آخر المواضيع


العودة   منتدى 37 درجة > 37 درجه الترفيهي > منتدى وناسه نكت مقالب استهبال

منتدى وناسه نكت مقالب استهبال منتدى وناسه نكت ,فكاهة ,ضحك ,مقالب تنكيت لكاعة استعباط

إضافة رد
أدوات الموضوع انواع عرض الموضوع
قديم 02-06-2011, 10:16 AM   رقم المشاركة : 1
♫ » ..Śảήḋяịℓℓą ♥
» سيدة حـِسَآن آلآرض «
 
الصورة الرمزية ♫ » ..Śảήḋяịℓℓą ♥





Icon10 معآنآة فتآهـ سعوديـه مع آختهآ النآفــس

بسم الله الرحمن الرحيم


1- هل أنت عزوبي تعيش في وسط عائلتك ؟

2- هل أنت موظف أو طالب ؟

3-هل لديك أخوات متزوجات ؟

4- هل أخواتك مكاين تفريخ ؟

5- هل حصل في يوم من الأيام وعدت من الدوام تعبان وتافلـن العافيه
وراسك يرقل من قلّ بركه لـ تتفاجئ بأصوات ضجيج صادره من بيتكم تصل إلى
مسامعك قبل أن توطوط عتبة الباب ؟

6- هل حصل ودرعمت لبيتكم لـ تستقبلك رائحة الحلبه المنتشره
في كل دعاسيق البيت في الداخل ؟

7 -هل استيقظت مذعوراً من نومك الهادئ ذات ليلة على زعاق بزر توهـ
لحمه حمرا مابعد تعلم وشلون يصيح بإحترام ؟

8 - هل زد رأيت تجمهراً أمام باب حمام بيتكم - الله يعزكم - ويوم قربت
شوي كودك تشوف وش السالفه وبالطق والطقاق دخلت راسك من بين حشود
المتجمهرين ولاها أمك واخت ماسكين نفس قطعة اللحمة الآنفة الذكر
وجالسين يسبحونها ؟

9- هل سبق أن رجعتـ ي من الدوام لتجدين بيتكم مزدحم بالزوار تسنه
السيفوي ليلة رمضان ومن لمحت أمتس طرف خشتس مدت لتس الدله بدون تفاهم
وقالت قهوي العالم ؟

إن كانت أغلب اجوبتك عزيز تـ ي القارئـ/هـ بـ نعم .. فـ مبروك
في بيتكم نفاس
معآنآة فتآهـ سعوديـه آختهآ النآفــس

:
:

ليه ياربي كذا !
يعني الواحد يقول اللهم لا إعتراض بس ولو للصبر قالوا حدود يا مصبر
الموعود كل يوم اقول بيجي رجلها ويقشعها هي وذرّها من عندنا بس ماش
ماحولك أحد .. الله العالم الولد بيصير عمره سنه وهي توها نفاس ما قضت
!
يا جماعة الخير لا تفهموني
غلط .. انا احب اختي واقدّرها والود ودي ما تفارقني .. بس احبها
لحالها بدون الفوائد الي طلعت فيها من زواجها ذا القرود الي معها
منيب اواطنهم ! معآنآة فتآهـ سعوديـه آختهآ النآفــس
عيال اختي ايه ما قلنا شي ! بس فيهم بثاره .. !
لا واذا تحملناهم وقلنا معليش توهم صغار والحشمه لأمهم مهيب لهم ..
ونبلع هالغثا الي يصير على شرف ذا النتفه الجديده الي جدعتها ..
تحسبونه يثمر والا يبين فيهم ؟ من يصير طول هالنتفه شبرين اول كلمه
ينطقها ويقولها لك " كل تبن " !
ت>> معآنآة فتآهـ سعوديـه آختهآ النآفــس
خلوّا خلوّا ذا على جنب مهب موضوعنا .. الي غابني صدز هالـ 40 يوم الي
اشوفهم ..
سبحان الله عمر الحريم ما احترموا مواعيد والا وقت الا بـذي ! يتحروون
الدقه بالحسبه .. 40 يوم بالضبط مستحيل تنقص بس ممكن تزيد
40 يوم وانحن ما عندنا غير فاتحين باب و راديّن باب.. مستقبلين زوار
ومودعين زوار .. مدخلين فلانه وبناتها ومطلعين فلانه وحريم عيالها ..
لا وكله كوم واذا جت وحده الله يجزاها خير بزعمها راعية واجب وتكت من
عقب
المغرب إلى 9 عندكم وانتي يا حيل الله مالتس الا تدورين بهالقهوه
والشواهي .. واذا خلاص تكرمت و لبست عباتها وطلعت .. ترجع بسرعه وترفع
نقابها وتزف لتس الخبر العذب " معليش ترا بناتي ماقدروا يجون اليوم
بلاهم منشغلين شوي بس باتسر بحيل الله بيجون كلهم "
<-- ماودكم تشوفون تعابير خشتي ساعتها
مير الله يجزاتس خير راعية واجب !
الحين بناتتس عندهم التزامات ومشاغل وبيسون الواجب حسب فضوتهم .. ! بس
اصحاب البيت عطّاليه ما وراهم شغل والتزامات ابد .. على حسابكم هم ؟
قايلين لكم رقاصه انا ما تبدا ورديتي الا 1 بالليل و ورا !
نعبنو ابليسكم يالملحجه ترا فينا الطالب وفينا الموظف مايرجع الا على
حروة المغرب وفينا المتزوج وعنده بيت يصاليه .. !
والأم مهيب بكل الأحوال بصحتها وفيها حيل تهابد وتراكض لكم انتم
وزياراتكم !

ياخي خلوا جيتكم وحده وموعدها واحد .. مهب كل القبيله تجي تزور وكل
يوم وحده داخله لحالها .. لعنه ! ماروانا الا انتم ؟

<---- حولكم شي تخافون عليه ابعدوه عنها ترا
شاشت هالعبده

ماخليت شي عن امي .. يمه حددي يومين بالاسبوع يجون العالم فيه ! يمه
مالها سنع تاركين الدعوه سايبه تقل والله الي عندنا عنز والده في حوش
مفتوح وكل شوي جاي شايب والا بزر يويق عليها ! يمه ارحميني ارجع من
الدوام ما اشوف مالي خلق اغير ملابسي وش عاد اقابل هالأمم !
بس ابــــد ! كان ذا الجدارن الي وراكم تنطق فـ هي ترد علي ..
مير اول كانت تقول " يا كبرها عند ربي ! تبيني اقول للعالم لا تجونا
.. انهبلتي انتي "
الحين انا قلت قولي لهم لا تجون ؟ قلت حددي لهم يومين وفكينا من
هالقلق !
" لا يا خزياه .. قولة لا تجون الا هاليومين زي قولة لا تجون ابد ..
افرضي هاليومين ما ناسبوا العالم ! "
اجل مناسبنا انحن الاسبوع كامل يمه ؟!
طاعوش انا ماعرف من الاسبوع الا الجمعه ولا هوب يصفى لي ؟!
هالكلام اول .. الحين ابشركم مهيب ترد علي خير شر..

مقتطفات من أحاديث تدور في مجلس نفاس
:
:

[ 1]

" عسى ما تعبتي بس يا فلانه ؟ "
" لا الحمدلله تيسرت "

" الحمدلله .. بس لا تعلمين احد لـ انسألتي بسم الله عليتس ! ترا عيون
الناس مهيب ترحم وانا خالتتس ! "

تعقيب / اول شي يـ الخاله الملقوفه ترا هالسؤال مهب كلـن يسأله يومتس
توصينها ع الإجابه ! يعني ولاده وش ظنتس ؟ اكيد بتتعب بوقتها وعقب
خلاص .. المشكله ما يسأل الا ناس مجربينها .. ملعون ابو التناحه يا
شيخ !
ثاني شي .. ترا حتى القطاوه تحمل وتالد ! مهب حلى كل شي تلزقون فيه
سالفة العين والنظله .. ياررربيه بس
:
::
:

:
::
:

[ 3 ]

"
ما شاء الله وش سميتّوا الصغيره ؟ "
" دانه "
الحرمه الي تسأل وخشتها مايله والحتسي ما عجبها " اييه .. مدري تسن
الأسم مهنا زود ! يا بنيتي مدري وش ذا الاسماء الجديده الي طايحين بها
العالم ! "

تعقيب / ترا اصغر بنات الحرمه الي سألت .. اسمها [ غزل ] !!

:
::
:


[ 4 ]

" الا يا فلانه ما قلتي لي وين ولدتي بأي مستشفى ؟ "
" المستشفى الفلاني "
" اييه زي اختي حصه ! عند اي دكتوره ؟ دكتوره هبه ؟ "
" لا والله .. عند الدكتور خالد "
الحرمه الي تسأل تنغز الي جنبها بكوعها وتعض على براطمها وتتحلطم " يا
خزيييياه .. كابتّن عفشها عند رجال يختي خلاص هالحريم ماعاد فيهم حيا
! وراها ما ولدت عند حرمه .. وش حيث الرجال تولد عنده ؟ "

تعقيب / يقولون والعهده ع الراوي .. ان خويتنا الي ماعجبها موضوع
الولاده عند دكتور .. جايها الطلق وهي بسيارة ابو جيرانهم حيث ان
رجلها كان كاشت في البر .. ومالقت الا جارتها تستفزع بها .. وما كان
بين الولد والنور الا شوي
لولا ان ربكم ستر والشوارع كانت فاضيه والا ان تسان صار مكان الميلاد
في شهادة الولد .. " سيارة ابو جيرانا "
الله يحرمّ ايديات امي نوره على النار .. لو هي سامعه السالفه ان تسان
تكش بيدينها وهي تقول ( غربلهم الله .. شبكه تعاير منخل ! ) معآنآة فتآهـ سعوديـه آختهآ النآفــس

:
:

طيب الحين فيه سؤال يراودني عن نفسي ومضطره اسدحه بس رجاءاً صيروا
متحضرين شوي وماله داعي ترجموني بنعالكم <--- يا حياة الشقا متعوده
وجه إهانات

الحين الوحده اذا ولدت وش تجيب ؟ لا اشوف احد مستظرف وقايل تجيب آدمي
! ادري اننا محناب نجيب قطاوه ..
بس قصدي هالآدمي الي هي تجيبه من هو حقه ؟ حق ابوه صح والا لا ؟
طاايب .. اسم الولد يلحق مين ؟ يلحق اسم ابوه صح والا لا ؟
طااايب .. دام الدعوه كذا .. ودام النفاس اصلا بسبب هالولد .. ممكن
احد يفهمني وش دخل مندوب اهل البنت يبحلون بها ؟ ورا مهب اهل رجلها
هم الي يصالونها ؟!
ياخي الولد ولدكم انحن وش دخلنا ؟

والله ما خرب بناتنا الا امهاتهم !
تجي الام مطفيه النور
وطايره مليون بالحماس من تدري ان بنتها حامل .. ماتخلي عطّار ما تزوره
ما تخلي شنق وداعوس ما تدعسق به .. كل شي ينشرب والا يوكل والا يلهم
تجيبه .. وتفضي للبنت غرفه وتبلشنا نزلوا سرير ورقوا طاوله وجيبوا
مفرش ورجعوا ستاره .. تقل اول مره يولد عندها احد ؟ واذا هي اول مره
وشو له هالحمااس .. تراه نتفة بزر ونتق من بطنها مهب اختراع الله
يصلحكم
هذا انتم قبلنا حملتوا وجبتونا وش حيثكم ما سوا فيكم اهلكم كذا ولا
ضركم ؟ بالعكس الوحده من اول لا اله الا الله صحتها فُل وهي والده في
البيت .. ما ولدت بمستشفى وخذت لها سويت كامل اسبوع وماغير تبطح وبلع
بهالحلى والقهوه حتى ولدها مهيب ترضعهمعآنآة فتآهـ سعوديـه آختهآ النآفــس


ومن عجائب قدرة الله في خلقه ان الحرمة ما تحلى بعين رجلها الا لاصارت
في بيت اهلها
يالهيس وهي عندك في بيتك ماانتب تناظر خشتها .. ويوم صارت نفاس عندنا
.. 24 تبن ناشب لنا ! ما عندنا شغله غيرك انت وحرمتك وعيالك !
ياخي تحبهم وفاقدهم ضفهم ورح بيتك الله لايهينك ... وابشر بلي يجي
يشقر عليكم كل يوم .. بس اعتقونا لوجه
الله
ولا يرفع ضغطي الا لا صار جالس مع حرمته يسولفون في غرفتها وانا
بالصاله الي جنبهم اهجّد فروخ ابليس الي يفترض انهم اطفال و الارجح
انهم عيال اختي .. يقوم واحد منهم يدخل على ابوه وامه ويزعجهم .. ويجي
ابوه الله يطول في عمره يكرشه بكل حنان ويقول له " رح رح يا بابا
لخاله ندى شفها تناديك "معآنآة فتآهـ سعوديـه آختهآ النآفــس
لعـــنه
اول شي يا سبع البرومبا تراك ماكل في عيالك مقلب كبر راسك ! اجل تبيهم
ينادوني خاله ؟ عساهم ينادوني بإسمي مهب بشيـن ثاني ويسد !
ثاني شي وش قالوا لك انا ؟ خماّمة الضايع ؟! كل ما طق عود بعصى جدعتوا
بزارينكم علي ؟ انتم تدشرون وانا اتحمل نتايج دشرتكم ؟معآنآة فتآهـ سعوديـه آختهآ النآفــس

نفسيتي تعورني .. !
كل ما ذكرت ياخي هالأجانب طقتني غلقه وش زودهم عنا يا جماعة الخير
يوم ان الوحده فيهم تولد من هنا وتصك الجينز من هنا .. ما توفي لها
يومين الا وهي تقامز وتسوي رياضه
ورا هالفقمات الي عندنا مهب تسذا
وراهم 40 يوم ما عندهم غير فرم بهالمرقوق والجريش ! قال ايش .. ترمم
جسمها قال ، مهب ترميم ذا ردم الله يحييكم
!
الوحده منهن ما تطلع لبيت رجلها عقب الاربعين الا على شيول
لا والكمخه اختي اقول لها ذاك اليوم ناه بس شوفي ترا ذا الصور عقب
ولادتها باسبوعين - أأشر لها على صور لزوجة توم كروز - قالت .. واذا ؟
لا تقارنين حبيبتي عيالهم هذولي عيال حرام !
<--------
يالهدره يالكمخه يالفاهيه .. الحين نفاس ولد الحرام يفرق عن نفاس ولد
الحلال !
معآنآة فتآهـ سعوديـه آختهآ النآفــس

ياربيه بس !
اسعفوني .. أريد حلاً ؟
عموما انا بقوم الحين اصلي المغرب وانزل استقبل الوفد الجديد بس اتوقع
اني ارجع اكمل تفلت
والله يابي مّر مهب صاحي .. مهب رايح لين افرك البياله بجبهة وحده من
هالزايرات !
يع اشم ريحة حلبه >ههههههه








^^^

وقسم قسمآآت تقريبا ثلاث اربآآعهآ شوفتهآ بأوم عينيي
حول الثمآن مرآآت وفي بيتنآ القميييل..

والموووت لاصآآآرت أختكـ وآلد في وقت اختبآآرآآت


هنآ تحينيي غلقه ليين امووووت

أقوم أدعيي على البزر وسآآعته اللي جآ فيهآآ

 

منتدى 37 درجة



آخر مواضيعي

0 مجهولون "يخنقون" مالك إبل شهيراً ويسلبون سيارته وأمواله
0 4 بنآت وكل وحده تقدر تنفــض ديرهـ <<فيه آحد يقدر يقنع آبوي؟؟؟؟
0 آلحكمه من صيام عآشورآء <<طلب المدللــه جوجو
0 أسباب البركه <<طلب المدللــه جوجو
0 حكــم الذكـر الجمـاعي في المنتديـات <<طلب المدللــه جوجو
0 أذكار الصباح والمساء << طلب مدللتنا جوجو
0 البسملة ... ونقص الصلاة ..:) <<طلب مدللتنآ جوجو

  رد مع اقتباس
قديم 02-06-2011, 10:32 AM   رقم المشاركة : 2
silent love
كبار الشخصيات
 
الصورة الرمزية silent love
افتراضي رد: معآنآة فتآهـ سعوديـه مع آختهآ النآفــس

بسم الله الرحمن الرحيم

ساندريلا تراي منزل الموضوع هذا هوون قبل فترة >>> ذلناا بموضوعة ,,
بس وربي ما شفت زي ذي البنت فيهاا خفت دم غير طبيعية ,,

ومن جد عندناا عادات مدري وش تبي ,,
وبعدين ما يلقاهاا الا النفاس مدري النافس تعيش ملكة والكل يخدمهاا وتتشرط بعد ,,

 

منتدى 37 درجة

آخر مواضيعي

0 قصة وقصيدة للشاعرة جمالات،،
0 اختفاء فتاة من منزل عائلتها بضاحية لبن بالرياض
0 موقف أثر فيني كثير
0 لا تعتبين <بقلمي>
0 الحكم على رئيس هيئة أمر بالمعروف بجلد 50 جلدة
0 مجهودي وأبغى مجهودكم لحفظ الفوكابلري بطريقة ممتعة وسهلة,,
0 مظاهرات بجوار جامعة الملك سعود مع موجة الأحتجاجات ..

  رد مع اقتباس
قديم 02-06-2011, 10:55 AM   رقم المشاركة : 3
AŠėЄl
آجـﻤـڷ آنســإنـہ
 
الصورة الرمزية AŠėЄl
افتراضي رد: معآنآة فتآهـ سعوديـه مع آختهآ النآفــس

بسم الله الرحمن الرحيم

هههههههههه
من جد وربي ذكرتيني بسنه المشؤمه استغفر الله قبل 3 سنين
كانت اول مره اسوي نفسي فيها بنت كبيره واقهوي الحريم واحييهم
ياني اكلت من انوااااااع الاحراجات
صبيت القهوه بشمال اتهزأت

صبيتها وانا جالسه >> زوله برضو اتهزأت
جلست معهم اتهزأت >> يعني يعني فيه هرجة حريم
هجيت وتركتهم برضو اتهزأت>> وين رحتي وتركتيني :7_1:
يوم خلصت الاربعين قلت لماما لاتعودينها
كله كوم وزيارات الصبح كوم تاااني قسم ياني كنت اصحيلهم واحييي فيهم وانا ناااايمه عين مفتحه وعين مغمضه :86:
بس احسن مافي كل هسالفه اني كل يوم عصر انزل السوق عشان اشتري طقم جديد استقبل فيه النسوان بس هادا الشي الوحيد السنع بلكل هلق لق
يسلمووو يابعدي ع القصه النايس الي فتحت جروحي القديمه هع

 

منتدى 37 درجة

آخر مواضيعي

0 عندي مشكله في المسن
0 بِهُدُوءْ سَأُعّلِنْ عِشّـ♥ـقَ [اُنْثَىَ] •●لَنْ يتكَرَرَ~•●..
0 جاستن بيبر 2011 البوم صور جاستن بيبر 2011
0 خلفيات ايبود , خلفيات ايبود بنوتات , خلفيات ايبود اطفال
0 خلفيات ايبود للبنات 2011 , خلفيات ايبود جديده للبنات
0 اجمل صور خلفيات سطح المكتب 2011
0 خلفيات سطح المكتب 2011

  رد مع اقتباس
قديم 02-06-2011, 11:40 AM   رقم المشاركة : 4
♫ » ..Śảήḋяịℓℓą ♥
» سيدة حـِسَآن آلآرض «
 
الصورة الرمزية ♫ » ..Śảήḋяịℓℓą ♥
افتراضي رد: معآنآة فتآهـ سعوديـه مع آختهآ النآفــس

بسم الله الرحمن الرحيم

مرتآآح / وانا كل ماحط موضوع بالقسم ذآ اقرا هالجمله؟؟ <<فيس ماسك عصآآ

مير توني قريتوه بالايمييل قلت يابنت اسدحيييه خلي اللي ماشاف موضوع مرتاااح يشوووفه ..

نرجع لمحور حديثنآ ..



هذا سلمك الله متفقه مع وحده من خوآتي <<ذآك الوقت كانت وحده توها ولدت قبل الاختبارات والثانيه لسى


عاد اقول للثانيه انتبهييي تولدين على الاختبارات تراني لااعرفتس ولاتعرفنيي
لاتسوين زي فلانه ولدت ماشاورت احد ض1


احترمي الدوور يابنت وشسسمه خلي لين تخلص الاختبارات

وبعدين اولدي بدال الواحد اثنيين ماعندي مشكله


قالت طيب

اول اسبوع بالاختبارات وبالاخص بنص الاسبوووع

أطلع للصاله القى البيت يتبآآدل خبر نزل علي كالصاعقه
فلانه جابت صبي بجاه النبيي


لاآآآآآآآآآآآع

طيب ليييش
ماتفقنا على كيذآآ <<ذآبحته ذآبحته الله لايعووق بشر



فآ نآآ جبت قصة حيآتي ذيي عشان اقوول مو شين الوحده توولد

الشين التوقييت اللي تولد فيييه

تولد يا قبل مناسبه مهمه بكم يوووم
والا وقت الاختبارات والا قبل لاتسافروون

يتكنسل مشوار السفره عشان فلانه ولدت


^^

ذآآ كله مطلع ليي قرووون في رآآسيي..















همسة دلــع / عاتي ياحبييبتيي عااتي

هذي شغلات مرينا فيهاا كلنآ

قومي غسليي كاسات لاتروحين وتخليين الحريييم

ولاتسوين كيذا ولاتحطين كيذا وووووو...الخ ..


فعلا حرييم مآيعجبهم شيي..






^^


نورتوو ياقدعآآن..

 

منتدى 37 درجة

آخر مواضيعي

0 مجهولون "يخنقون" مالك إبل شهيراً ويسلبون سيارته وأمواله
0 4 بنآت وكل وحده تقدر تنفــض ديرهـ <<فيه آحد يقدر يقنع آبوي؟؟؟؟
0 آلحكمه من صيام عآشورآء <<طلب المدللــه جوجو
0 أسباب البركه <<طلب المدللــه جوجو
0 حكــم الذكـر الجمـاعي في المنتديـات <<طلب المدللــه جوجو
0 أذكار الصباح والمساء << طلب مدللتنا جوجو
0 البسملة ... ونقص الصلاة ..:) <<طلب مدللتنآ جوجو

  رد مع اقتباس
قديم 02-11-2011, 02:52 AM   رقم المشاركة : 5
ملآمح خجولهـ
❤ أم أميـــــر ❤
 
الصورة الرمزية ملآمح خجولهـ
افتراضي رد: معآنآة فتآهـ سعوديـه مع آختهآ النآفــس

بسم الله الرحمن الرحيم

هههههههههههههههههههههههاااااااااااي
ياويل حالي ويلاه وش ذي الحاله الله يعينهم الي كذا خع خع خع .....

عوااااااااااااااااااااااااااااافي ع الطرح يالغلا......

 

منتدى 37 درجة

آخر مواضيعي

0 ألف مبروك الألفيهـ آلثآلثهـ للرآقيهـ ( أشوآق آلشمّري )
0 نتقدم بأحر التعآزي وآلموآسآه للعضوه آلغآليه ( قآهرتهم فوفو ) >> أنآ لله وأنآ اليه رآجعون :(
0 بزر صغير ضآع تتوقعون وين لقوووه ؟؟!!
0 ليش ظآلمين المسلسلآت آلسودآنيه >> آآي يآزوووول
0 غرف نوم آيكيآ 2019
0 الله يكون في عون المعرس الصرآحه خخخخخ
0 آلبقآء لله .. تعزية للعضو ( انقلع عن وجهي ) لوفآة وآلده :(

  رد مع اقتباس
إضافة رد

الكلمات الدلالية (Tags)
ليتهم, معلومة, النآفــس, سعوديـه, فتآهـ

جديد مواضيع قسم منتدى وناسه نكت مقالب استهبال
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة

الانتقال السريع


الساعة الآن 06:49 PM.



المنتدى لايتبع اي جهه وكل مايكتب في المنتدى يمثل وجهة نظر كاتبة فقط

للتبليغ عن اي انتهاك للحقوق الفكرية يرجى الضغط هنا

Powered by vBulletin® Version 3.8.11
Copyright ©2000 - 2019, vBulletin Solutions, Inc.
SEO by vBSEO ©2011, Crawlability, Inc.