .. فـ البدايه ماسنجر بعدين تطورت العلاقه للموبايل وبعد كذا تطورت لـ مقابلات من بعيد لـ بعيد .. وبعدين الله يستر ومعروف نهايتها .. هوازن وحدهـ شعرها إلـى أكتافها ع طوول تغير لونه .. بيضاء طويله شوي ,, جسمها نحيل .. هوازن وحدهـ تكون علاقات مع شباب ولا تطوول وياهم وكل يوم والثاني لها واحد جديد ,, ووائل اهو الوحيد إللي باقي معاها مع الجدد إللي تتتعرف عليهم } ..


فـ بيت أم راشد بعد المغرب وإهي جالسه مع ريم ..
"ها قلبي شـ قلتي ؟؟"
ريم خجلانه : يُمه بس أـنا ما أعرفه ..
أم راشد : فاهمه عليك ياقلبي .. شوفي أـنا خذيت أبوك واـنا ما أعرف عنه شيء ولا اهو من عائلتنا نفس ما أخذوا خواتي والحمدلله مبسوطه .. وبعدين إذا وافقتي راح يشوفك وتشوفينه وتكلمون بعض .. وبعدين جوهرهـ ووسن ع طول يسولفون عنه وعن طيبته .. وفوق هذا ماعمري سمعت إلا يمدحون فيه يعني مو نفس شباب هـ اليومين ..
ريم : أبوي شـ قال ؟؟
أم راشد : أبوك قال إذا إهي موافقه الله يوفقهم
ريم : إللي تشوفونه ..
أم راشد وإهي تبوس بنتها : الله يوفقك ماما ويبلغني فـ باقي خواتك ..
ريم : آمين ..

أم راشد ردت ع أم طلال إنهم مرحبين فيهم .. وقالت أم طلال إنهم نهاية الأسبوع راح يجون رسمي الرياجيل ..


فـ بيت أبو خالد .. وسن كانت لابسه بنطلون جينز وبدي فوشي لونه رايق .. وشعرها ماسكته من فووق وتاركه الباقي مفتوح وميك آب ناعم مناسب ع جمالها .. وجالسه بغرفتها جا لها وليد : وسن الله انتي حلوهـ
وسن وإهي تبوسه : إنت إللي حلو حبيبي ..
وليد : وسن ماما تقول تعالي تحت ذا الحين بيجون عماتي ..
نزلت وسن ووليد تحت عند أمهم ..
وسن وإهي تبوس أمها ع خدها : فديتهم يااناس إللي جالسين بـ روحهم ..
أم خالد : هههههههههههـآآي .. وليد حبيبي روح عند بابا
وليد : إن شاء الله
وسن : جا لهم الرجال ؟؟
أم خالد : إيوا جالسين بـ المجلس ..
أم خالد : عزام خطب ..
وسن مبسوطه ع الأخر : ياحيااااااااااااااااااتي .. منو سعيدة الحظ
أم خالد : ماتتوقعينها
وسن : منو ؟؟
أم خالد : ريم بنت عمتك ..
وسن هنا نطت من الوناسه : حلووووووووووووووووو .. وافقت وإلا لا

أم خالد : لسا أمي مقفله مني تقول ردت عليهم أم راشد إنهم موافقين
وسن : يسسسسسسسسسسسس .. وناسه .. بتصل فيه ..
أم خالد : هذا الكلام بين الحريم وخطبة الرياجيل الرسميه نهاية الأسبوع هذا ..
وسن : ياعمري وربي مبسوطه لهم .. ربي يوفقهم ..
أم خالد : آمين .. ويبلغني فيكم ..
وسن : يجيب الله مطر ..
أم خالد : جتنا عقدة خالد وحاتم وفواز .. وينها العنود عنك بس ..
وسن : هههههههههههههههههـآآي .. ياحلاتها عمتي لو تعرف إني أنضميت لهم لـ تموتني ..
أم خالد : لا تستعجلين .. تجي وببشرها ..
وسن : هههههههههههههههههههههـآآي .. وربي أتخيل شكلها ..
أم خالد : هههههههههههههههههههـآآي .. ياحلاتها إهي واستهبالاتها ..
وسن : أـنا ما ادري ماسكه ع أخواني وعمي فواز .. وعندها 3 أولاد ماتكلمت لـ أحد فيهم غير حمد حتى مو رسمي وياسر اهو وهنادي من بعيد لـ بعيد ..
أم خالد : لا تخافين . . أكيد قاعدهـ تخطط لهم هذي العنود ..
وسن : ياحليلها ..

 

منتدى 37 درجة

آخر مواضيعي

0 تعال الشتاء بلش يغازل حمام الدار sms - mms
0 اضحك بسني واختم الضحك بشهاق mms - sms
0 صور ورمزيات ممثلين يابانين + كورين - ليه تتركني في وقت انا فيه أحتاجك { تجميعي }
0 بالصور اب يعذب طفلته والسبب انها انثي وليست ذكر
0 توبيكات ملونه وصور للماسنجر - لا تعتذر المهم انك جفيت وهذا طبعك
0 دوري زين السعودي 2010-2011 الأسبوع الخامس عشر [ الهلال Vs الحزم ] [ الأهداف(ياسر)
0 صور مسن - لاشئ سوى القليل من الجنون

  رد مع اقتباس
قديم 10-31-2010, 05:59 PM   رقم المشاركة : 10
كلي حلا
مِشّشًتَاآأإقْه لِكْ ..
 
الصورة الرمزية كلي حلا
Icon26 رد: روايه معشوقي كلي معاك معاك حتى للهلاك / كاملة

بسم الله الرحمن الرحيم

الجـزء >> 6 <<



بـ مجلس أبو خالد .. كان فيه أبو خالد .. وحاتم ووسام ووليد وأبو الوافي والوافي واسامه ..

أبو خالد بكلامه المعروف : ياحي الله من جاانا .. زيارتك تشرفنا ..
أبو الوافي : الله يحيك ويبقيك والشرف لنا إحنا ..
أبو خالد : كيف الشغل معاكم ياعيال ..؟؟
الوافي بصوته الضخم : كل شيء مثل مانبي والحمدلله
أبو خالد : يستاهل الحمد ..
ابو الوافي : يـ أبو خالد إحنا جاين لك بطلب ونتمى ماتردنا ..
أبو خالد : سُلطان ماعمرهـ رد أحد
أبو الوافي : هذا المعروف والنعم فيك ..
أبو خالد : عطني طلبك يا أبو الوافي وإذا أقدر فـ تأكد إن طلبك وصلك ..
أبو الوافي : رجال من ظهر رجال .. إحنا جايين طمعانين في قربك .. يشرفنا نطلب بنتك زوجه لـ ولدي الوافي ..
أبو خالد تفاجأ توقع كل شيء إلا مثل هذا الطلب .. صحيح أبو الواففي من نفس مستواهم ويعرف الوافي عدل عن ألف رجال .. ولا يبي يرفضه والرآي الأول والأخير لـ بنته .. مايقدر يعطيهم كلمه ويتورط بـ وسن إللي رفضت أكثر من سته تقدموا لها ..
وسام مصدوم .. أخيراً عرف ليش أبو الوافي جاي من الخارج للسعوديه .. والله مانتي سهله ياوسن .. حاتم .. ماتفاجأ كثير لإنه متعود ع هـ الاشياء .. لكن مايبي يخسر الوافي ولا يبي يخسر ولد عمه راكان إللي يعرف إنه يبي وسن ..
الوافي لما طال سكوت أبو خالد قال : ياعم إحنا شارين نسبكم لإنه يشرف ولا نبي غيركم .. وإذا ربي كتب نصيب بيننا ما راح يصير زواج إلا ليما تنهي وسن من دراستها وإللي تامر فيه إحنا حاضرين ..
أبو خالد من جد كبر الوافي بعينه : والله والنعم فيك والشاهد الله إنك عن ألف رجال ونسبكم ماعليه قصور .. لكن آبي أسأل البنت وأرد لكم ..
الوافي أرتاح شوي ..
أبو الوافي : حقكم تسألون البنت .. بس مثل مانت عارف أـنا ما أطول هنا .. ونبي نعرف الرد ذا الحين إذا ماعليك آمر ..
أبو خالد أنصدم .. لكن اهو يعرف الوافي مثل مايعرف عياله ..
حاتم ذا الحين أنصدم من جد .. ووسام ودهـ يروح ويبلغ إللي داخل بـ إللي صار .. لكن أبوهـ بيخرشه ..
أبو الوافي : يابو خالد إحنا نعرف إن بنتك ياكثر إللي تقدموا لها ورفضتهم .. ومهما كان ردها ما راح يأثر ع علاقتنا .. إحنا أخوان فوق كل شيء ..
أبو خالد : عطونا كم يوم ونرد عليكم
الوافي : لا هنت يبه ولا عليك أمر ياعمي .. آبي الرد بكرهـ إن شاء الله ..
وسام فـ خاطرهـ شـ عندهـ هذا مستعجل ..
أبو خالد : الله يقدم إللي فيه خير .. وجلسوا يسولفون شوي . . وقال أبو خالد إنو عازمهم للعشاء ووافقوا بعد ما أقنعهم ..

عند مواقف السيارات بـ الشركه كانوا الشباب لسا طالعين ..
فارس : شباب ترا عمي سُلطان عندهـ عشاء
بدر مستغرب: لـ مين ؟؟
فارس : ابوي يقول أبو الوافي والوافي واسامه زايرين عمي
الشباب كلهم مصدومين ..
حمدد : أبو الوافي متى شرف السعوديه
فارس : إللي فهمته جاي مخصوص عشان هـ الزيارهـ .. لكن شـ سببها ما ادري ..
تركي : أـنا أشوف حاتم مو فيه ولا خالد ..
فارس : اهم من المغرب عندهـ
فيصل : ما أدري .. أحس الموضوع فيه شيء غريب
سعود : من جد 8 سنوات برا ولافكر يجي .. ويجي ذا الحين مخصوص لـ خالي سُلطان ..
ياسر : لا يكون عندهـ أزمه ماليه ويبي خالي يساعدهـ
بدر : لا ما أتوقع ..
تركي : طيب خالي يعرف ليش جاي ..
فارس : أبوي يقول مايعرف .. أتصل فيه وقال يبيه بـ موضوع بعيد عن مكان الشغل ,, واعدهـ عمي بـ البيت بعد المغرب ..
بدر : أقول خلونا نلحق السالفه
ياسر : من جد باي
وكل واحد ركب سيارته .. وتوجهوا لـ بيت أبو خالد ..

ودخلوا المجلس ووقفوا لهم يسلمون عليهم .. لكن لما وصلوا قد انتهوا من موضوع الخطوبه وجالسين يسولفون بـ المشاريع والذي منه ..
بدر يساسر وسام : شـ عندهـ أبو الوافي مشرف بيت سُلطان
وسام عارف إنو أولاد العائله بيموتون ع مايعرفون : ما راح تتخيل ليش جاي
بدر : ما آبي أتخيل .. آبي الحقيقه
وسام : تستهبل أنت ووجهك ..
بدر : ياخي اسأل نفسك ..
وسام : إذا طلعوا قلت لكم كلكم ..
بدر الفضول ذابحه ,,

عند الحريم .. ضحك وسوالف .. طلعوا البنات يجلسون بروحهم ..
وسن : مبروك ياعروس وتغمز لها
ريم وجهها الوان ولا ردت
وسن : ع الأقل قولي يبارك فيك .. ثانكيو .. يسلمو .. مو ساكته
ريم تضحك بحيا
وتين : خير شـ السالفه ؟؟
وسن : ليش ماتدرين ؟؟؟
هنادي : ولا أـنا ..
وسن : بـ الله عليكم ماتدرون ؟؟
أمل : بلا استعباط وقولي ..
وسن تكلم ريم : ماعرفوا ..
ريم باقي مستحيه : حتى خواتي أتوقع ماعرفوا ..
وسن : وااااااااااااااااو ونااااااااااااااسه ..
خلود : خير شـ إللي صاير وإحنا ماندري ..
وسن : وربي قويه خواتها مايعرفون
ريناد : وسين بلا أستهبال وقولي ..
ديما : أتركي وسن .. ريم قولي لنا
روزان : أـنا اليوم سمعت أمي ..
وسن بتخرب عليها : ريم خطبها خالي عزام
البنات صارخوا وباركوا لها ..
وتين : سامجه ولا تقولين
ريم : أمي ماكلمتني بـ الموضوع إلا بعد المغرب ..
وسن : هذي خطبة حريم .. وخطبة الرياجيل الرسميه نهاية الأسبوع
أمل : أخيراً .. أحد يبصف معاي ..
وسن تستهبل : إنتي بيرقونك وريم بتصير بـ مكانك ..
البنات جلسوا يضحكون .. طبعاً حريم العائله عارفات ولا قالوا لـ بناتهم ..
هنادي بـ هبالها : كيف شكله عزام ..؟
وسن : صح بموبايلي صور له .. لحظه اطلعها لكم ..
وطلعتها ووشافوها وانهبلوا عليه ..
هنادي: ياخذني بدل ريم ..
البنات : ههههههههههههههههههههههههههههـآآي ..
وتين : خلاص بقول لـ ياسر وتغمز لها ..
هنادي بصوت وحدهـ غرقانه بـ الحب : لا كلش ولا يسوري ..
وسن : ههههههههههههههههههههههههههـآآي .. لحظه اـنا بكلمه أبارك له .. وبفتح السبيكر ,, لكن بذمه من غير همسس حتى
البنات متشجعات : أوكي .. وريم المسكينه وجهها الوان
وسن وإهي تروح تجلس بجنب ريم وتدق رقمه وتفتح السبيكر ..
عزام : هلا والله بـ حبي
هنادي تدق ريم بـ إيدها .. وريم دوروها ماتحصلونها
وسن بطبعها الدلوع الرآيق : هلا وغلا فيك حبيبي .. كيفك قلبي ؟؟
عزام : بخير ياحياتي .. إنتي كيفك ؟؟
وسن : عال العال من سمعت الخبر
عزام : دوم عال العال .. لكن أي خبر ؟؟
وسن : مبرووووك ياعريس ..
عزام واهو يتبسم وفرحان من داخله وواضح ع صوته : يبارك فيك ياقلبي .. وبعدين لسا ماصار شيء رسمي وريم ماردت .. ريم بغت تموت لما سمعت أسمها بصوته العذب ..
وسن : ياحيااااااااااااااااااتي .. ماخبروك .. عمتي ردت لـ جدتي خبر وقالوا إنهم موافقين .. وجدتي قالت لها نهاية الأسبوع بـ يجون يخطبون رسمي ..
عزام من جد أستانس : ياحبني لك ياأحلى بنت أخت بـ الدنيا ..
وسن : وياحبني لك إنت .. جدتي ماقالت لك ..؟؟
عزام : أتصلت فيها ولا ردت .. ومارجعت تتصل فيني .. قلت أكيد عندها زيارهـ ..
وسن : تعرف حرم الوزير مجتمعه مع حرم الوزرا الثانين
عزام : إيوا .. وأـنا الله يخلف علي ما أحد عندي..
وسن : ماعليك تجي ريم وتكون معاك ..
عزام : يافديتها ياناااااااااااااس .. وينها ؟؟ اتركيها تجي ذا الحين .. البنات ماسكين نفسهم لا يضحكون ..وريم خلاص ماتقدر تتحمل ..
وسن : خالو شكلك خربت .. هذا وإنت ماتزوجتها ..
عزام : لا تلوميني .. لحسوا مخي من مواضفاتها .. هذا وأـنا ماشفتها ..
وسن : صدقني ماراح تندم إن شاء الله .. متى راح تتملك عليها ؟؟
عزام : ربي يطول بعمرك .. نخطب ونملك ع طول .. والزواج بعد شهر ..
البنات انصدموا .. ماتوقعوا بـهـ السرعه ..
وسن : ههههههههههههههههـآآي .. مستعجل ..
عزام : أضحكي .. الله يوريني فيك يوم .. قريب مو بعيد ..
وسن : إرتاح أـنا أمشي ع إللي يمشون عليه أخواني ..
عزام : أجل الله يخلف ع جوهرهـ إللي جابتكم ..
البنات مستانسين ع السوالف ..
وسن : أوكي حياتو أـنا كلمت أبارك لك .. بدك شيء قبل لا أقفل ؟؟
عزام : يسلمك ياقلبي .. سلمي ..
وسن : أمي واخواني من كم يوم إنت عندهم ..
عزام : أفهميها ياقلبي ..
وسن تستغبي : منو قصدك ؟؟
عزام : ريمي سلميي عليها ..
وسن : يوصل ياقلبي .. وربي يجمعك فيها قريب ..
عزام : آمين يارب ..
وسن: بيباي عمري
عزام : بيباي قلبي ..

خلود : والله ياعليه كلام يذبح
ديما : الصوت عذاب
ريناد : الأسلوب
وتين : هيه إنتي وياها ترا خطيبته موجودهـ
لما ناظروها البنت مو عندهم بـ وادي ثاني هيمانه بـ الصوت والأسلوب وقبل هذا الشكل ..
وسن : لا بـ الله طاحت البنت وما أحدد سمى عليها
وتين : من جد حالتها يرثأ لها
أمل : إنتو الثنتين لا تتكلمون ..
وتين : ليش إن شاء الله ؟؟
أمل : لإنكم ماتقدرون هـ الشعور
وسن : اي شعور ؟؟
أمل : شعور إللي ينخطبون ويتملكون ويتزوجون ..
وتين : ماله داعي نقدر شعورهم
وسن : صح مو مضطرين نقدر مشاعرهم
خلود عشانها مخطوبه : ليش إن شاء الله .. لايكون ما راح تمرون بـ إللي نمر فيه إحنا
وتين : أكيد ما راح نمر فيه
وسن تبوس وتين : يسلم لي الفاهم
وتين : إذا عاجبتك أعيدها ..
وسن تستهبل عشان ترفع ضغط البنات : حياتي وإذا عاجبتك البوسه أعيدها ..
وتين يقال إنها مو فـ جوهم : ياعمري عليك .. ياليت ..
وسن : روحي ماطلبتي شيء وتبوسها مرهـ ثانيه
البنات انقهروا من فصل هـ الهبنتين عن إللي حولهم .. وقاموا راحوا لـ أمهاتهم .. ووتين ووسن يضحكون عليهم ..

بعد العشاء طلعوا أبو الوافي والوافي وأسامه وطلع معاهم أبو خالد وعياله وأبو فارس وأبو سعود وأبو تركي وأبو راشد ..
عند الباب .. أبو الوافي : كثر الله خيركم .. ولا تنسى الموضوع ..
أبو خالد ملاحظ إنو الولد ميت ع نسبهم : قليل بحقكم هـ الضيافه .. وإن شاء الله برد عليكم بكرهـ ..
أبو الوافي :: أجل مع السلامه .. وسلموا وطلعوا ..
ودخلوا المجلس
أبو فارس : شيبي أبو الوافي ؟؟
المجلس صار هدوء عشان يسمعون شيبي
طبعاً حاتم اتصل فـ خالد وخبرهـ شـ يبون .. وإلا باقي أولاد العائئله مايدرون ..
أبو خالد : يخطب وسن لـ الوافي ..
الشباب يناظرون بعض مصدومين ..
أبو تركي : عطيتهم كلمه
أبو خالد : الرآي رآي وسن .. وبشوف شـ تقول وبرد لهم بكرهـ إن شاء الله ..
أبو سعود : مستعجلين ؟؟
أبو خالد : الولد مستعجل .. ويقول إنو ماراح يصير زواج لما تخلص دراستها الثانويه .. وكل إللي تبونه حاضرين فيه ..
تركي بطبعه الرجولي : ما شاء الله باين إنه طمعان بـ نسبنا ..
أبو خالد : هذا إللي شفته فيه .. والشهادهـ لله إنه عن ألف رجال ..
أبو تركي وابو فارس وأبو سعود وأبو راشد : صادق والنعم فيه ..
سعود بصوته الكبير شوي : لكن خطبه ع خطبه ماتجوز
أبو خالد : من إللي خطبها وعطيناهـ كلمه ؟؟
سعود : راكان ولد عمها
أبو خالد : راكان خطبها قبل سنتين ولا عطيتهم موافقه لإني كنت بـ شوف إذا يبيها من جد وإلا عادي .. وهذا أنتم شاهدين بعدها مافتحوا فمهم بكلمه .. وما راح أنتظر راكان ليما يقرر يخطب ويشرفني هذاك الوقت .. أـنا ما اقول فيه شيء ..راكان والنعم فيه رجال والكل يشهد له بـ أفعاله .. لكن بنتي فوق كل شيء ..
سكتوا من قوة كلام سُلطان ..
وسام يتكلم بخوف ع أخته : طيب يبه يمكن ماترضى إهي رفضت قبله كثير ..
الشباب متأكدين إنها ماراح توافق .. مايدرون شـ إللي أستجد بينها وبين راكان ولا يدرون إنها أنضمت للمعقدين ع مسمى عمتهم أم سعود ..
أبو خالد : أهم ماعلي راحتها .. إذا رفضت .. ربي ماكتب نصيب وإذا وافقت الله يوفقهم ..
أبو سسعد منقهر وإذا رفضت وسن هذا مستحيل يجي لها واحد نفسه : البنت مردها تتزوج .. وعن الدلع الزايد .. كل بناتنا بنزوجهم .. انتم ما راح تعيشون لهم العمر كله .. كل وحدهـ تتزوج ويستر الله عليها .. والوافي .. مايعيبه شيء ..
أبو خالد مستحيل يغصب وسن ع شيء ماتبيه : الله يطول لنا بعمرك يعني أزوجها غصب عليها ..؟؟

حاتم بعقله الكبير : جدي قصدهـ إنها لـ متى بترفض .. مردها تتزوج .. عشان كذا جدي يبيها توافق ع الوافي ..
أبو خالد : هذي منك يـ أخوها .. تبيني أغصبها ع شيء ..
حاتم : الله يخليك لنا .. اـنا أخوها أخاف ع مصلحتها مثل ماتخاف عليها إنت .. لكن كل إللي تقدموا لها مستوياتهم كبيرهـ ولا رضت بـ واحد منهم ..
أبو خالد : بعدها صغيرهـ
الشباب مستمعين للنقاش الحاد ..
خالد : الله يخليك لنا .. إحنا نبي لها الزين .. والوافي مافي مثله .. تربيته ما شاء الله نفس تربيتنا إللي إنت تبيها .. شنبي أفضل من كذا لا يدخن ولا يعرف بنات ولا حق سفرات للوناسه واحد أكبر همه سمعته وسمعة أبوهـ { حاتم وخالد لـمتى بـ بنتظرون راكان إللي ماتكلم بعد هذيك المرهـ }
أبو خالد بقوته المتعودينها :: قولوا إنكم ماتبون تشيلون مسؤوليتها بعد ما أتركها لكم .. { وهذا إللي خايف منه مع إنه مربي عياله ويعرفهم زين }
خالد : بعد عمر طويل إن شاء الله .. إحنا بس خايفين عليها ماندري شـ إللي مخبيه لنا الزمن ..
فارس : صادقين ياعمي .. الوحدهـ شـ تبي أكثر من كذا .. أفضل من إنو يجي لها واحد طايح فـ حركات المراهقين .. وتبتلش فيه ..
أبو سعود : لـ متى يـ أبو خالد ؟؟ تعرف الناس إذا عرفوا إن خطاب الوحدهـ كثار وإهي جالسه ترفض فيهم .. بيتسألون .. وبعدين بيقلون خطابها وماهي محصله أحد بعدين ..
أبو خالد: إنتم شفيكم .. البنت توها داخله الـ 18 سنه ..
أبو فارس وخوفه ع بنت أخوهـ من كلام الناس : صغيرهـ ولا تعرف مصلحتها ..
أبو خالد وصل حدهـ لكن متماسك : يعني أزوجها غصب ..؟؟
تركي يتكلم واهو عارف إنها ما راح توافق ع الوافي لإنها لـ راكام : الله يطول بعمرك ما أحد قال أغصبها .. لكن فهمها إنو ما أحد جالس لها .. ومردها متزوجه ..
أبو خالد: أنتم ماتدرون .. وسن عندي غير .. مستعد ارهن حياتي عشانها .. ما آبيها تتزوج أي واحد .. آبي لها واحد يعرف قدرها زين ويعرف إن هذي عيوني إللي أشوف فيها ..
أبو سعد :الأبو غير عن الزوج .. يعني تبي واحد مثلك مستحيل ..
أبو خالد : أـنا شفت إللي آبيه فـ الوافي .. لكن إذا رفضت ماراح أجبرها .. وقفلوا الموضوع ..
سكتوا كلهم لإنه عرف عطاهم الكلمه إللي تسكتهم .. جلسوا شوي وطلع أبو سعد لـ جناحه ينام .. وطلعوا الأباء لـ بيوتهم وأبو خالد دخل بيته .. والشباب جلسوا شوي يسولفون ..

بدر : قايل لكم جعلني ما أخطب من خالي سُلطان
حاتم : شيء طبيعي يبي الزين لـ بنته .. وبعدين هذي عشرة عمر ماهي لعب وهبال
خالد : عندي إحساس إنها بـ توافق ..
وسام : شـ دراك ؟؟
خالد : ماأدري كذذا حسيت ..
وسام : عاد خالد إحساسه مايخيب ..
تركي خاف من جد .. كيف توافق وراكان .. لكن أستبعد هـ الشيء ع طوول .. تركي يصير صديق راكان الروح بـ الروح علاقتهم مرهـ قويه .. يعرفون كل شيء عن بعض ..

الله لا يحرمني منك ياعسى عمرك طوويل ... سيد الحبايب يتصل ..
وسن أششش بنات أبوي : هلا بـ الغالي
أبوها يتبسم : هلا والله بـ أغلى وحدهـ . . بابا وينك ؟؟
وسن : بـ الصاله .. بغيت شيء يبه ؟؟
أبوها : تعالي لي بغرفتي ..
وسن : بروحي ياقلبي ؟
أبوها : بروحك ياقلب أبوك ..
وسن : إن شاء الله .. بحفظه
أبوها : بحفظه .. { يموت عليها مايشوف غيرها .. }

وتين : شعندهـ خالي ؟؟
وسن : مشتاق لي وبسولف معاهـ
خلود : يجيب الله مطر
وسن : اتركي أفكارك لك ياخليدان
خلود : أـنا خليدان ياوسيوان
وسن : مو فاضيه لك بروح لـ حبيبي .. وراحت له ..

أم سعود : ما شاء الله ياالماسه ماتناسبين إلا إللي معاهم شهادات كبيرهـ
أم راشد بتقهرها : منو غير عزام معاهـ شهادهـ ؟؟
أم خالد وأم تركي وام فارس وأم عبدالرحمن : ههههههههههههههههههههـآآي
أم سعود : يـ إللي ماتستحين .. ولدي حمد إسم الله عليه مامعه شهادهـ .. أخاف إنو مامعه إلا إبتدائي واـنا ما أدري .. قولي لي ..
أم راشد تكمل قهر ع أم سعود : يؤ .. ذكرتيني حمد
أم سعود : لا وناسيته بعد ؟؟
أم راشد : ولدك ماتقدم رسمي .. وإحنا ماناخذ إلا المتقدمين رسمي ..
أم سعود : ولدي مايقدر يتقدم قبل أخوهـ إللي أكبر منه لا يخطب .. ولا تفرحين .. عزام لسا ماتقدم رسمي ..
أم راشد تحرك إيدينها تحر العنود : بيتقدم نهاية الأسبوع إن شاء الله .. ومتى ماحصلتي لـ ولدك الكبير زوجه وبنتنا لسا مازوجنها تعالي أخطبيها رسمي لـ ولدك حمد ..
أم سعود : حصلت زوجه لـ سعود .. وبفاتحه بـ الموضوع .. وبسحب عليك وع بنتك وبخطب لـ ياسر قبل حمد
أم راشد : كيفك .. بنتنا عندنا وبنزوجها من يتقدم لنا رسمي ..
الحريم : ههههههههههههههههههههههههههههـآآي ..
أم فارس تستهبل : والله لو عندي بنت زوجتها لـ حمد
أم سعود : لا يكون ولدي فيه عيب واـنا ما أدري ؟
أم خالد: ماعليك منهم ولدك والنعم ففيه ..يكفي أبوهـ ناصر وأمه العنود .. شيبون أكثر من كذا ؟؟
أم سعود بعد رفعت معنوياتها : ياقلبي .. والله لو عندك بنت غير وسن كان خطبتها لـ حمد ..
أم خالد تستهبل : ليش بنتي فيها عيب وأـنا ما أدري ؟؟
الحريم هنا : هههههههههههههههههههههههههههههههههههههههههههههههههه ههه
أم سعود ترميها بجوالها : يـ إللي ماتستحين ..
أم خالد : ههههههههههههههههههههههههههههههههههههه
أم سعود : أضحكي أضحكي ..
أم خالد : إلا والنعم فيك وفـ عيالك كلهم . . ومن غير ماتقولين لو عندي غير وسن كان زوجتها حمد
أم راشد : حدك حمد منتهي أمرهـ
أم سعود : بندرس الموضوع من جديد ..يعني لا تتأملين كثير
وجلسوا ضحك وهبال

وسن تطق باب جناح أبوها وامها
أبوها : أدخلي ياروح أبوك ..
وسن تدخل وتبوس راسه وتجلس بجنبه : كيفك قلبي ؟؟
ابوها : من أشوفك كل تعب الشغل يروح
وسن وإهي تحضنه : الله لا يحرمني منك ..
أبوها : ولا منك .. بابا .. كيفك إنتي . . ناقصك شيء .. محتاجه شيء ؟؟
وسن : وجودك بـ الدنيا يكفيني ..
أبوها واهو يحضنها أكثر : الله يحفظك .. بابا بكلمك بموضوع .. وما آبيك تقاطعيني ليما أنتهي ..
وسن : أمر ..
أبوها : مايامر عليك ظالم .. تعرفين الوافي ولد أبو الوافي إللي ماسك شركات أبوهـ هنا ..؟؟
وسن : آممممم .. أسمع عنه منك إنت واخواني ..
ابوها : طيب .. الوافي هذا رجال بمعنى الكلمه .. عمرهـ 31 سنه .. أمه متوفيه من فترهـ طويله وماعندهـ إلاأخو واحد ,, خوات ماعندهـ وأبوهـ محول بعض شغله للخارج .. واهو ماسك حلال أبوهـ إللي هنا كله .. والكل يحترمه .. أـنا أشوف فيه من تربية أخوانك .. ومن نفس تصرفاتهم .. { وسن بخاطرها شـ دخلني فيه لما يتكلم عنه كذا .. يخطب .. لا مستحيل .. مابعمر أبوها تكلم عن إللي يخطبونها كذا } كمل أبوها .. جا لي اهو وابوهـ واخوهـ إللي أصغر منه اليوم طمعانين بـ نسبنا وطالبينك له .. واهو قالي إذا صار نصيب إن شاء الله ما راح يصير الزواج إلا بعد ماتنتهين من الثانوي وقالي إللي تبونه أـنا مستعد له .. وكانوا يبون الرد اليوم قلت البنت لازم تاخذ وقتها .. والولد مستعجل ويبي الرد بكرهـ إن شاء الله .. حبيبة أبوك لا تردين ذا الحين علي فكري وأدرسي الموضوع عدل وتأكدي إذا مابغيتي ما راح أغصبك ع شيء .. { وسن شـ أقول عن حالتها .. كانت تتمنى ابوها فـ يوم يناديها يسألها عن رآيها بـ راكان .. لكن وينها ووين راكان .؟؟!! .. راكان خلاص أختار حياته وفضل غيرها عليها ومشى ع كلام أهله .. وإهي مهمشه بـ حياته .. ليش تفكر فيه واهو أختار وحدهـ غيرها و خطبها رسمي وحددوا الزواج بعد شهرين وانتهى الموضوع .. حتى مافكروا يبلغون عمانه عن خطبته .. لو أحد قايل لها غير وسام امكن ماتصدقه .. لكن إهي حاضرهـ المكالمه إللي صارت بين وسام ونايف أخوهـ وبلغه فيها .. ليش تحر نفسها وتفكر فيه .. 'إللي باعني أبيعه' }.. أبوها تركها ع راحتها ليما تتكلم بنفسها ..
وسن تكلمت بصعوبه : إللي تشوفه أـنا مالي أعتراض عليه ..
أبوها : ياقلبي أـنا قلت لك أشوف فيه أخوانك إللي ربيتهم بـ إيدي ..
وسن تحضن أبوها تداري دموعها : أـنا موافقه ..
أبوها مو مصدق : حبيبة ابوك لا تستعجلين معاك ليما بكرهـ ...
وسن: أـنا بنتك وقلت كلمه ما أتراجع فيها ..
أبوها يبوسها ع راسها : الله يوفقك يبه .. عاد لازم أخذ رآي أمك
وسن : أكيد .. أخواني شرآيهم ؟؟!!
أبوها : أخوانك مايبونك ترفضينه لإنه من جد رجال ..
وسن : الحمدلله إنكم كلكم موافقين عليه ..
أبوها : الله يكملك بـ عقلك .. وباس راسها وقفت وباست راسه
وطلعت من عندهـ تجر رجولها جرر ..



دخلت جناحها وقفلت ع حالها تأقلم نفسها عشان ماتنفضح إذا نزلت عند عماتها وبناتهم .. جلست ع سريرها تفكر بـ القرار إللي اتخذته .. خلاص .. راكان من أسبوع ارتبط فـ غيرها .. وإهي ذا الحين كملت إللي صار ووافقت ع الوافي .. خلاص مافي أي أمل .. صارت ذا الحين تحرم عليه واهو نفس الشيء .. إهي متأكدهـ مابعد أستوعبت إللي صار كله من خطبة رااكان إلـى موافقتها ع الوافي .. 'الوافي' وقفت شوي عند هـ الأسم .. شـ ذنبه فـ هذا كله ؟؟ .. يرتبط فـ وحدهـ روحها بـ غيرهـ ماتقدر تتحكم بـ شعورها .. وإهي ولا تعرف عنه إلا اسمه وعمرهـ وشنو ماسك ,, ماتعرف لا شكله ولا طبعه .. كيف بتتعامل معاهـ بعدين ..؟؟!! إهي المعروف عنها حنونه رومانسيه طيبه وفوق هذا عنيدهـ .. والوافي ياترى نفس اطباع اخوانها وعمانها وخوالها واولاد عمانها وإلا غير ..؟؟ .. أكيد غير لإنو هذيل كلهم تربيتهم وحدهـ واهو تربيته غير ... لكن أبوها يمدحه ويشوف فيه تربية أولادهـ .. آهـ .. أبوها .. لو تقدر رمت حالها بحضنه وطلعت كل إللي بخاطرها من غدر راكان لها ,, عشان تحس بـ إنو أحد يعرف بـ مصيبتها ويحميها ويطلعها من إللي إهي فيه .. لو ماشافت تحمس أبوها لـ الوافي كان ماوافقت عليه .. آهـ .. لو تقدر كان شالت قلبها من داخلها بكل قوهـ وإرتاحت للأبد .. لكن ويينها ووين الراحه وإهي بتعيش عذاب فـ عذاب الأيام الجايه .. تعرف كل العائله بينصدمون بقرارها الجديد .. شـ ترد عليهم .. إللي أحبه كان يضحك علي وخطب غيري .. فضل بنت خالته ع بنت عمه إللي يستهبل وياها .. آهـ .. ومع هذا مانزلت لها اي دمعه .. متعذبه .. خاطرها تطلع كل إللي بداخلها بدموعها وتتركها تنزل ليما تشوف إنو مابقى دمووع .. محتاجه لـ أي أحد يجي لها ذا الحين وتحضنه .. تعوذت من الشيطان ورجعت شعرها ورا وقامت للمرآيه تشوف شكلها قبل تنزل وإلا ترسم إبتسامه ولا أحلى وتتصنع الضحك والفرح .. ماتبي أحد يعرف عن موافقتها الليله لإنو باقي ما أستوعبت وجرحها لسا بدأ ينزف .. ولا تبيهم يسألونها .. إهي نفسها ماعندها إجابه لـ نفسها مو يجي غيرها ويسأل .. لما جت تطلع من غرفتها .. إلا هذا موبايلها يدق ..

 

منتدى 37 درجة

آخر مواضيعي

0 تعال الشتاء بلش يغازل حمام الدار sms - mms
0 اضحك بسني واختم الضحك بشهاق mms - sms
0 صور ورمزيات ممثلين يابانين + كورين - ليه تتركني في وقت انا فيه أحتاجك { تجميعي }
0 بالصور اب يعذب طفلته والسبب انها انثي وليست ذكر
0 توبيكات ملونه وصور للماسنجر - لا تعتذر المهم انك جفيت وهذا طبعك
0 دوري زين السعودي 2010-2011 الأسبوع الخامس عشر [ الهلال Vs الحزم ] [ الأهداف(ياسر)
0 صور مسن - لاشئ سوى القليل من الجنون

  رد مع اقتباس
قديم 10-31-2010, 06:00 PM   رقم المشاركة : 11
كلي حلا
مِشّشًتَاآأإقْه لِكْ ..
 
الصورة الرمزية كلي حلا
Icon26 رد: روايه معشوقي كلي معاك معاك حتى للهلاك / كاملة

بسم الله الرحمن الرحيم

تمضي الليالي الليالي والزمن فينا يدووور
ويبقى الشعور بداخلي نفس الشعور
ياخوي ياعزوتي ياضحكتي وابكاي
يامن ع فزعتي يمينه فـ يمناي .. 'w' شموخ دنيتي 'w'

تمنت كل شيء بهـ الوقت إلا إنو أحد من أخوانها يتصل فيها .. أكيد بيكتشفون من صوتها وحاسين فيها عشان كذا اتصلوا .. رجع الموبايل يدق مرهـ ثانيه و خذت نفس ,, وردت : آلو ,,
وسام توأمها أكيد يحس بكل شيء تمر فيه : ـــــ
وسن تخفي آلمها وعذابها : حبيبي فيك شيء ؟؟
وسام بطبعه الحنون : إنتي إللي فيك شيء ..
وسن تحس إذا بس بـ تتكلم بكلمه وحدهـ بس بيطلع كل إللي بداخلها : ــــــــــ
وسام بنفس حنيته : وينك إنتي ..؟؟ بـ أجي لك ..
وسن تحاول تضبط نفسها وتغصب نفسها ع الضحكه : ههههـآآي ,, وين تجي ناسي إنو بنات عماتي هنا { الكذب حبله قصير }
وسام : وإنتي ناسيه إنهم كلهم راحوا ..
وسن أنصدمت : ـــــــــــ
وسام : إحنا لسا باقي عندنا تركي وهذا اهو يوقف بيروح .. إنتي وينك ؟؟
وسن : ما يحتاج .. أـنا راسي مصدع وبنام .. أقابلك بكرهـ إن شاء الله ع الفطور .. تصبح ع خير { وبهمس }بيباي .. وقفلت .. ماتبيه يرد عليها ولا تبيه يجي لها ..
وسام يناظر الموبايل مصدوم ,, اهو حس بـ شيء يضغط ع نفسه ولا يقدر يتنفس ع طوول جا فـ باله وسن وأتصل فيها .. ولما ردت تأكد إنو فيها شيء مضايقها .. لكن مارضت تعطيه فرصه ..
حاتم واهو يكلمه : يـ أبو الشباب ماعندك نيه تطلع من المجلس ؟؟
وسام مو منتبه له : شـ قلت ؟؟
حاتم : خير شـ فيك ؟؟
وسام : وسن .
حاتم أخترع قال بسرعه : شـ فيها ؟؟
وسام واهو متضايق : في شيء مضايقها ولا عطتني فرصه وقالت بتنام ونتقابل بكرهـ ع الفطور .. وقفلت ..
خالد : غريب
حاتم : طيب خلنا نروح نشوفها امكن مابعد نامت
وطلعوا من المجلس للدور الثاني .. ووصلوا لـ جناحها حصلوهـ مقفل .. ومو بـ العادهـ تقفله .. طق خالد الباب ونادا عليها .. ولا ردت .. قال : يمكن جد نامت
وسام مو قلقان : ما أدريي
حاتم يحاول يخفف عليه : يارجال إن شاء الله مافيها شيء .. روح نام وبكرهـ إن شاء الله يصير خير
خالد : لا تحاتي يلا تصبحون ع خير
كلهم : تلاقي خير
وراح كل واحد لـ جناحه ..

"ها شـ قلتي ؟؟"
أم خالد تفكر : طيب .. الوافي والنعم فيه لكن ولد أخوك شـ راح تقول له ..؟؟
أبو خالد : إنتي عارفتني ماعطيت كلمه لـ أحد وولد أخوي ماتكلم رسمي بعد هذيك المرهـ .. وأـنا ماغصبتها ع شيء .. إهي وافقت من نفسها ..
أم خالد أنصدمت : وافقت ؟؟
أبو خالد : إييه وافقت وإللي فهمته من كلامها إنو إذا إنتي وإلا أحد من أخوانها معترض ع هـ الشيء .. خلاص يتكنسل كل شيء ..
أم خالد : أهم ماعلينا مصلحتها وهذي حياتها وربي يوفقها ويستر عليها ..
أبو خالد متأكد زوجته ما راح ترفض : آمين يارب ..
أم خالد : ماقلت لك .. عزام خطب ريم بنت فهد وردوا لهم إنهم موافقين وبعد يومين خطبة الرياجيل الرسميه ..
أبو خالد مبسوط خبرين حلوهـ بـ نفس اليوم : الله يوفقهم .. عزام رجال وريم تستاهل كل خير ..
أم خالد : اللهم آمين ..

فيصل منهبل : خير يعني ماهي موافقه ؟؟
أم فارس : ياقلبي إهي ماقالت ماهم موافقين لكن حسيت كذا ..
فيصل : يُمه لا يكون البنت مخطوبه ؟؟
أم فارس : لا ..
فيصل : طيب يمكن واحد من عيال عمي سُلطان يبيها لإنها بنت خالتهم ..
أم فارس : لا حووول .. لا أـنا سأله جوهرهـ تقول ماهي معطاهـ أحد ولا فكر فيها أحد من عيال خالتها ..
فيصل : طيب .. إللي مو موافق البنت وإلا الأم ؟؟
أم فارس : الأم ماهي مقتنعه شكلها وإلا البنت ما أدري عنها ماكلمتها .. والشهادهـ لله قلت لها كل شيء عنك ..
فيصل وصلت معاهـ الولد مرتاح لها من تكلمت أمه عنها ولا يبي غيرهـا وتجي أمها ترفض كذا والمشكله مافيه شيء ينعاب رجال ونعم التربيه : يصير خير .. وطلع لـ غرفته ..
أم فارس تدعي لـ ولدهـا : يارب تكتبها من نصيبه ولا تحرق قلبه عليها ..


يوم الثلاثاء الصباح .. قبل لا ينزل أبو خالد تحت مر ع غرفة بنته وطق الباب وفتحت له
وسن وإهي تبوس أبوها : أهلين يبه حياك تفضل
أبوها واهو يتبسم لها : هلا فيك يابابا .. كيفك اليوم ؟؟
وسسن : بشوفتك تمام التمام
أبوها : إن شاء الله ع طوول .. بابا إنتي إلـى الآن ع موافقتك وإلا غيرتي رآيك لإني مابعد عطيتهم كلمه ..
وسن : ياروحي إنت .. أـنا قلت لك موافقه .. { وقالت تريح ابوها }وبعدين أـنا مرتاحه له
أبوها يستهبل : ترا أسمه الوافي
وسن بضحكة حيا : لو أسمه سُلطان مانسيته
أبوها يحضنها واهو يضحك : ههههههههههه .. حبيبة أبوك .. أخر كلامك ..
وسن : نعم طال عمرك ..
أبوها : يعني أرد لهم خبر ..
وسن : يبه المفروض رديت لهم من خطبوا منك .. إنت أبوي واكيد تعرف تختار لي الصح ..
أبوها : صدقيني الوافي ونعم الرجال .. وبـ إذن الله ماراح تندمين فـ يوم إنك وافقتي عليه .. الله يوفقك يبه .. فطرتي وإلا لا ؟؟
وسن : ما أفطر إلا الجمعه الحلوهـ
أبوها : أجل نزلنا .. ونزلوا واهو حاضن بنته من الجنب وإهي حاطه إيدها ورا ظهرهـ ..

تحت بـ غرفة الطعام ..
وسام : غريبه أبوي ووسن وين ؟؟
أم خالد : بينزلون ذا الحين ..
إلا هذا سُلطان داخل واهو حاضن بنته : السلام عليكم ..
الكل يناظرون متعودين ع حركات ابوهم مع وسن لكن أول مرهـ بـ الصباح : وعليكم السلام .. جلسوا وسموا بـ الله وافطروا .. وسن انتهت من الفطور وقامت لـ غرفتها عشان تنام لإنها طوول الليل النوم مجافيها من التفكير ..
أبو خالد : ترا وسن وافقت ع الوافي ..
أخوانها أنصدموا .. صحيح يتمنون تاخذهـ لكن كانوا عارفين أختهم لـ راكان وراكان لها .. ومستحيل توافق ع غيرهـ
وسام شرق بـ لقمته وجلس يكح ..
خالد : وافقت وافقت ..
أبو خالد : إيه وافقت ..
خالد : مامداها تفكر .. واساساً ماتعرف عنه شيء .. ولا سألتنا عنه ..
أبو خالد : من بعد ماطلعت من عندكم البارح واـنا مكلمها وعطتني الموافقه ع طوول ..
حاتم : طيب يمكن تغير رآيها ..
أبو خالد : قبل لا أنزلكم مريت عليها وتكلمت معاها وقالت إنها مرتاحه له من تكلمت عنه ..
وسام : ــــــــــــــــــ
أم خالد : بعدين شـ فيه الوافي ونعم الرجال .. يكفي إنه نفسكم ..
أبو خالد : مو هذا إللي تبونه إنتم كلكم .. أنها توافق عليه .. وخلاص هذا إهي وافقت .. والله يوفقها معاهـ .. وقام طالع للشركه .. وأم خالد طلعت فوق لـ بنتها ..
حاتم يعرف أخته عدل : غريب ..
خالد : من جد
وسام : لا غريب ولا شيءء .. { وكمل ورمى القنبله } راكان ترا قبل أسبوع خطب بنت خالته إذا أنتو ماتعرفون ..
هنا من جد أنصدموا .. يعني أختهم ماوافقت ع الوافي إلا وإهي عندها خبر إنو راكان خطب غيرهـا .. راكان ؟؟ مستحيل .. يصدقون .. يعني المصيبه والصدمه من راكان مو من وسن ..
حاتم فاتح عيونه ع الأخر : فـ ذمتك ؟؟
وسام : وإللي خلقني .. أتصل فيني نايفف وقالي .. وقال إنو زواجه بعد شهرين ..
خالد : وسن عرفت ؟؟
وسام : ماقلت إلا لـ وسن ووتين بسس..
حاتم : متى خبرتها ؟؟؟
وسام : قبل يومين .. سكتوا شوي ثم تكلم حاتم ..
حاتم واهو منفعل : مستحيييييييل .. راكان أـنا أعرفه زين .. مستحيل يسويها ..
خالد : ترا إللي تتكلم عنه راكان وراكان إحنا نعرفه .. وإذا كان كلامك صحيح .. صدقني حتى قبل لا ينوي يخطب بيقول لنا .. راكان لا يغرك ضحكه وهباله معانا تراهـ بـ التعامل أفضل من أبوهـ إللي اهو عمنا .. أطلع من مخي إنت واخوهـ هذا إللي ينقل سوالف بس ..
وسام :
وسام : حتى نايف حذرني ما أقول لـ أحد عشان الخبر مايوصل لـ الكبار ويحوسون عمي كيف يخطب لـ ولدهـ وله أسبوع ومن غير لا يعرفون ..حاتم : بـ حريقه اهو وإللي معاهـ ..
حاتم وخالد يناظرون بعض مو مصدقين .. وطلعوا للشركه ..

وتين مصدومه : نعم ؟؟
وسن : مثل ماسمعتي ..
وتين : حبي وسن ترا ياسر ع طووول كان يقولي إني ما أسمع عدل .. وذا الحين تأكدت ..
وسن : أستغفرالله ياربي .. وتين أـنا وافقت ع إللي تقدم لي ..
وتين : مجنونه إنتي .؟؟
وسن : الحمدلله يمكن بهذا القرار أكون أثبت لـ نفسي إني عاقل بدل الجنون إللي كنت عايشه فيه ..
وتين بـ خوف ع بنت خالها وصديقتها الروح بـ الروح : فكرتي عدل قبل لا تقررين ..
وسن : ياحبني لك .. التفكير إنتهى وقته .. شـ حصلت من التفكير غير إني مهمشه بـ حيات غيري ..
وتين عصبت : ياكل تبن الحقير مايسترجي يهمشك .. { وكملت بقوهـ }إنتي ناسيه إنتي بنت منو .. ردي علي بنت منو ؟؟
وسن : مو ناسيه .. لكن غيري إللي نسى { تقصد راكان }
وتين : قلعته .. قدرهـ بنت خالته المتخلفه ..
وسن : الله يوفقهم .. هذا إللي نقدر نقوله ..
وتين ودها تطلع لـ بنت خالها وتتوطى فـ بطنها وترجع .. ع إللي سواهـ فيها إلا إنها مستهينه بـ الموضوع ولا كأنه غدر فيها : تتكلمين جد ؟؟
وسن شوي وتصيحح قالت بهمس : يس ,,
وتين من سمعتها تقطع قلبها عليها : حياتي إنتي .. بـ الكثير ربع ساعه وأكون عندك إن شاء الله ..
وسن بنفس وضعها : أوكي .. وقفلوا ..

نزلت وتين ركض لـ أمها ..
وتين : يُمه يُمه ..
أمها : خير إن شاء الله شـ عندك ؟
وتين : بروح لـ وسن ..
أمها : لسا ما صارت الساعه 9 الصباح ..
وتين : تُكفين يـ الغاليه .. وسن محتاجتني ..
أمها بخوف : عسى ماشر .. فيها شيء .. { وعصبت } تكلمي .
وتين : الوافي ولد ابو الوافي مو جاي يخطبها أمس ..
أمها بـ حماس : أبوك وأخوانك قالوا لي ..
وتين : وافقت ..
أمها مابعد أستوعبت : طيب .. ءءءءء .. { بـ صدمه } وشهوووو ؟؟؟؟؟؟
وتين : وافقت عليه ..
أمها : وراكان ؟؟
وتين بـ قهر وطنازهـ : ولد أخوك هذا إللي مسوي فيها متيم بـ وسن .. واهو أكذب خلق الله .. أـنا ماعمري كرهت احد لكن ذا الحين أكرهـ ما أشوف راكان .. ما آلومه طالع ع خالاته الحقيرات نفسه .. وبعدين اهو الخسران .. وسن مستواها آرقى من مستوى الحقير هذا ..
العنود أنصدمت من تصريح بنتها وقالت بعصبيه : أحترمي نفسك .. كلش ولا راكان ..
وتين بضحكة إستهزأ : ههههـآآي .. راكان الغفله .. ما أححد يلومني وهذا قليل ع إللي سواهـ بـ وسن ..
العنود بعصبيه : وش مسووي .؟؟ ..
وتين رمت القنبله : خاطب بنت خالته التافهه .. قبل أسبوع
هنا أنصدمت العنود : نصاااااااااااابه ..
وتين : هذا كلام أخوهـ الصغير ..
العنود بعدم تصديق : كذاااااااااااااااااااااااب ..
وتين : كيفك .. ماعاد يهم وسن أساساً لإنه مايستاهل .. وطلعت من عند أمها مقهورهـ من ولد خالها هـ الحقير بـ نظرها .. ولو بـ إيدها تحصل أحد يوديها الرياض تتوطى فـ بطنه وتعطيه كم كلمه قاعدهـ تقرقع بـ قلبها وترجع .. لكن وين .. مستحيل يصير هـ الشيء .. صحيح جت فـ بالها فكرهـ تتصل فيه وتشرشح فيه وتقفل بـ وجهه بعدين تراجعت عشان مايصدق نفسه إنو وسن باقي تحبه .. { العنود تقلب الموضوع براسها .. مستحيل هذا راكان يعني يخدعني ويقابلها وأـنا راضيه ويروح بعدها ع طول يخطب غيرها .. أـنا مايهمني نفسي .. أهم شيء وسن شـ صار لها لما عرفت .. ؟؟ يخدها يستهبل عليها .. ع باله من البنات إللي يعرفونهم بـ النت وإلا المجمعات .. هذي بنت عمه .. ويلك مني ياراكان .. }

بـ الشركه بدر واهو يدخل ع حاتم ..
بدر : جيت بـ أدخل عند خالي قالي السكرتير إنو الوافي صاحب شركه الـ(ــــ) داخل عند خالي وإنو خالي طالب منه مايدخل أحد نهائياً ..
حاتم : هذا أبو نسب أكيد مايبي أحد يدخل عليهم ..
بدر : ههههههههههههههههههههه .. مصدق نفسه إنه أبو نسب ..
حاتم رافع حاجب : ليش مايصدق نفسه ؟؟
بدر متأكد : لإنو ما راح يصير .. نفسه نفس اي واحد ترفضه بنت سُلطان وبيكمل عليه سُلطان وبيكرشه من الشركه كلها ..
حاتم واهو مندمج بـ الأوراق : لا .. الواافي صار نسيب وخلص ..
بدر متنح : نعم
حاتم : ينعم بحالك .. مثل ماسمعت ..
بدر : يعني وافقتوا خلاص ..؟؟
حاتم يصحح له : قصدك وسن وافقت
بدر : تتكلم جد ..
حاتم : وليش أستهبل عليك ..
بدر : طيب .. اهو شـ يسوي هنا ؟؟
حاتم : أكيد ياخذ الموافقه ويتفقون ع كل شيء ..
بدر بعدم تصديق : يعني خلاص
حاتم : الله يوفقهم ..
بدر طلع من عند حاتم وبدل لا يروح لـ مكتبه دخل ع مكتب أخوهـ تركي .. وحصل الأخوان الكبار مجتمعين ويسولفون { تركي وفارس وسعود وحمد } : خالي قاعد يتجول بـ الشركه يعني بيدخل عليكم ذا الحين أطلعوا قبل لا يعلمكم أماكنكم عدل ..
الشباب ارتبشوا هذا سُلطان إللي يتجول بـ الشركه مو أي واحد من ابأئهم .. قاموا واتجهوا للباب بيطلعون ..
بدر : هههههههههههههههههههههههههههههههههههههههه.. والله إنكم خوافين
فارس معصب : تستهبل إنت ووجهك ؟؟
سعود : فارق من هنا أحسن لك ..
بدر : ههههههههههههههههههههههههههههههههههههه ..
حمد : الحمدلله الولد مستخف
بدر رجع لـ وضعه وبكل جديه : والله شكلي بـ أستخف من إللي سمعته ..
تركي : خير شـ إللي سمعته ..؟؟
بدر : أبد كنت رايح لـ مكتب خالي سُلطان وقالي السكرتير إنو الوافي عندهـ وأبو خالد مايبي أحد يدخل عليهم ..
سعود : حمدلله هذا إللي مخليك بـ تستخف ؟؟
تركي : من جد حمدلله .. عادي جاي أكيد بينهم صفقه وإلا شيء يخص الشغل أكيد ..
بدر : لا ياحلوين انتظروا ليما يجيكم الخبر إللي من جد بتستخفون منه
حمد : حشى .. السي ان ان ... مو بدر بن صالح ..
فارس : ههههههههههههههههههه .. صادق
بدر : أقول بتسمعون وإلا دورا أحد يقولكم لإنو مافي أحد يعرف بهـ الشيء إلا أـنا ..
تركي : شعندك ؟؟
بدر : ورحت لـ مكتب حاتم بما إنو خالد مايجي هنا إلا من وقت لـ وقت عشان يدرس المشاريع الجديدهـ ..
سعود : طيب ما أحد قالك تذكرنا خالد شـنو وظيفته هنا
حمد وفارس : ههههههههههههههههههههههههه
تركي : لحظه .. كمل يابدر ..
بدر : الله يخليك .. وقلت له إنو الوافي هنا ,, وخالي مايبي أحد يدخل عليهم .. قال حاتم : أكيد هذا أبو نسب والوالد مايبي يدخل احد عليهم .. قلت وأـنا أستهبل هههههههههههه مصدق نفسه إنه أبو نسب قالي حاتم وليش مايصدق نفسه { تركي وسعود وفارس وحمد شدهم الكلام } قلت واـنا أستهبل نفسه نفس إللي قبله رفض من بنت سُلطان وكرشه من سُلطان ولا يعتبون الشارع إللي فيه الشركه .. قالي حاتم .. الوافي صار نسيب وخلص .. الصراحه أـنا ماصدقت مع إنو حاتم بـ العادهـ جدي .. لكن قالي إنو البنت وافقت واكيد جاي ياخذ الموافقه ويتفقون ع كل شيء ..
تركي : تستهبل ؟؟
سعود : هذا طول عمرهـ نصاب
فارس : قول شيء يدخل العقل
حمد : لا شوفوهـ شكله صادق لإنو باين عليه الصدمه ..
بدر : وإللي خلقني هذا كلامه .. البنت وافقت واهو عند خالي يتفقون ..
تركي بينهبل : وراكان ؟؟؟؟؟؟؟؟؟؟؟؟؟
بدر : علمي علمك
فارس : ما أتوقع
بدر : شـ إللي ماتتوقعه .. البنت وافقت والموافقه وصلت له خلاص
سعود : لحظه بجيب لكم الخبر الأكيد ويطلع جواله ..
حمد : من وين ؟؟
سعود : وتين تعرف كل شيء . . بتصل فيها بسألها
حمد : الحمدلله .. تلاقيها نايمه ذا الحين
سعود : إذا كان ماعندها خبر بتكون نايمه .. وإذا عندها خبر بترد ع طوول
تركي : الصراحه أول مرهـ أخت تنفع بـ شيء
الشباب : ههههههههههههههههههههههههه
سعود : حرام عليك .. بعرف ليش ماتهضمها ؟؟
فارس : ماتعرف تركي وتفكيرهـ .. مايحب البنات إللي ع طووول يزورون غيرهم .. يعني يبي كل شيء بـ المعقول ..
تركي بطبعه واهو يأشر ع فارس : صح عليك ..
إلا لما ردت وتين والصوت واضح إنو فيه شيء .. سعود يأشر لهم يعني فيه إنّ : هلا بـ أوخيتي
وتين : أهلين بـ خيو
سعود : شـ عندهم النفس زفت ؟؟
وتين : أبد عند وسن
سعود واهو يغمز للشباب : وإذا عند وسن تصير النفس زفت خبري نفسك تصير ولا أحلى
وتين : بس .. وسن وافقت ع الوافي ..
سعود أنصدم يعني الكلام صحيح : طيب ووو... { سكت }
وتين فهمت عليه : بقول لك بس ما أحد من الكبار يعرف ..
سعود : أكيد
الشباب يناظرون شكل سعود واهو يتغير من الصدمات إللي يسمعها : ـــــــــــ
وتين : وتلومها لما وافقت
سعود ثواني واهو ساكت وقال : الله يلوم إللي يلومها .. وإن شاء الله ماهي خسرانه ع موافقتها ع الوافي .. باركي لها بـ النيابه .. { الشباب انهبلوا يعني صحيح سحبت ع راكان ووافقت ع الوافي وبـ الأخص تركي إللي يفكر كيف صديق عمرهـ بيتقبل الخبر واهو يعشقها }
وتين شوي وتصيح : سعود وربي مقهورهـ منه .. وإللي قاهرني زود وسن ماهي معبرهـ الموضوع .. ولا كأنه أحد خانها .. لكن الأكيد إنها تكابر وهذا مو من صالحها ..
سعود بحنيه : ماعليه ياقلبي خليك عندها وحاولي تسهلين الموضوع عليها لا تكبرينه .. وادعي لها بـ التوفيق ..
وتين : ماشي
سعود : يلا مثل ماوصيتك .. سلام ..
وتين : سلام .. ووقفلت ..

تركي بعصبيه مخفيه : شـ السالفه ؟؟
سعود : ماتنلام بعد إللي سمعته .. وربي ما آلومها لما وافقت
تركي بدأ يطلع من طورهـ : شـ السالفه ؟؟
سعود فـ نفسه إهي خربانه خربانه خل يقولهم عن ولد خالهم : راكان قبل أسبوع خطب بنت خالته ..
فارس : نعم
حمد : من جدك ؟
تركي : أكيد تستهبل
سعود قالهم سالفة نايف كلها وإنو مايعرف بـ السالفه إلا وسن ووتين ووسام ..
تركي : طييييييييييير مستحيل ..
سعود : كلام اخوهـ ,, وأتوقع أخوانها عندهم خبر عن السالفه ..
فارس: راكان ..؟؟ من غير مانعرف
حمد : اتركنا إحنا ماعلينا .. المشكله فـ بنت خالي المسكينه إللي معروف إنهم لـ بعض وومعروف إنهم ــــــ { سكت مايقدر يقول إنهم يحبون بعض } ..
بدر بكل قوهـ : هذي بنت سُلطان ماهي مسكينه . .{ وبحمية الأخو } الدنيا ماوقفت ع راكان .. الحمدلله هذا إهي وافقت ع الوافي والوافي والنعم فيه ..
تركي : ماني مصدق .. يخطب ولا يخبرنا والمشكله صار له أسبوع
سعود : لا وابشرك .. زواجه حددوهـ بعد شهرين
أنصدموا .. وتركي عصب من جد : خير إن شاء الله
فارس بطبعه العاقل : يارجال الله يوفقه .. وأكيد عذرهـ معه
تركي : ماتجي ع رااكان صدقني ..
بدر يكلم تركي : تتصل فيه تسأله وإلا أتصل أـنا ..
تركي : خلني شوي واتصل فيه .. واعرف السالفه من جد ..

فـ أكبر وأفخم مكتب بـ الشركه .. طلع الوافي والدنيا ماهي سايعته من وناسته .. إللي يبيه صار .. وسن بنت سُلطان الـ (ــــ) وافقت عليه شيبي أكثر من كذا .. اتصل فـ أبوهـ وخبرهـ وابوهـ أستانس له من قلب وقاله يتصل فـ أبو خالد ويتفقون ع الملكه ,, واتصل فـ أخوهـ إللي من وناسته لـ أخوهـ شوي ويقوم يرقص ..

"سلام حاتم وينك بـ مكتبك ؟؟"
حاتم رافع حاجب ع جدية فيصل : وعليكم السلام .. إيه بغيت شيء ؟؟

فيصل : بجي لك ذا الحين
حاتم : حياك تعال .. وقفل وبعدهـ بـ خمس دقايق دخل فيصل عليه وجلس ..
حاتم : صاير شيء ؟؟
فيصل : بتكلم بصراحه
حاتم : واـنا ما آبي غيرهـا .. قول شـ عندك .؟؟
فيصل : أمي اتصلت فـ خالتك تخطب لي بنتها .. لكن خالتك الواضح من كلامها إنها ماهي مواففقه .. وأـنا ما آبيها ترفض .. أـنا الصراحه أرتحت للبنت ولا آبي غيرهـا .. دبر لي صرفه مع خالتك هذي ..
حاتم : هههههههههههههههه .. شكلك طايح وما أحد سمى عليك
فييصل بكل صراحه لإنو ما أحد بيساعدهـ غير حاتم : وبقوووووووووووهـ .. تُكفى شف لي حل ..
حاتم ثواني واهو يفكر بعدين قال : طيب البنت رافضه وإلا لا ؟؟
فيصل : هذا إللي ذابحني الأم شكلها بترد من غير لا تاخذ شوور البنت ..
حاتم يفكر ثم قال : شوف إذا ضمنا موافقة البنت خلاص أترك خالتي ع أمي ..
فيصل : هذا البلا .. كيف نضمن موافقتها ؟؟
حاتم : ماراح يجيبها لك إلا بنت سُلطان ..
فيصل : والله ونعم الأخت ..
حاتم : أـنا بكلمها لك ذا الحين عشان تكلم البنت وتشوف رآيها وترد لنا ..
فيصل متحمس وبقوهـ : الله يوفقك ويسلمك ..
حاتم يدق رقم وسن واهو يتبسم : هلا حبيبتي
وسن : هلا قلبي
حاتم : كيفك ؟؟
وسن : من أسمع صوتك أصير بخير .. إنت شو عامل ..
حاتم واهو يتبسم : نفس جملتك ..
وسن : هههههههههههههـآآي .. حياتي شكل عندك أحد ..
حاتم : إيوا .. ومكلمك آبي منك خدمه
وسن بحبها الكبير لـ أخوها : أمرني حياتي ..
حاتم : تسلمين .. فيصل ولد عمي بيخطب مشاعل بنت خالتي وخالتي الواضح من كلامها ماهي راضيه .. فـ إللي آبيه منك تشوفين رآي البنت قبل لا نعطي خبر لـ أمي تتفاهم معاها ..
وسن : مالها حق ترفض وإهي ماتعرف شيء عن الولد وفيصل والنعم فيه .. ذا الحين أتصل فيها واشوف ردها وارجع لك ..
حاتم :أوكي .. باي
وسن : بيباي ..

 

منتدى 37 درجة

آخر مواضيعي

0 تعال الشتاء بلش يغازل حمام الدار sms - mms
0 اضحك بسني واختم الضحك بشهاق mms - sms
0 صور ورمزيات ممثلين يابانين + كورين - ليه تتركني في وقت انا فيه أحتاجك { تجميعي }
0 بالصور اب يعذب طفلته والسبب انها انثي وليست ذكر
0 توبيكات ملونه وصور للماسنجر - لا تعتذر المهم انك جفيت وهذا طبعك
0 دوري زين السعودي 2010-2011 الأسبوع الخامس عشر [ الهلال Vs الحزم ] [ الأهداف(ياسر)
0 صور مسن - لاشئ سوى القليل من الجنون

  رد مع اقتباس
قديم 10-31-2010, 06:02 PM   رقم المشاركة : 12
كلي حلا
مِشّشًتَاآأإقْه لِكْ ..
 
الصورة الرمزية كلي حلا
Icon26 رد: روايه معشوقي كلي معاك معاك حتى للهلاك / كاملة

بسم الله الرحمن الرحيم

الجـزء >> 7 <<



" أـنا بتزوج "
أبو خالد : الثالثه ؟؟
أبو فارس : إيه .. الشرع محلل أربع وهذا من حقي ..
أبو خالد :ما قلنا شيء .. لكن حريمك الثنتين وعيالك وبناتك إللي توهم صغار
أبو فارس : حريمي معززات مكرمات فـ بيوتهم وعيالهم كبار والبنات قلتها صغار .. واـنا ما راح اسوي شيء حرام وإلا عيب
أبو تركي : ماهو حرام ولا عيب .. لكن بعد هـ العمر ؟؟
أبو فارس : الزواج ماله عمر محدد والحريم بـ أعدل بينهن
أبو سعود : يمكن تطيح فـ وحدهـ ماهي مثل الطيبات إللي عندك وتبتلش فيها ..
أبو فارس : ماهو عبدالله بن فارس إللي تغيرهـ وإلا تغير حياته حرمه .. واـنا لقيتها .. وحدهـ ملتزمه أهلها أهل دين وأخلاق وهذا إللي آبيه ..
أبو خالد : دامك مختار .. أجل الله يوفقك ..
أبو تركي : ومتى بتقول لـ أهلك ؟؟
أبو فارس : اليوم إن شاء الله .. وقبل بـ أمر ع الوالد والوالدهـ وبخبرهم
أبو سعود وابو تركي : الله يوفقك
أبو فارس : آمين ..

مشاعل بصوتها الناعم : أهلين وسن
وسن بنعومتها ودللعها ورقتها : أهلين مشاعل .. كيفك قلبي ؟؟
مشاعل : بخير الله يسلمك .. إنتي شخبارك ؟؟
وسن : نحمد الله .. { دخلت لها بقوهـ } ماقلتي لي عن فيصل ولد عمي يـ النحيسه
مشاعل بحيا : سوري { وكملت بحزن } أمي ماهي راضيه عليه ..
وسن :طيب ليش ؟؟
مشاعل : ما قالت لي السبب ..
وسن : طيب .. إنتي شـ رآيك فيه
مشاعل مستحيه : ـــــــــــــ
وسن : ياهووووووووووهـ ترا أـنا ع الموبايل إذا ماتدرين
مشاعل بضحكه خفيفه : الصراحه
وسن : ما آبي غيرها ..
مشاعل : أـنا شفته مرهـ عندكم ولا نسيت شكله لكن مر الوقت عادي .. ولما أمه اتصلت فـ أمي تفاجأت وأمه قالت لـ أمي إنو الولد مايبي غيري .. وأـنا أستانست .. الوحدهـ مننا شتبي غير إنو شريك حياتها يكون مايبي غيرها .. { كملت بصوت وحدهـ مدمعه واصله بتبكي } لكن أمي قهرتني تقول لا .. { مشاعل بنت حساسه مرهـ وناعمه وتجنن }
وسن ماتبي أحد يتكلم عن الحب وسيرته وذا الحين مشاعل فاتحه مواضيع وفتحت معااها جروح ,, وسن تبلع غصتها : يعني إنتي موافقه عليه
مشاعل بـ إحباط : شـ فايدة موافقتي وأمي رافضه
وسن : خالتي أتركيها ع أمي .. الولد من جد شاريك .. واهو إللي طالب من حاتم إني أتصل فيك
مشاعل من جد حبته وبحيا : ربي يحفظظه
وسن تستهبل : أقول طيري إنتي ورومانسيتك إللي لو تحتفظين فيها ليما ليلة الدخله يكون أفضل ..
مشاعل هنا وجهها الوان
وسن : هههههههههههههههههههههههههههـآآي .. فديتهم إللي يخجلون .. يلا بيباي حبي
مشاعل : باي قلبي وقفلت ...

أبو سعد واهو يدخل الشركه .. ويدخل مخصوص مكتب رئيس شركاتهم إللي اهو ولدهـ سُلطان .. السكرتير يوقف أحترام لـ أبو سعد إللي كان ماسك الشغل وسلمه بعد ماكبر لـ ولدهـ سُلطان إللي من جد عقليته ممتازهـ وولو يراهنون مافي أحد مثل ذكائه وعقلانيته بـ كل شيء : تفضل طال عمرك .. ويفتح الباب لـ أبو سعد
أبو خالد واهو يشوف أبوهـ يدخل من الباب قام له بكل أحترام ومشى له ليما وصله وباس راسه وإيدهـ تفضل الله يطولي بـ عمرك
أبو سعد : يابوك لا يكون قطعتك عن شغلك
أبو خالد متأكد أبوهـ ماجا للشركه إلا وراهـ شيء : كل شيء يتأجل عشانك ..
ابو سعد : الله يخليك لي
أبو خالد : ويخليك لي .. إلا وهذا القهوجي يدق الباب ويأذن له أبو خالد بـ الدخول و دخل معاهـ القهوهـ لإنو السكرتير طالبها لهم .. بعد ماتقهوى أبو سعد .. وطلع القهوجي
أأبو سعد : يابوك طلبتك
أبو خالد : أـفأ يـ أبو سعد إنت ماتطلب إنت تأمر ع طول وأـنا علي أنفذ حتى من غيرلا أتكلم ..
أبو سعد : الله يبارك لك فـ عيالك .. يابوك أـنا جايك بطلب من ناس واـنا عطيتهم كلمه لإنك رفضت لا توافق لهم .. وآبيك الحين توافقني
أبو خالد :أمرني الله يطول ليي بعمرك ..
أبو سعد : أبو الوافي كلمني وطلبني إني أقنعك عشان تملك لـ ولدهـ ع بنتك بكرهـ لإنه بيسافر يوم الخميس الصباح ولا راح يرجع من غير شر إلا قبل عرس ولدهـ بـ أسبوع .. واهو يبيك توافق ع الملكه واـنا عطيته كلمه قبل لا يقولي طلبه ولما شفت طلبه شفته سهل .. ليش منت مملك لهم ..؟؟
أبو خالد هذا إللي مايبيه إنهم يدخلون أبوهـ بينهم واهو عطى أبوهـ كلمه .: يبه الله يطولي بعمرك .. البنت توها صغيرهـ ... وإهي وافقت عليه خلاص .. وأـنا ضد إني أملك لـ أحد يصير لنا قبل الزواج بـ فترهـ طويله . . هذي الدنيا ما أحد يضمنها ماندري وش كاتب لنا ربي ..
أبو سعد : إللي كاتبه الله بيصير .. توكل ع ربك وملك لهم ..
أبو خالد مايبي يحط بنته فـ موقف صعب ماهو ضامن شـ مخبي لها الزمن ولا يقدر يرد أبوهـ : أبشر بـ إللي تبيه يايبه ويبوس راسه .
أبو سعد : الله يرضالي عليك ويخليك ..
أبو خالد : هذي الدعوهـ تكفيني ..
أبو سعد واهو يقوم : يلا .. اشوفك إن شاء الله شوي .. مع السلامه
أبو خالد : بخفظه ..
أبو خالد جلس ع كرسيه وقال للسكرتير يتصل فـ أبو الوافي ويحول له الإتصال .. وحول له الإتصال واتفقوا إنو الملكه بكرهـ الأربعاء ..

حاتم : طيب شرآيها ؟؟
وسن : الصراحه ؟؟
حاتم : وسن أكيد هـ الأمور ماتنوخذ إلا بـ الصراحه .. قولي وماعليك ..
وسن : البنت مقتنعه فيه .. وتعرف إنو الولد شاريها .. لكن تقول شـ فايدة إقتناعي وأمي مو راضيه ..
حاتم أستانس : حلو .. وإذا ع خالتي ,, امي موجوودهـ الله يطول بعمرها .. بستئذن الحين وبجي لك نتفاهم مع أمي ..
وسن : أوكي أنطرك .. بيباي ..
حاتم : باي ..
فيصل ع نار : ها ,, موافقه ..؟؟
حاتم واهو يوقف : البنت موافقه وإذا ع خالتي أتركها لـ أمي ..
فيصل واهو شوي يبوس راس حاتم : الله لا يحرمني منكم ياعائلة عمي سُلطان ..
حاتم : ههههههههههههههههه .. يلا بـ الأئذن وادع من قلب ..
فيصل : من عرفتها وأـنا أدعي ..
حاتم : شكلك يأس وبقوهـ .. وطلع من عندهـ بيستئذن ويروح يتفاهم مع أمه .. مهما كان هذا فيصل ولد عمه ومثل أخوهـ .. ولازم خالته تفهم إنهم كلهم سوأ مافي فرق بينهم وإن فيصل ألف وحدهـ تتمناهـ ..

"ماهقيتها منك؟؟ "
راكان : ههههههههههههههههههههه .. شـ مسوي لك بعد ؟؟
تركي : أسأل نفسك يـ الخاين ؟؟
راكان : أـفأ .. خاين مرهـ وحدهـ
تركي : تخطب من ورانا وتحدد الزواج بعد شهرين ولا تقول لنا ؟؟
راكان : ههههههههههههههههه .. يالله فال زين ..
تركي عصب : تستهبل إنت وو جهك ؟؟
راكان مو فاهم شيء : أي خطبه ياروحي واي تحديد زواج ؟؟
تركي بينهبل : خطبتك قبل أسبوع لـ بنت خالتك وتحديد الزواج بعد شهرين
راكاان بجد : تركي .. الكل يعرف من آتمنى من زمان وإنها دنيتي ,, وإنت الوحيد إللي تعرف شـ إللي بيني وبينها بـ الضبط .. مستحيل أرتبط فـ غيرها .. يحرمون علي البنات كلهم إذا ماكنت هي زوجتي { يقصد وسن } ..
تركي أنهبل من جد : أسألك بـ الله ماخطبت بنت خالتك ولا غيرها ؟؟
راكان : يارجال قلت لك يحرمون علي كل بنات حوا إذا ماكانت وسن زوجتي ..
تركي بينه وبين نفسه خلاص ياركان أجل بيحرمون عليك البنات كلهم لإنو وسن صارت من نصيب غيرك .. بيموت ويذبح نايف إللي خرب بين أثنين يحبون بعض بيموت قهر ع ولد خاله إللي متيم فـ بنت عمه ولا حصلت له وبنت خاله إللي تحب وانكذب عليها إنو حبيبها فضل غيرها عليها والله يستر لا عرفت الحقيقه ..
راكان : يـ أبو الشباب وين رحت ؟؟
تركي بكل جديه : شوف بقولك شيء بس آبيك تكون محكم عقلك مو قلبك ..
راكان وكأنه حاس بـ شيء يخص وسن : قل تراك خوفتني ..
تركي قاله كل السالفه من مكالمة نايف لـ وسام إلـى موافقة وسن ع الوافي ..{ راكان شـ أقول عنه .. مع كل كلمه قلبه يتقطع مليون قطعه ,, والدنيا فيه تضيق ,, حلم حياته راح .. اهو كان ناوي يخطبها بعد اسبوعين ويجي اخوهـ الصغير وبكل سهوله ويخرب عليه واكيد بتدبير من أهله .. دنيته راحت خسر كل شيء وسن إللي يعشق تراب رجولها خلاص صارت لـ غيرهـ } ..
تركي بكل عقلانيه : ياخوك لا تسوي شيء وكل أمرك لـ ربك .. وإللي كاتبه ربي بيصير .. والبنت ماتنلام من إللي وصل لها وإلا أحد مايصدق أخوك .. وإهي ماوافقت إلا لما وصل لها خبر خطبتك الكذب وإلا إهي من قبل كانت ترفض ..
راكان بكل ألم وحزن : متأكد مثل ما أـنا متأكد من نفسي إنها كانت تبيني مثل ما أـنا آبيها ..
{ قال بصراخ } شيبوووووون فيني يخربون علي حياتي .. ياخي غير وسن ما آبي عيني ماتشوف إلا وسن وقلبي ماينبض إلا لها .. وفوق هذا أـنا كنت كلي لها ..
تركي حزنان ع صديق عمرهـ : ياخوك هونها وتهون
راكان بصوت متأثر : كيف أهونها وإهي بتكون ملك لـ غيري .. آهـ يـ القهر .. ماجربت إللي أـنا جربته ..
تركي : والله إني حاس بـ إللي إنت فيه .. لكن خلاص مابـ اليد حيله .. راحت بـ نصيبها ..
راكان بقوهـ : لااااا .. ما راحت وماراح تكون لـ غيري لو توصل للقتل .. { قال بعصبيه } وسن لي أـنا وبس ..
تركي يحاول يهديه لا يرتكب جريمه فـ اخوهـ إللي وصل الخبر وفـ الوافي إللي ماله ذنب : خلاص إنت رجال وحكم عقلك ..
راكان بـحزن يقطع القلب : ردوا عليهم ؟؟!!
تركي : إللي فهمته إنو الولد كان هنا من شوي ياخذ الموافقه من خالي ..
راكان بكل هدوء يخفي وراهـ بركان من القهر والغيرهـ : ترجع ترفضه
تركي فتح عيونه ع الآخر : صاحي أنت ؟؟
راكان بصوت عالي وبعصبيه : مجنون إن تركتها تروح { كمل بـ هدوء وآلم } لـ غيري ..
تركي حاس بـ ولد خاله وصديقه لكن مايقدر يأيدهـ ع إللي بـ راسه وبكل حكمه : راكان الله يرضالي عليك .. الواحد ماياخذ إلا نصيبه فـ هـ الدنيا وخلاص البنت جا لها نصيبها اليوم ,, وإحنا ماندري شـ إللي مكتوب لنا بكرهـ .. إنت بس وكل أمرك لـ ربك .. وربك إن شاء الله ماينسى خلقه ..
راكان سكت شوي ثم تكلم : الله كريم ..
تركي : أجل أنتبه ع نفسك .. ومثل ماوصيتك .. تامرني شيء قبل لا أقفل ؟؟
راكان : سلامتك يـ الغالي ..
تركي : يسلمك .. سلام
راكان : سلام .. قفل راكان واهو شايف إنو ماهو قد الثقه إللي زرعتها وسن بداخلها له إن تركها تروح لـ غيرهـ لو يدفعه هذا الشيء تقليل إحترامه عند الباقين .. أهم شيء وسن ماتكون لـ غيرهـ .. مايتخيل مجرد تخيل إنها تصير حليله لـ غيرهـ بيجن جنونه ع هـ إنها بتكون حليله لـ غيرهـ . . من كانت صغيرهـ واهو يحلم فيها وكبروا وكبر حبهم معاهم .. اهو يعرف إن وسن عندها خبر عن رفض أهله لـها .. وإهي متمسكه فيه ولا همها أحد .. واهو مايهمه تقبلوها وإلا ماتقبولها دام القلب مختارها والنفس كارهه غيرها .. يحس إنه مو قادر يفكر عقله قفل والنفسيه زفت والملامح ماتتفسر .. دنيته بتروح لـ غيرهـ واهو جالس ,, وكل هذا من تخاطيط أهله .. يحس إنه بحلم كل شيء وبـ لحظه ضاع منه .. مستحيييييييل وسن لا .. يصدق وإلا يكذب ..؟؟ ولو يشوف أخوهـ وإلا أحد من إللي كاررهين وسن ممكن يكفر فيه .. طلع من مكتبه واهو مو شايف أحد قباله ودخل مكتب زياد .. وسكر الباب ..

عند تركي .. مو قادر يكمل شغل .. الفكر مشغول بـ راكان ومصيبته إللي مايدري شـ سوى بنفسه ذا الحين .. خذا موبايله وتصل فـ خالد ولا يرد .. أكيد عندهـ إجتماع مع ناس كبار ولا يقدر يرد .. واتصل فـ حاتم ..
حاتم واهو يدخل السيارهـ لبيتهم : هلا تركي ..
تركي يخفي إللي فيه : هلا حاتم .. كيفك ؟؟
حاتم متأكد إنو تركي وصل له خبر موافقة أخته ومتصل يتأكد : تمام والحمدلله .. إنت كيفك ..؟؟
تركي : نحمد ربي .. مبروك موافقة وسن ..
حاتم : يبارك فيك وعقبالك إن شاء الله ..
تركي سكت شوي ومامدهـ يتكلم إلا حاتم متكلم : أعرف بتسأل ليش وافقت وراكان وخطبته منها ..
تركي : أعرف هـ السالفه .. لكن إللي ماتعرفه إنو راكان ماخطب ونايف أخوهـ لما أتصل يخبر وسام عن خطيبته كانت تخطيط من أهله ..
حاتم أنصدم .. : تتكلم من جد
تركي : توني مقفل من راكان ..
حاتم : راكان عرف ؟؟
تركي : للآسف
حاتم وبخوف ع ولد عمه وجنونه إللي ممكن يسويه لإنه يعرف شـ قد متمسك فـ وسن : شـ قال ؟؟
تركي : شوي ويستخف هذا إذا ما استخف إلا الآن ..
حاتم سكت ثواني بعدين قال : الواحد ماياخذ إلا نصيبه
تركي عارف تفكير حاتم : صادق .. أـنا حبيت أبين لك إن راكان ماخطب ع خطبة اختكم ..
حاتم بـعقلانيته : ولو ياتركي مايحتاج تعلمنا عن أخونا راكان .. إحنا نعرفه زين ..
تركي : بلغ خالد لإني اتصلت فيه ولا رد ..
حاتم : خالد عندهـ إجتماع وأكيد حاط موبايله ع الصامت .. ولا تشيل هم ..
تركي بتردد : الوافي خبرهـ خالي بـ الموافقه ؟
حاتم : إيه واتصل فيني ابوي وقالي إنو الملكه بكرهـ بـ الليل
تركي أنصدم 'الله يكون بـ عونك ياراكان مالك امل نهائياً' : خالي وافق ؟؟؟
حاتم : شفت عاد .. مدخلين جدي وسيط عشان ابوي يوافق وقدروا ..
تركي : أجل الله يعينهم ..
حاتم : هههههههههههههههههه .. أكيد ناويهم بـ نيه ..
تركي: ماهو سُلطان إذا مارجع لهم الحركه .. وإلا ينغصب ع شيء مايبيه ..
حاتم : الله يعين
تركي : آمين .. توصي شيء ؟
حاتم : سلامتك ..
تركي : سلام ..
حاتم : سلام ..

"حبيبتي خلاص"
وسن بكل آلم : آهـ ياوتين ..خلاص بصير ملك لـ غير راكان بكرهـ
وتين : إذا ماتبين مو غصب ..
وسن تكابر : وشو إذا ما آبي .. أـنا عطيت كلمتي وخلاص .. وراكان الله يوفقه فـ منى بنت خالته ..
وتين عصبت : لا تكابرين وتغطين ع نفسك .. قولي اهو الخسران وخلاص .. إرتاحي ..
وسن شوي وتصيح وبـ ضحكة طنازهـ ع كلام وتين : خسران ؟؟ متأكدهـ ما أحد خسر نفسي .. { وبصراخ } وإلا أـنا ينكذب علي ؟؟ شايفني من البنات إللي يتعرف الواحد عليهم بسهولهم ويتركهم بسهوله يخدعني يغدر فيني ..؟؟ وين كلامه وين وعودهـ لي وإلا كلها إستهبال فـ إستهبال { وبصوت اعلى } ويــــن؟؟؟ أـنا الخسرانه .. شوفي كيف يفكر فيني ذا الحين .. أكيد يقول إني هبلا ممصدقه كلامه .. وتين .. { وبصوت وحدهـ متعذبه } راكان إللي اعرفه غير عن راكان إللي أسمع فيه ذا الحين .. وربي إنو غير ..وانهارت تبكي بكا يقطع القلب .. وتين تأثرت معاها وحضنتها وجلست تهديها .. لكن وين تهدي وحدهـ تحب وإللي تحبه تركها وإهي راحت بـ نصيبها ياصعبه من شعور ..

زياد يناظرهـ بخوف : خير صاير شيء ؟؟؟؟؟
راكان بـ حزن : خلاص يازياد أـنا انتهيت
زياد أخترع مايدري شـ السالفه : خييييييييير شـ صاير .. ؟؟ تكلم
راكان : راحت لـ غيري يازياد راحت خلاص .. وافقت ع إللي تقدم لها ..
زياد مو فاهم شيء : منهي إللي راحت .. أـنا غبي ما أفهم ع طووول .. كلمني ع قد غبائي ..
راكان بـ صوت واحد شايف من الدنيا العذاب ليما قال يالله الحمد وبهمس : وسن
زياد أنصدم وصدمته خلته مايتكلم ..
راكان واهو منزل راسه : هذا إنت يـ إللي ماتعني لك شيء أنصدمت ولا تكلمت { وبصوت عالي واهو يضرب ع صدرهـ مكان قلبه } أجل هذا شـ يقول شـ يقول ياخوي ؟؟
زياد باقي مصدوم أخوهـ قاله قبل كم يوم إنه بيخطبها من غير لايعرفون أهله وبعدين بيحطهم امام الأمر الواقع .. وذا الحين داخل عليه يقوله إنها صارت لـ غيرهـ وإهي معروف إنها له .. كيف تصير هذي ؟؟ كيف العقل يتقبل هـ الكلام ؟؟ زياد واهو يأمل نفسه : مستحيل .. من قالك هـ الكلام .. لاتقولي خالتي ثم وقتها والله لـ أقلعك من مكتبي .. لإنك لو صدقتها بتكون رجال بـ الإسم ..
راكان ناظرهـ وواضح عليه الحزن : تركي قالي ..
زياد هنا سكت ,, ثم قال بكل ثقه : يمكن ماعطتهم موافقه لسا وقاعدهـ تفكر بـ الموضوع ..
راكان عصب : أقولك البنت وافقت وخالي رد عليهم من شوي .. تقولي ماعطتهم موافقه ..
زياد : وإنت ؟؟؟؟؟؟؟؟؟؟؟
راكان : ذا الحين ما آلومها لو كرهتني لإنك ماتدري شـ إللي خلاها توافق وإهي المفروض لي..
زياد بخوف : وشهو ؟؟
راكان بضحكه فيها آلم : ههههه .. الله يسلمك بس أخوك اتصل فـ ولد عمك وسام وقاله إني خاطب من أسبوع بنت خالتك المصون وزواجي بعد شهرين ووسام قال لـ أخته ,, وكل هذا تدبير من أهلك كلهم .. شفت لما أققول إني ما آلومها لما تكرهني وتكرهـ اليوم إللي خلاها بنت عمي ..
زياد : لااااااااااااااااااا .. مستحيل .. كل هذا يروح بسهوله ..
راكان متضايق مرهـ ولاهو ناقص كلام أخوهـ إللي يحرق من جد : زياد أـنا خلاص مالي داعي .. وسن كانت لي وذا الحين لـ غيري والله ما أتحمل { بصوت عالي }هذا ظلم ظلم .. حرام أظلم البنت تفكر فيني كل هـ الوقت ويجي أخوك الحقير ويخرب .. شـ تقول عني الحين أكيد كذاب وخاين .. زياد وسن لي أـنا .. أـنا ماني قادر اتحمل العذاب إللي عايشه الحين وكيف بتحمل لما تكون ملك وحلال لـ غيري والله وقتها الموت أرحم لي ..
زياد متقطع قلبه ع حال أخوهـ : هونها ياخوي وتهون إن شاء الله ..
راكان : كيف تهون .. وهذا {يأشر ع نفسه } مايتحمل بعدها ..
زياد : قل لا إله إلا الله يارجال ..
راكان يرفع راسه واهو ياخذ نفس : لا إله إلا الله ..
زياد : وش بتسوي الحين ؟؟
راكان بهمس : أـنا ووسن مخلوقين لـ بعض فاهم لـ بعض ..
زياد يصحيه من الوهم إللي عايش فيه .. صحيح تصعب عليه حالة أخوهـ لكن خلاص إللي صار صار : هذاك أول .. الحين البنت صارت لـ غيرك
راكان مايبي يرد عشان مايفجر المكان إللي اهو فيه من عصبيته وكلامه : ــــــــــ
زياد يكمل : البنت لو ماوصل لها كلام أخوك كان بقت لك .. لكن سبحان الله نصيب . . والواحد مننا لازم يرضى بنصيبه .. وإهي رضت فيه وإنت لازم ترضى .. وادعى لها بـ التوفيق ..
راكان يناظرهـ بيأس .. زياد يقوي قلبه زيادهـ صحيح الكلام قوي ع راكان لإنه يعشق لكن لازم يصحى ع نفسه : هذا إللي لازم يصير .. اترك عنك القلب وفكر بـ العقل
راكان : البنت بعد إللي وصل لها شايفتني مستهين فيها ..
زياد : شيء وصار خلاص
راكان : صاحي أنت ؟
زياد : اجل وش بتسوي ..؟؟ لا تسوي لي فيها فلم وتوقف فـ طريق البنت .. خلاص البنت اختارت والله يوفقها ..
راكان : بتصل فيها
زياد : أكيد إنك انهبلت
راكان : إذا ماكلمتها صح بنهبل
زياد : إذا بتشوف إنك بترتاح بهذا الإتصال اتصل فيها .. وإذا بتعذب نفسك وتعذبها أقولها لك لا تتصل ..
راكان مستحيل يسمع لـ أحد فـ موضوع وسن طلع موبايله واتصل فـ تركي ..

تركي : هلا رااكان ..
راكان : هلا فيك .. { قال بجد } طلبتك ..
تركي : طلبك جاك .. قلي بس وش تبي ..
راكان : تسلم .. آبي رقم وسن ..
تركي : نعم ؟؟
راكان : إللي سمعته
تركي : تستهبل ؟؟
راكان : أتكلم من جد .. أـنا ما أعرف لها رقم .. وآبي تجيب لي أي رقم يوصلني لها من خواتك ..
تركي : راكان .. إنت مستوعب إللي قاعد تقوله ؟؟
راكان : إيه
تركي : لا والله ماضنتي
راكان : تركي { كمل يضحك ع تركي }البنت اختارت واـنا بتصل فيها لإن عندي كلام بقوله لها قبل لا تحرم علي من جد .. وآبيك تخدمني ..
تركي كأنه إقتنع بكلام راكان لإنه واثق فـ راكان سكت ثواني ثم قال : خلاص شوي واتصل فيك .. لكن بجيب لك رقم غرفتها مو جوالها لإنو الجوال مستحيل أجيبه لك .. { تركي مايبي راكان يوصل لـ رقم جوال وسن عشان مايتواصل معاها أتصالات ومسجات وإهي خلاص صارت لـ غيرهـ }
راكان فهم رفض تركي عن رقم الجوال : خلاص . . وقفلوا ..

عند وسن ووتين بعد ماهدت وسن .. ردت ع الموبايل : هلا حتومي ..
حاتم : يلا وسن تعالي أـنا تحت ..
وسن : أوكي .. { كلمت وتين } أـنا نازله شوي وراجعه .. أجلسي حوسي بـ الغرفه ليما ارجع .. وطلعت ..

أم خالد : خير حبيبي فيك شيء ؟؟
حاتم يبوس راسها : سلامتك ياقلبي .. بس أشتقت لك قلت أطلع واجي أشوفك ..
أم خالد : ياعمري تشتاق لك العافيه ..
وسن : ياسلام واـنا مالي نصيب من هـ الكلام ..؟؟
حاتم ناظرها وعرف إنها كانت تبكي قال يستهبل : الله يخلي لك الوافي إللي بيشبعك كلام حلو وغمز لها
أم خالد : ههههههههههههههههههههههههههههه
وسن حست بمغص فـ بطنها مو طبيعي من جا طاري الوافي هذا واهو ذكر إسمه بس .. قالت تخفي آلمها : ياحياتي .. يُمه لا تصدقينه أكيد جاي وراهـ شيء ..
حاتم : يُمه شـرآيك في فيصل ولد عمي؟؟
أم خالد : حبيبي كلكم واحد لإن تربيتكم وحدهـ وأخلاقكم وحدهـ والله والنعم فيه ..
حاتم : طيب : خالتي بدور ما أتصلت فيك ؟؟
أم خالد أستغربت سؤاله : إلا بس ليش ؟؟
وسن :طيب ماقالت لك شيء يخص فيصل؟؟
أم خالد تتذكر : لا .. بس شـ السالفه ؟؟
حاتم : أبد فيصل يبي مشاعل بنت خالتي وخطبتها عمتي موضي من خالتي والواضح إنها رافضه وفيصل مايبي غيرها .. يُمه تُكفين شوفي الموضوع الولد يبيك تتدخلين وتحاولين فـ خالتي .. وترا الولد قال إذا ماصارت له ماراح ياخذ غيرها ..
أم خالد : غريبه بدور ترفض .. ليش ؟؟
وسن : وأـنا كلمت مشاعل وسألتها قالت إنو إهي موافقه لكن شـ الفايده إذا أمها رافضه ..
أم خالد : قول لـ فيصل يريح باله مشاعل بـ إذن الله له .. واـنا راح أقنعها ..
حاتم يبوس راسها : الله يخليك لنا .. بس لا تعرف خالتي إن فيصل مدخلك بـ الموضوع ..
وسن: حتى لا تعرف إنو مشاعل قالت لنا ..
أم خالد : ماعليكم أـنا أعرف أخليها تتكلم من نفسها .. روح يُمه لـ شغلك وراح يجي لك تليفون يبرد خاطر فيصل ..
حاتم : تسلمين .. أجل يلا سلام
أم خالد ووسن : بحفظه .. أم خالد خذت موبايلها تتصل فـ أختها بدور .. وتتفاهم معاها .. ووسن طلعت لـ وتين بـ جناحها ..


"نعم؟؟"
تركي : هديل بلا أستعباط وعطيني رقم التليفون إللي بغرفة وسن .. من غير لا احد يعرفف..
هديل : تركي ليش ؟؟
تركي عصب : وبعدين تراها بنت خالي واخاف عليها مثل ما أخاف عليك إنتي وهنادي يعني مثل أختي .. عطييني واخلصي علي ..
هديل خافت بعد تعصيبته : طيب .. سجل .. وسجل الرقم ..
تركي : عندها أحد ذا الحين ؟؟
هديل : أكيد وتين ..
تركي : استغفر الله ياربي .. هـ البنت وبعدين معاها ..؟؟ شوفي اتصلي بعد خمس دقايق ع وتين واشغليها واهذري معاها ..
هديل بدلاخه : ع تليفون وسن ؟
تركي : لااااااااااا .. ع جوالها .. لا يكون من رجتها ناسيه جوالها فـ بيتهم ؟؟
هديل : لا تخاف وتين ماتمشي من غير جوالها ..
تركي : يمكن أفضل شيء فيها .. مثل ماقلت لك .. خمس دقايق وكلميها لو تاخذين معاها ساعتين عادي ...
هديل ماهي فاهمه شيء : خلاص ..
تركي : ولا أحد يعرف إني ماخذ رقم من عندك .. حتى الهايته هذيك ..
هديل : طيب ..
تركي : تبين شيء قبل أقفل ..؟؟
هديل فـ خاطرها حلو إنك تذكرت تسألني إذا آبي شيء من أتصلت وإنت أوامر بـ أوامر : سلامة عمرك ..
تركي : يسلمك .. سلام ..
هديل : سلام ..

 

منتدى 37 درجة

آخر مواضيعي

0 تعال الشتاء بلش يغازل حمام الدار sms - mms
0 اضحك بسني واختم الضحك بشهاق mms - sms
0 صور ورمزيات ممثلين يابانين + كورين - ليه تتركني في وقت انا فيه أحتاجك { تجميعي }
0 بالصور اب يعذب طفلته والسبب انها انثي وليست ذكر
0 توبيكات ملونه وصور للماسنجر - لا تعتذر المهم انك جفيت وهذا طبعك
0 دوري زين السعودي 2010-2011 الأسبوع الخامس عشر [ الهلال Vs الحزم ] [ الأهداف(ياسر)
0 صور مسن - لاشئ سوى القليل من الجنون

  رد مع اقتباس
إضافة رد
المواضيع المتشابهه للموضوع: رواية راكان ووسن - رواية وسن وراكان - رواية معشوقي كلي معاك معاك حتى للهلاك كامله
ديوان الحديث مع النفس البشرية للشاعر محمود العياط
حلويات شهية بالصور،طريقة عمل احلى الحلويات والكيكات بالصور،حلويات خطوة بخطوة -
طريقة طبخ المكرونة


الكلمات الدلالية (Tags)
للهلاك , معاك , معشوقي , روايه , كاملة

جديد مواضيع قسم قصص واقعية روايات حكايات
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة

الانتقال السريع


الساعة الآن 05:32 PM.



المنتدى لايتبع اي جهه وكل مايكتب في المنتدى يمثل وجهة نظر كاتبة فقط

للتبليغ عن اي انتهاك للحقوق الفكرية يرجى الضغط هنا

Powered by vBulletin® Version 3.8.11
Copyright ©2000 - 2022, vBulletin Solutions, Inc.
SEO by vBSEO ©2011, Crawlability, Inc.