آخر المواضيع


العودة   منتدى 37 درجة > 37 درجه الترفيهي > منتدى وناسه نكت مقالب استهبال

منتدى وناسه نكت مقالب استهبال منتدى وناسه نكت ,فكاهة ,ضحك ,مقالب تنكيت لكاعة استعباط

إضافة رد
أدوات الموضوع انواع عرض الموضوع
قديم 04-06-2011, 10:58 PM   رقم المشاركة : 1
Qsoomh••
سبحان الله وبحمده
 
الصورة الرمزية Qsoomh••





Icon10 سالفتي يوم اهك ع مرتي خخخخخخخخخخخ

بسم الله الرحمن الرحيم

السلام علاكم


سلخيييييييييييييير


يالله حيهم ..

وشلون كلكوا .. عساكوا بخير ..؟؟



اقول ياجماعة الخصير اقصد الخير ..

انا خابرن ان النفسيات هاليومين مهب بالحيل .. بسبب الاختبارات ..

وقلت غدينا نسوع صدور ابنائنا الطلالايب ويغيرون جو .. عاد غديه يطلع منتاز ..

الماضوع ومابه .... والا تدرون خلونن اقولكم السالفة .. والسالفة تالفة .. واللى بالرابعة ينجح للخامسة

ربي ابتلان ببلوى .. عسى الله يفكن منه .. هذي البلوى غير معرفتي بالمبدع .. وكل البلاوي متلتله

بلواي .. ما اعرف اسولف مع اهلي مثل ما اسولف مع اخوياي .. يمكن علشان اهلي عاقلين واخوياي مهبل .. وخير دليلن على ذلك شوي الثلج الله يخلف .. حتى المجانين ما يسوونها ..!!

اذا جلست مع اهلي .. كلمتن ورد غطاه .. مع ابوي وامي ومليحة رضي الله عنهم جميعن ..

واذا جلست انا ومليحة رضي الله عنها .. بس هي اللى تسولف وانا صايرن تقل بمدرسة والمدير يهاوشن ..

جلست ذاك اليوم نتقهوى ..

قالت المعزبة غفر الله لها : الحين انت وراك ما تسولف معي .. ياخي تكلم قل اي شي .. لو تسذب ميخالف .. المهم انك تسولف ..

قلت : يابنت الحلال وش اسوي .. ما اعرف .. بلوى عسى الله ما يبلاتس به .. واسكتت .. وما تكلمت الا من بكرا خخخخخخ

ذاك اليوم رحت لإستراحة عن اخوياي .. وذاك اليوم ما جا الا واحد بس .. الباقين مدري وراهم ما جو ..

المهم وحنا جالسين قلت لخويي : ياخي الحين انت بس معسكر بالاستراحة .. مرتك وعيالك وبيتك .. ترا لهم حقن عليك ياخي >> الله يجزان خير ويكثرن من امثالي ..

قال : ياخي مرتي وعيالي يقولون تكفى طس لأخوياك .. ماغير صجه ولجه بالبيت .. العيال عندهم مذاكرة .. وانت ما غير تقرق عليهم .. وانا مشغولتن مع العيال ادرسهم وانت بس تبي تسولف .. ياخي اسكت لو دقيقة ..

يقول خويي : مرتي مره تحدتن اذا انطميت ساعه بس .. مستعده ازوجك ثانية وعلى حسابي ..

يقول : اسكت خمس دقايق وبغيت اموت هق هق هق

وقلت له :انصلا انا ما ابي عرس وانتي تكفينن >> اعرفه .. تقطر تسبده على العرس ههههههه

والصراحة انه اعجوبه هالآدمي .. ما يسكت ابد ما ادري منين يجيب هالحتسي ..

الحمد لله ان الحروف الهجائية 24 بس والا كان ما اسكت حتى وهو نايم

وتراي منقصن ثلاث حروف .. السين والصاد والزاء .. لأن خوينا اثرم ولا ينطقهن خخخخخخخخخخخ

المهم قلت له : ياخي تكفى شف لي حل .. مرتي تبين اسولف معه ولا اعرف .. مدري وش اقول ..

قال ياخي بصيطة .. اتسذب عليه .. ولّف لك اي سالفة واقرق عليه ..

اسكت انا وقعدت افكر .. ومير تجوز لي السالفة

ركبت سيارتي ورحت اخذت لي فنجال شاهي ابروق على سالفتن مهبولة وتخلي مرتي تحبن زود واصير عنده تقل طرزان ..

ومير تزبط بهالراس .. بجتها يابوعابد هق هق هق

رحت للبيت يومكن الساعة عشر بالليل .. والسالفة جاهزة عندي .. وبديت اراجع واصحح الاخطاء اللى يمكن ما تصدقه اذا قلت له .. بس اتحرى ادخل البيت .. وابدا بالسواليف ..


انا خابرن انه تبي تستغرب بس ميخالف .. تبي تصدق ..

طبعن بالعادة تصير مليحة رضي الله عنها على الجهاز اذا صرت انا منب بوه .. واذا دخلت البيت تقوم هي علشان تتكز العشاء وانا اطقطق شوي ..

قلت ياولد .. لازم ازبط حتى الدخله عشان السالفة كلها تزبط ..

دخلت بشويش علشان ما تدري .. وزرقت لمغسلة الرجال وارش على وجهي شوي موية .. تسنه عرق >> عرق من التعب مهب عرق شرب

وافتح الباب واصبخه بقوه علشان تدري اني دخلت ..

دخلت الغرفة ومير اجدع نفسي على السرير .. تسني تعبان وجدعت شماغي وحالتي حاله ..

قالت وش بك بسم الله عليك ..

قلت : انتي روحي الحين صلحي لنا العشا تراي جوعان وعصافير بطني بتزءزء ..واقولتس السالفة ..

يوم قعدت اتعشى .. قالت وش بك ..؟؟

قالت : يابنت الحلال السالفة طويلة .. وما ودي اضيق صدرتس به ..

قالت : الا قل ..

قلت : لا يابنت الحلال .. ما ابي احوس يومتس ..

قالت : خلاص ما يحتاج .. بهواك

ومير انقهر خخخخخخخخخخخ


قلت لا ابقوله .. وهي قصتن تنم عن شجاعتي ..

قالت اجل قل ولا يكثر >> طولته معه وهي قصيره خخخخخخخخ

قلت اسمعي وتحملي ..

وانا جاي قبل شوي للبيت اتمشى ومالي من الشيطان طاري .. مع العلم اني من الناس اللي يتبعون النظام لا من ناحية السرعة ولا ربط الحزام ولا غيره ..

وانا امشي الا ذاك الجمس مليان عوايل .. يمكن يجي لهم سبع او ثمان عوايل ..

مر من عندي وهو طاير اللهم عافنا .. انتسانه يمشي ميتين .. شويه .. وهو طاير الا ويضرب عليه كفر ..

ومير يتلقب ويتقلب ويتقلب .. يمكن خمسطعشر قلبه .. اللهم ياكافي ..

ويصبخ بالماصورة اللى بالشارع ..

قالت : اكيد بالشارع .. اجل بالبقاله خخخخخخخخخخخ >> الصراحه اني تحطمت شوي

ومير يتناثرون الحريم والبزارين وعفشهم ملا الارض ياساتر ياساتر ..

قلت : ياولد .. اوقف .. والا ما اوقف .. دمامين .. ولحم متقطع .. واوادم تصيح وحالتن حاله ..

بس تشجعت .. ومن واجب انساني وجب علي التوقف ومساعدتهم >> قالت مهب عاده خخخخخخخخخخ

الله يقلع شيطان هالحريم .. يعرفن يحطمن

والبق عند الماصوره .. وانزل لهم ..

ياساتر .. تصدقين .. تسنها منفجرتن بهم قنبله ..

اول مانزلت والا الدخاخين بدت تطلع من الجمس .. قلت بس بدا يولع .. الا والله قبت السيارة وبدت النيران تطلع مع كل مكان ..

ياولد وش السواة وش الحيلة وش الدبر .. مامعي لا طفاية حريق ولا جوالين موية ولا شي ..

والعالم توقف ويقولن لي : هاه تبي مساعدة والا شي ..

وانا اقول: ابد ما يحتاج الله يجزاكم خير ..

قلت : الحين وشلون ابطفي النيران .. اوالله البلشة ..

بسسسسسسسسسس ... مافيه الا حلن واحد ..

واقرب شوي .. وابدا اتفل على المكينة لأن النار بدت منه .. واتفل واتفل الين خمدت شوي ..

وانقز لتناكي البنزين علشان ما يقبع .. قلت ان كبيته الحين بيولع .. الشمس حاره .. والارض ضون شابه ..

ومير اتشجع .. قلت مابدها .. واقرقع البنزين كله .. الحمد لله التانكي ما كان مليان ..

قال مليحة : وشلون طعمه زين والا لا هق هق هق

قلت : انت تطنزين هالحين ومير اعصب .. منب مكمل السالفة خلاص ..

قالت : لا يابن الحلال امزح معك .. كمل كمل ..

عاد انا ما ودي اقطع السالفة .. تعبان عليه ..

المهم .. واناظر الناس والا والله الدمامين تسورب من كل مكان .. والجثث متناثرة على الزفلت ..

وادق اللطمة .. وابدا اشيل الاوادم اللى ميته .. وبعضهم متقطعين .. وبديت اجمعهم .. يالله .. منظر مأساوي ..

هذي السرعة وما تسوي ..

لميت كل الجثث والقطع اللى متناثرتن بالشارع .. والاي اسمع بعضهم يونون داخل السيارة .. واناظر والا والله الصيارة صايرتن تقل عجينه .. والناس متورطين من داخل ..

وش السواة وش السواة ..

رحت لباب السواق .. واكسر القزازة .. واحط رجلي على الرفرف .. وامعط الباب بقوة .. تسنه انفتح شوي .. واحاول به واحاول به .. واشوى انفتح ..

وسحبت السواق واثر رجله ناشبتن .. عجزنا نطلعه .. قلت له : عيت تطلع رجلك .. وش السواة ..

قال شف اللى يصلح لك وسوه ..

قلت مابه الا حلن واحد .. ابقطع رجلك ..

قال : خذ راحتك يابوفهد ..

واقطع رجله .. واطلعه واوقف له ليموزين .. وقلت له وده للمستشفى ..

وابدا اطلع الباقين واحد واحد .. وكل واحدن اطلعه اوقف له ليموزين وعلى المشتسفى ..

حتى ان اللى حول الحادث صارت تقل عند صالة القدوم بالمطار خخخخخخخ من كثر الليموزينات ..

طلعناهم كلهم .. ووديناهم للمشتسفى .. وانا قعدت اكنس الارض من الدم ..

بس بلشت بالجمس .. معترضن بالشارع ..

واربط الشماغ بالدفرنس .. واربطع على بطني ..

واسحب .. واسحب .. واحسب .. الين طلعته على الرصيف ..

جو الشرطة وجت تلفزيون الاخبارية .. وجريدة الجزيرة والرياض ..

بس حلفت ما احد يصور الين ابعد .. ما ابي صورتي تطلع .. حتى اسمي .. ما اسمح لأي واحد يطلعه ..

قال مدير الشرطة : تبي شي يامليح .. نخدمك بشي .. والله اللى انت سويته مهب سهل ..

قلت : هذا واجب .. لازم اسويه مع كل مسلم .. بس اذا ما عليك كلافه عندي قسيمة تظليل قزاز .. تكفى شله عن

قال اقول ماودك اسدد عنك بعد ..؟؟

عاد جو الناس وسلموا علي وتشكروا لي .. وكل بدا يعرض علي العرس من عندهم .. بس انا عييت .. قلت ما يحتاج الله يسلمكم .. عندي وحده .

واركب سيارتي .. وهذي جيتي من الحادث .. الله يقومهم بالعافية ويرحم موتاهم >> علشان تزبط السالفة خخخخخ

والتفت على مرتي .. والا قاعتدن تضحك ..!!

قلت وشبتس ..؟؟ فيه شي يضحك بالسالفة ..؟؟

قالت لالالا بس شف هالمهابيل كشتات .. خخخخخخخ الصراحة مهب صاحين ..

همن قالت : تعال تسني سمعتك وانت تسولف تقول ان فيه دمامين وعالم ميته ومدري ايش ..

قلت ايه ..

قالت : انت الحين يوم تساعدهم كنت مصلوخ ..؟؟

قلت افا .. وش هالحتسي .. وش قصدتس .. تحسبينن مزودن بالحتسي ..؟؟

قالت ابد بس مستغربه .. ثوبك نضيف ومتعطر ولا به وصخن ابد .. مهب عاد دمان ..!!

قلت : هاه .. عاد لا تدقيين يابنت الحلال .. يمكن مريت الرهدن وغسلوا ثيابي ..!!

الله يهديس بس ..

قالت : اقول اخلص بس ابقوم اغسل المواعين ..

قلت : هين .. ان عمري علمتس بمغامراتي وسوالفين .. ياللى منب قايل .. شغلتس عندي .. ان شاء الله اني ما احتسي ابد .. وتشوفين ..

عصبت .. ورحت لغرفتي .. وابدا افكر ..

ايو الله وشلون راحت علي سالفة الثوب .. يعنى لو انا اخذن لي كتشب ولطلطت به ثيابي .. كان ما انتبهت ..

بس الحمد لله ان تسانهي وقفت على الثوب والدم .. ميخالف .. الباقي ما انتبهت له .. الحمد لله العقده وفكيناها ..

وانا مرتاح وحسيت اني تغيرت كثير ..

ما ابي اطول بالكلام .. بس نكمل لكم بعدين ان شاء الله ..

سلامن علاكم

منقووووووووووووول:eh_s(7):

 

منتدى 37 درجة



آخر مواضيعي

0 معناة المواطن منير محمد ال ضويان الدوسري
0 بنات جنوب تايلند يعلمن ابنة الحرمين ان الطب ليس عذراً لخلع الحجاب او التهاون فيه...
0 من هو صاحب النفس المطمئنه؟؟
0 هموستي نورت
0 وش هالبلشه؟؟
0 الي كل سني يؤمن بأن الروافض اخوانه في الدين وشركائه في الوطن..!!
0 موقع يسلم منه بعد الله اعداد من الاشخاص يومياً يتوفر بـ 8 لغات ..

  رد مع اقتباس
قديم 04-07-2011, 06:34 PM   رقم المشاركة : 2
لاتفهمني صح
موقوف
افتراضي رد: سالفتي يوم اهك ع مرتي خخخخخخخخخخخ

بسم الله الرحمن الرحيم

انتي فلة ولا فلة بس موضوع >>>> مصورن ضلوعك ههههههههههههههههه مراج انساة لين ماموت

 

منتدى 37 درجة

آخر مواضيعي

0 عتاب عاطل فديو
0 في كفها خاتم
0 البارحة
0 سولفو
0 موجز اخباري
0 ايام مرت ومرت علا خير
0 لعبه المشنقة

  رد مع اقتباس
قديم 04-07-2011, 06:40 PM   رقم المشاركة : 3
Dr.دحووم
surgeon
 
الصورة الرمزية Dr.دحووم
افتراضي رد: سالفتي يوم اهك ع مرتي خخخخخخخخخخخ

بسم الله الرحمن الرحيم

اقتباس:
منقووووووووووووول
يسلموو على هيكـ نقل ...

 

منتدى 37 درجة

آخر مواضيعي

0 بكتيريا E.Coli اي كولاي
0 ولكمووووو قصيميه الجميله..
0 يا هلا مرحبا بنيرس زعره ومحدا قدها
0 جوالي بغى ينسرق
0 شباب صبايا من يقدر يحصل لي رقم صحيفه سبق ؟؟
0 الشيخ عدنان العرعور ..
0 حشره تمشي على رجلي تهى

  رد مع اقتباس
قديم 04-08-2011, 02:18 AM   رقم المشاركة : 4
Qsoomh••
سبحان الله وبحمده
 
الصورة الرمزية Qsoomh••
افتراضي رد: سالفتي يوم اهك ع مرتي خخخخخخخخخخخ

بسم الله الرحمن الرحيم

اقتباس:
المشاركة الأصلية كتبت بواسطة محيميد مشاهدة المشاركة
انتي فلة ولا فلة بس موضوع >>>> مصورن ضلوعك ههههههههههههههههه مراج انساة لين ماموت
ههههههههه لاتحدن انزل الموظوع مره ثانيه خخخخخخخخخ

 

منتدى 37 درجة

آخر مواضيعي

0 معناة المواطن منير محمد ال ضويان الدوسري
0 بنات جنوب تايلند يعلمن ابنة الحرمين ان الطب ليس عذراً لخلع الحجاب او التهاون فيه...
0 من هو صاحب النفس المطمئنه؟؟
0 هموستي نورت
0 وش هالبلشه؟؟
0 الي كل سني يؤمن بأن الروافض اخوانه في الدين وشركائه في الوطن..!!
0 موقع يسلم منه بعد الله اعداد من الاشخاص يومياً يتوفر بـ 8 لغات ..

  رد مع اقتباس
قديم 04-08-2011, 02:18 AM   رقم المشاركة : 5
AŠėЄl
آجـﻤـڷ آنســإنـہ
 
الصورة الرمزية AŠėЄl
افتراضي رد: سالفتي يوم اهك ع مرتي خخخخخخخخخخخ

بسم الله الرحمن الرحيم

هههههههههههههههههههه وربي ولا سوووبر مااان

الله يرج بليييسك ياقصوومتي
يسلموو قلبوووشتي

 

منتدى 37 درجة

آخر مواضيعي

0 عندي مشكله في المسن
0 بِهُدُوءْ سَأُعّلِنْ عِشّـ♥ـقَ [اُنْثَىَ] •●لَنْ يتكَرَرَ~•●..
0 جاستن بيبر 2011 البوم صور جاستن بيبر 2011
0 خلفيات ايبود , خلفيات ايبود بنوتات , خلفيات ايبود اطفال
0 خلفيات ايبود للبنات 2011 , خلفيات ايبود جديده للبنات
0 اجمل صور خلفيات سطح المكتب 2011
0 خلفيات سطح المكتب 2011

  رد مع اقتباس
قديم 04-08-2011, 02:19 AM   رقم المشاركة : 6
Qsoomh••
سبحان الله وبحمده
 
الصورة الرمزية Qsoomh••
افتراضي رد: سالفتي يوم اهك ع مرتي خخخخخخخخخخخ

بسم الله الرحمن الرحيم

اقتباس:
المشاركة الأصلية كتبت بواسطة Dr.دحووم مشاهدة المشاركة
يسلموو على هيكـ نقل ...
الله يسلمك دحوووووووم

 

منتدى 37 درجة

آخر مواضيعي

0 معناة المواطن منير محمد ال ضويان الدوسري
0 بنات جنوب تايلند يعلمن ابنة الحرمين ان الطب ليس عذراً لخلع الحجاب او التهاون فيه...
0 من هو صاحب النفس المطمئنه؟؟
0 هموستي نورت
0 وش هالبلشه؟؟
0 الي كل سني يؤمن بأن الروافض اخوانه في الدين وشركائه في الوطن..!!
0 موقع يسلم منه بعد الله اعداد من الاشخاص يومياً يتوفر بـ 8 لغات ..

  رد مع اقتباس
إضافة رد

الكلمات الدلالية (Tags)
مربح, خخخخخخخخخخخ, سالفتي

جديد مواضيع قسم منتدى وناسه نكت مقالب استهبال
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة

الانتقال السريع


الساعة الآن 05:54 AM.



المنتدى لايتبع اي جهه وكل مايكتب في المنتدى يمثل وجهة نظر كاتبة فقط

للتبليغ عن اي انتهاك للحقوق الفكرية يرجى الضغط هنا

Powered by vBulletin® Version 3.8.11
Copyright ©2000 - 2019, vBulletin Solutions, Inc.
SEO by vBSEO ©2011, Crawlability, Inc.